• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ນາຍົກລັດຖະມົນຕີເປັນປະທານກອງປະຊຸມຄະນະປະຈຳລັດຖະບານກ່ຽວກັບວຽກງານປ້ອງກັນ,ສະກັດກັ້ນໂລກລະບາດໂຄວິດ-19

ທ່ານນາຍົກລັດຖະມົນຕີໄດ້ຕີລາຄາສູງປະຊາຊົນຢູ່ທ້ອງຖິ່ນຕ່າງໆ ໄດ້ປະຕິບັດວຽກງານແຍກຕົວໃນສັງຄົມ, ປະຕິບັດບັນດາການແນະນຳຂອງອົງການທີ່ມີໜ້າທີ່  ເປັນຢ່າງດີ.

 
ກອງປະຊຸມຄະນະປະຈຳລັດຖະບານ

(ພາບປະກອບ: TTXVN)


ຕອນບ່າຍວັນທີ 06 ເມສາ, ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວນຊວັນຟຸກ ໄດ້ເປັນປະທານກອງປະຊຸມຄະນະປະຈຳລັດຖະບານກ່ຽວກັບວຽກງານປ້ອງກັນ, ສະກັດກັ້ນໂລກລະບາດໂຄວິດ-19.

        ທ່ານນາຍົກລັດຖະມົນຕີໄດ້ຕີລາຄາສູງປະຊາຊົນຢູ່ທ້ອງຖິ່ນຕ່າງໆ ໄດ້ປະຕິບັດວຽກງານແຍກຕົວໃນສັງຄົມ, ປະຕິບັດບັນດາການແນະນຳຂອງອົງການທີ່ມີໜ້າທີ່  ເປັນຢ່າງດີ. ເຖິງວ່າ ບັນດາກໍລະນີຕິດໂລກລະບາດໂຄວິດ-19 ໃນ 2 ວັນຜ່ານມາໄດ້ຫຼຸດລົງຫຼາຍກໍ່ຕາມ, ແຕ່ທ່ານນາຍົກລັດຖະມົນຕີຖືວ່າ ບໍ່ຄວນປະໝາດ ແລະ ຄວນສືບຕໍ່ປະຕິບັດບັນດາມາດຕະການແກ້ໄຂທີ່ໄດ້ວາງອອກໃຫ້ເປັນຢ່າງດີ. ພ້ອມທັງ, ສືບຕໍ່ສ້າງບັນດາມາດຕະການວິທະຍາສາດ, ເພີ່ມທະວີການປິ່ນປົວ, ສ້າງແຜນການປິ່ນປົວດີທີ່ສຸດໃນການປິ່ນປົວພະຍາດ.

ທ່ານນາຍົກລັດຖະມົນຕີໄດ້ຊີ້ນຳວ່າ, ໃນໄລຍະຈະມາເຖິງທັງລະບົບການເມືອງ, ພິເສດແມ່ນບັນດາທ້ອງຖິ່ນ ແລະ ຂະແໜງສາທາລະນະສຸກຄວນກຳແໜ້ນສະພາບການ, ກະກຽມຮັບມືກັບບັນດາສະພາບການໂດຍໄວ, ເພີ່ມທະວີການວິໄຈ.

“ພວກເຮົາຕ້ອງກະກຽມໂຮງໝໍຊົວຄາວຖ້າເກີດສະພາບຮ້າຍແຮງໃຫ້ເປັນຢ່າງດີ. ກະຊວງສາທາລະນະສຸກບໍ່ພຽງແຕ່ແມ່ນອົງການປະຈຳການຄະນະຊີ້ນຳເທົ່ານັ້ນ, ຫາກຍັງລົງເລິກດ້ານວິຊາສະເພາະໂດຍກົງອີກດ້ວຍ. ບັນດາທ້ອງຖິ່ນປະຕິບັດຖືກຕ້ອງຕາມການຊີ້ນຳຂອງນາຍົກລັດຖະມົນຕີ, ປະຕິບັດການແຍກຕົວໃນສັງຄົມຢ່າງເຂັ້ມງວດ, ບໍ່ປະໃຫ້ໂລກລະບາດແຜ່ລະບາດອອກສູ່ວົງຄະນະຍາດ. ຖ້າຫາກສະກັດກັ້ນການແຜ່ລະບາດໄດ້ຈະບໍ່ມີຈຸດຍອດສູງຂອງໂລກລະບາດ, ບໍ່ກໍ່ຄວາມເສຍຫາຍກ່ຽວກັບຊີວິດມະນຸດ ແລະ ສຸຂະພາບໃຫ້ແກ່ປະຊາຊົນ”.

        ຕໍ່ໜ້າຜົນກະທົບຂອງໂລກລະບາດໂຄວິດ-19 ເຮັດໃຫ້ຫຼາຍເປົ້າໝາຍທີ່ມີຄວາມສ່ຽງສູງກວ່າເພີ່ນປະສົບກັບຄວາມຫຍຸ້ງຍາກນັ້ນ, ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ຮູ້ວ່າ, ລັດຖະບານໄດ້ປຶກສາຫາລືກ່ຽວກັບຮ່າງມະຕິຂອງລັດຖະບານກ່ຽວກັບບ້ວງເງິນໜູນຊ່ວຍສັງຄົມ ແລະ ໄດ້ເປັນເອກະພາບບັນດາເນື້ອໃນສຳຄັນຄື: ຫຼັກການໜູນຊ່ວຍ, ເປົ້າໝາຍໜູນຊ່ວຍ, ເວລາ, ລະດັບໜູນຊ່ວຍ… ລັດຖະບານກໍ່ໄດ້ສະເໜີຕໍ່ຄະນະປະຈຳສະພາແຫ່ງຊາດພິຈາລະນາ, ປະກອບຄຳເຫັນສຳລັບບາງເນື້ອໃນຂຶ້ນກັບສິດຂອງສະພາແຫ່ງຊາດ ກ່ອນທີ່ປະກາດໃຊ້ບ້ວງເງິນໜູນຊ່ວຍດັ່ງກ່າວ.

 (ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top