ເຖິງວ່າ ຫາກໍ່ເຂົ້າຮ່ວມຂົງເຂດການຕຳ່ແຜ່ນຕັດຫຍິບມາໄດ້ກວ່າ 8 ປີເທົ່ານັ້ນ, ແຕ່ບໍລິສັດຕຳ່ແຜ່ນຕັດຫຍິບ ຝູ້ແທ່ງ ຢັ້ງຢືນໄດ້ເຄື່ອງໝາຍການຄ້າຂອງຕົນຢູ່ຕະຫຼາດພາຍໃນ ແລະ ຕ່າງປະເທດຍ້ອນມີແຜນຍຸດທະສາດຫັນເປັນອັນແຕກຕ່າງທີ່ສຸມໃສ່ເຂົ້າໃນການຜະລິດເຄື່ອງຊ້ອນໃນ ແລະ ຖົງຕີນສຳລັບຜູ້ຊາຍ.
ໃນໂຮງງານຜະລິດຕິດຕັ້ງລະບົບເຄື່ອງຈັກຕຳ່ແຜ່ນແບບອັດຕະໂນມັດທັນສະໄໝ 300 ໜ່ວຍ, ທ່ານ ຫງວຽນວຽດຕຸ່ງ, ປະທານສະພາ ບໍລິຫານ, ທັງເປັນຜູ້ອຳນວຍການໃຫຍ່ຂອງບໍລິສັດຕັດຫຍິບ ຝູ້ແທ່ງ ໄດ້ໄຂຄວາມໃນໃຈກັບພວກຂ້າພະເຈົ້າກ່ຽວກັບແນວຄວາມຄິດຂອງຕົນເມື່ອສ້າງຕັ້ງບໍລິສັດນີ້ຂຶ້ນມາ.
ໃນໄລຍະປີ 1996, ຫວຽດນາມ ມີໂຮງງານຕຳ່ແຜ່ນດ້ວຍເຂັມພຽງຊວນດິງ ເປັນໂຮງງານຜະລິດສະເພາະຖົງຕີນຕາມໃບສັ່ງຊື້ສິນຄ້າຂອງຍີ່ປຸ່ນ. ໄລຍະນັ້ນ, ໂຮງງານບໍ່ຈຳໜ່າຍຜະລິດຕະພັນຢູ່ຕະຫຼາດພາຍໃນປະເທດ, ຍ້ອນແນວນັ້ນ ທ່ານ ຕຸ່ງ ແລະປະຊາຊົນຫຼາຍຄົນຕ້ອງມາຢືນລຽນແຖວເພື່ອຊື້ຜະລິດຕະພັນທີ່ມີຕຳນິບໍ່ສາມາດສົ່ງອອກໄດ້. ແລະຈາກແຕ່ລະຄັ້ງທີ່ຢືນລຽນແຖວເຂົ້າຊື້ຖົງຕີນນັ້ນ, ທ່ານຕຸ່ງຈຶ່ງເກີດມີແນວຄວາມຄິດວ່າຄວາມຕ້ອງການຂອງຕະຫຼາດທີ່ມີທ່າແຮງບົ່ມຊ້ອນສຸດຍິ່ງໃຫຍ່ ແລ້ວທ່ານຈິ່ງຕັດສິນໃຈປະຕິບັດຕາມຄວາມຄິດຂອງຕົນ.
ການພົບປະໂດຍບັງເອີນຂອງທ່ານ ຕຸ່ງ ແລະ ໝູ່ຄົນໜຶ່ງຊາວ ເກົາຫຼີ ໄດ້ຊ່ວຍໃຫ້ຕຸ່ງສາມາດປະຕິບັດຄວາມມຸ່ງຫວັງຂອງຕົນໄດ້. ຈາກການ ຊ່ວຍເຫຼືອຂອງໝູ່ຄົນນີ້, ທ່ານ ຕຸ່ງ ສັ່ງຊື້ເຄື່ອງຈັກຕຳ່ແຜ່ນ 10 ໜ່ວຍ ຄ້າຍຄືຂອງໂຮງງານຕຳ່ແຜ່ນດ້ວຍເຂັມຊວນດິງ ໃນລາຄາ 1.100 USD ຕໍ່ເຄື່ອງ ແລະ ເລີ່ມການເຄື່ອນໄຫວຕາມແບບ ເອກະຊົນ. ມາເຖິງປີ 2008, ບໍລິສັດຕັດຫຍິບ ຝູ້ແທ່ງ ຈຶ່ງໄດ້ຖືກສ້າງຕັ້ງຂຶ້ນຢ່າງເປັນທາງການ ແລະ ເຄື່ອນໄຫວຕາມຮູບແບບເປັນ ກຸ່ມບໍລິສັດຄືປະຈຸບັນນີ້.
ກຳມະກອນຂອງບໍລິສັດຕັດຫຍິບ ຝູ້ແທ່ງບັນຊາລະບົບ
ເຄື່ອງຈັກຕຳ່ແຜ່ນໃນຕ່ອງໂສ້ການຜະລິດຂອງໂຮງງານ.
ລົງທຶນຫລາຍເພື່ອຊື້ອຸປະກອນເຄື່ອງຈັກໃໝ່ໄດ້ຊ່ວຍໃຫ້ບໍລິສັດຕັດຫຍິບ ຝູ້ແທ່ງ ເປີດກວ້າງຂະໜາດການຜະລິດອອກຕື່ມ.
ສ່ວນຫຼາຍເຄື່ອງຈັກທີ່ທັນສະໄໝແມ່ນໄດ້ນຳໃຊ້ເຂົ້າໃນຕ່ອງໂສ້ຜະລິດຖົງຕີນ.
ກຳມະກອນຫຍິບກຳລັງກວດກາຄຸນນະພາບຂອງຜະລິດຕະພັນເທິງຕ່ອງໂສ້ການຜະລິດ.
ປ່ຽນແປງໃໝ່ເຕັກໂນໂລຊີການຜະລິດເປັນວຽກທີ່ບໍລິສັດຕັດຫຍິບ ຝູ້ແທ່ງ ຖືເປັນສຳຄັນ.
ມູມໜຶ່ງຂອງຕ່ອງໂສ້ການຜະລິດຂອງບໍລິສັດຕັດຫຍິບ ຝູ້ແທ່ງ.
ຕ່ອງໂສ້ການຫຸ້ມຫໍ່ຜະລິດຕະພັນຖົງຕີນຂອງບໍລິສັດຕັດຫຍິບ ຝູ້ແທ່ງ.
ຜະລິດຕະພັນຖົງຕີນຂອງບໍລິສັດຕັດຫຍິບ ຝູ້ແທ່ງ. |
ເພື່ອຜະລິດອອກມາຜະລິດຕະພັນທີ່ເໝາະສົມກັບຊາວ ຫວຽດນາມ, ທ່ານຕຸ່ງໄດ້ຄົ້ນຄວ້າກ່ຽວກັບລັກສະນະການອອກເຫື່ອຈະສົ່ງຜົນເຮັດໃຫ້ມີກິ່ນເໝັນອອກມາຍ້ອນສະພາບແວດລ້ອມ ແລະອາກາດອົບເອົ້າ. ຈາກການຄົ້ນຄວ້າດັ່ງກ່າວ, ທາງບໍລິສັດໄດ້ນຳ ເຕັກໂນໂລຊີ ນາໂນ ເຂົ້າໃນການຜະລິດເພື່ອກຳຈັດເຊື້ອພ້ອມທັງເອົາວັດຖຸທາດທີ່ສາມາດແກ້ໄຂກິ່ນເໝັນ, ຕ້ານເຊື້ອເຂົ້າໃນຜະລິດຕະພັນເພື່ອຊ່ວຍຊຶມນຳ້ເຫື່ອຜູ້ໃຊ້ຈະບໍ່ມີກິ່ນເໝັນອີກ.
ອີກດ້ານໜຶ່ງ, ທາງບໍລິສັດກຳລັງຄົ້ນຄວ້າ ແລະ ນຳວັດຖຸດິບ ຄື: ເສັ້ນດ້າຍເກັບຄວາມຮ້ອນ, ເສັ້ນດ້າຍທີ່ມີຄວາມເຢັນເຂົ້າໃນການຜະລິດ ເສື້ອຊ້ອນລະດູໜາວ ແລະ ລະດູຮ້ອນ.
ປະຈຸບັນ, ປະລິມານການຜະລິດຖົງຕີນຂອງບໍລິສັດບັນລຸໄດ້ 20 ລ້ານຄູ່ຕໍ່ປີ, ໂສ້ງເສື້ອຊ້ອນໄດ້ຫລາຍກວ່າ 1 ລ້ານຊຸດຕໍ່ປີ. ນອກຈາກຈຳໜ່າຍໃຫ້ແກ່ຕະຫຼາດພາຍໃນແລ້ວ, ທາງບໍລິສັດຍັງສົ່ງອອກໄປຕະຫຼາດຕ່າງໆຄື: ກຸຍບາ (5-6 ລ້ານຄູ່ຕໍ່ປີໃນປີ 2013), ຍີ່ປຸ່ນ, ສ.ເກົາຫຼີ ແລະ ບາງປະເທດຢູ່ຂົງເຂດອາເມລິກາໃຕ້.
ເມື່ອ ຫວຽດນາມ ເຂົ້າຮ່ວມສັນຍາການຄ້າຕ່າງໆຄື: TPP, AEC…ເປັນໂອກາດຍິ່ງໃຫຍ່ເພື່ອໃຫ້ຕັດຫຍິບ ຝູ້ແທ່ງກັ່ນຕອງ ແລະ ລົງທຶນໃສ່ຊື້ອຸປະກອນເຄື່ອງຈັກໃໝ່ ໂດຍຜ່ານການສວຍໃຊ້ທ່າແຮງທາງດ້ານພາສີ.
(ທ່ານ ຫງວຽນວຽດຕຸ່ງ, ປະທານສະພາ ບໍລິຫານ, ທັງເປັນຜູ້ອຳນວຍການໃຫຍ່ຂອງບໍລິສັດຕັດຫຍິບ ຝູ້ແທ່ງ)
|
ບົດ: ຖາບວີ - ພາບ: ຫວຽດເກື່ອງ