ວັນທີ 18 ເມສາ, ລັດເຊຍ, ຈີນ, ແບນຊິກ ແລະ ເມັກຊີໂກ ແລະ ບັນດາອົງການຈັດຕັ້ງສາກົນ ລ້ວນແຕ່ໄດ້ຄັດຄ້ານຕໍ່ເລື່ອງ ອາເມລິກາ ເພີ່ມທະວີບັນດາການກະທໍາເປັນປໍລະປັກ ສໍາລັບ ກູບາ ພາຍຫຼັງທ່ານລັດຖະມົນຕີການຕ່າງປະເທດ ອາເມລິກາ Mike Pompeo ໄດ້ຖະແຫຼງວ່າ ວໍຊິງຕັນ ຈະປະຕິບັດ ພາກທີ 3 ຂອງກົດໝາຍ Helms- Burton, ພ້ອມທັງຍົກອອກບັນດາມາດຕະການລົງໂທດໃໝ່ ຕ້ານຄືນ ລາຮາວານ. ຕາມນັ້ນແລ້ວ, ບັນດາພົນລະເມືອງ ອາເມລິກາ ທີ່ຖືສັນຊາດ ກູບາ ກໍຄືບັນດາວິສາຫະກິດ ອາເມລິກາ ສາມາດຮ້ອງຟ້ອງບັນດາບໍລິສັດຕ່າງປະເທດທີ່ເຄື່ອນໄຫວໃນສ່ວນຊັບສົມບັດທີ່ຖືກໂອນເປັນຂອງລັດໃນການປະຕິວັດເມື່ອປີ 1959 ຢູ່ ກູບາ. ການກະທໍາດັ່ງກ່າວ ໄດ້ຮັບຖືວ່າ ແມ່ນເພື່ອແນໃສ່ເພີ່ມກໍາລັງດັນຕໍ່ອໍານາດການປົກຄອງ ກູບາ ເຊິ່ງກ່ຽວຂ້ອງເຖິງການຊ່ວຍໜູນປະເທດບ້ານໃກ້ເຮືອນຄຽງ ເວເນຊູເອລາ. ໂຕ້ຕອບຄືນການກະທໍາດັ່ງກ່າວ, ລັດຖະບານ ກູບາ ຢັ້ງຢືນວ່າ ກົດໝາຍ Helms- Burton ໂດຍ ອາເມລິກາ ນໍາໃຊ້ ແມ່ນເພື່ອແນໃສ່ເພີ່ມຄໍາສັ່ງຂວໍ້າບາດດ້ານເສດຖະກິດສໍາລັບ ກູບາ ນັ້ນ ແມ່ນບໍ່ມີຜົນສັກສິດຢູ່ປະເທດເກາະ Caribe ນີ້ ຢ່າງສິ້ນເຊີງ.
(ແຫຼ່ງຄັດຈາກ VOV)