ເປັນຄັ້ງທຳອິດນັກຂ່າວສອງຮຸ່ນຄົນຂອງຫ້ອງການຜູ້ຕາງໜ້າ ສຳນັກຂ່າວພາບຫວຽດນາມປະຈຳນະຄອນໂຮ່ຈີມິນໄດ້ເປີດງານ ວາງສະແດງພາບຖ່າຍພາຍໃຕ້ຫົວຂໍ້ທີ່ວ່າ: “ຫວຽດນາມ-ປະເທດຊາດ ແລະ ຜູ້ຄົນ”. ພາບຖ່າຍ 60 ແຜ່ນທີ່ໄດ້ນຳມາ ສະເໜີຕໍ່ທ່ານຜູ້ຊົມເປັນການສົ່ງສານຫຼາຍຢ່າງທີ່ມີຄວາມໝາຍ ເລິກເຊິ່ງກ່ຽວກັບຊີວິດການເປັນຢູ່ຂອງມະນຸດ
ງານວາງສະແດງພາບຖ່າຍດັ່ງກ່າວຈັດໂດຍຫ້ອງການຜູ້ຕາງໜ້າສໍານັກຂ່າວພາບຫວຽດນາມປະຈໍານະຄອນໂຮ່ຈິມິນຈັດຂຶ້ນຢູ່ທີ່ຖະໜົນຫງວຽນວັນບິ່ງ, ເມືອງ 1, ນະຄອນໂຮ່ຈີມິນຫາກໍ່ມໍ່ໆມານີ້. ນີ້ແມ່ນເຫດການໜຶ່ງຈັດຂັ້ນເນື່ອງໃນໂອກາດ ສະເຫຼີມສະຫຼອງຄົບຮອບ 41 ປີ(30/4/1975 – 30/4/2016) ວັນປົດປ່ອຍພາກໃຕ້, ທ້ອນໂຮມປະເທດຊາດເປັນປຶກໜ່ຶງແຜ່ນດຽວ.
ນັກທ່ອງທ່ຽວຕ່າງປະເທດເຂົ້າຢ້ຽມຊົມງານວາງສະແດງ ພາບຖ່າຍ “ຫວຽດນາມ-ປະເທດຊາດ ແລະ ຜູ້ຄົນ” ໂດຍບັນດາຊ່າງພາບ
ຫ້ອງການຜູ້ຕາງໜ້າຂ່າວພາບຫວຽດນາມ ປະຈຳນະຄອນໂຮ່ຈີມິນເປັນຜູ້ດໍາເນີນການ.
ພາຍໃນຫ້ອງວາງສະແດງພາບຖ່າຍ.
ນັກທ່ອງທ່ຽວຕ່າງປະເທດນິຍົມຊົມຊອບຕໍ່ບັນດາແຜ່ນພາບຖ່າຍໃນງານວາງສະແດງຢູ່ທີ່ນີ້.
ບັນດາຊ່າງພາບຖ່າຍຮູບເປັນທີ່ລະນຶກຮ່ວມກັບໝູ່ເພື່ອນໃນມື້ໄຂງານວາງສະແດງ.
|
ດ້ວຍ 60 ພາບແຕ້ມຂອງ 6 ຊ່າງພາບທີ່ໄດ້ນໍາມາວາງສະແດງ ໃນຄັ້ງນີ້ແມ່ນວິນາທີ, ມູມມອງຕ່າງໆກ່ຽວກັບປະເທດຊາດ ແລະ ຜູ້ຄົນຫວຽດນາມຊຶ່ງໄດ້ປະດິດສ້າງຄືນມາໃໝ່ຢ່າງມີຊີວິດຊີວາ ແລະ ຊື່ຕົງທີສຸດ. ຫ້ອງການຜູ້ຕາງໜ້າສໍານັກຂ່າວພາບຫວຽດນາມປະຈໍານະຄອນໂຮ່ຈິມິນນັບແຕ່ສ້າງຕັ້ງຂຶ້ນໃນປີ 1982 ມາເຖິງປະຈຸບັນໄດ້ປະກອບສ່ວນຢ່າງຫລວງຫລາຍເຂົ້າໃນການປະຕິບັດພາລະບົດບາດຂອງຕົນດ້ານການພົວພັນຕ່າງປະເທດ, ນໍາສະເໜີ, ໂຄສະນາເຜີຍແຜ່ ຕໍ່ເພື່ອນມິດສາກົນກ່ຽວກັບຮູບພາບຂອງປະເທດກໍ່ຄືຜູ້ຄົນຫວຽດນາມ.
ຕະຫຼອດໄລຍະ 30 ກວ່າປີຜ່ານມາ, ບັນດານັກຂ່າວຮຸ່ນຕ່າງໆ ຂອງຫ້ອງການຜູ້ຕາງໜ້າຂ່າວພາບຫວຽນາມປະຈຳນະຄອນໂຮ່ຈີມິນໄດ້ນຳເອົາລົມຫາຍໃຈ, ພະລັງຊີວິດຂອງທາງທິດໃຕ້ ເຈືອຈານເຂົ້າກັບຄວາມຫ້າວຫັນແລະຫຼົງໄຫຼຂອງຕົນເພື່ອປະດິດຄິດສ້າງໃຫ້ເປັນບັນດາຜະລິດພັນສິລະປະພາບຖ່າຍ, ພາບໜັງສືພິມກ່ຽວກັບຜູ້ຄົນ ແລະ ທັດສະນີຍະພາບ ຢູ່ທົ່ວທຸກ ຫົນແຫ່ງຂອງປະເທດຊາດຫວຽດນາມ.
ນັບແຕ່ບັນດານັກຂ່າວທີ່ເຕັມໄປດ້ວຍປະສົບການເຊັ່ນ: ທ່ານກວາງມິງ, ຮື້ວແທັ່ງ, ຈົນຮອດບັນດານັກຂ່າວພາບຮຸ່ນຕໍ່ມາເຊັ່ນ: ເລມິນ, ກີມເຟືອງ, ຫງວຽນລວັນລ້ວນແຕ່ເປັນ “ມືກ້ອງ” ທີ່ຫ້າວຫັນ, ຂະຫຍັນງານ ແລະ ເໜືອກວ່າສິ່ງອື່ນໃດແມ່ນຍາມໃດກໍ່ສະແດງໃຫ້ເຫັນຢ່າງຊັດແຈ້ງ “ທາດຂ່າວພາບ” ຢູ່ໃນຜະລິດຜົນຂອງຕົນ.
ປະຕິບັດໂດຍ: ທົງຫາຍ