• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ນາຍົກລັດຖະມົນຕີຫວຽດນາມ ຊີ້ນໍາວຽກງານປ້ອງກັນ ແລະ ສະກັດກັ້ນໂລກລະບາດໂຄວິດ - 19 ຢູ່ 5 ນະຄອນໃຫຍ່

      ການເຮັດວຽກດັ່ງກ່າວຖືກຈັດຂຶ້ນ ເພື່ອແນໃສ່ກວດກາວຽກງານປ້ອງກັນ ແລະ ສະກັດກັ້ນໂລກລະບາດ ແລະ ຮັບຟັງຂໍ້ສະເໜີ ແລະ ມາດຕະການຕ່າງໆຂອງບັນດາທ້ອງຖິ່ນ.
        ຕອນເຊົ້າວັນທີ 29 ມີນາ, ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເປັນປະທານການປະຊຸມອອນລາຍຂອງຄະນະປະຈໍາລັດຖະບານ ກັບ 5 ນະຄອນໃຫຍ່ ນັ້ນແມ່ນ ຮ່າໂນ້ຍ, ນະຄອນໂຮ່ຈີມິນ, ດ່າໜັງ, ເກີ່ນເທີ ແລະ ຫາຍຟ່ອງ. 
        ກ່າວຄໍາເຫັນໄຂການປະຊຸມ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ຊີ້ແຈ້ງວ່າ, 5 ນະຄອນດັ່ງກ່າວ ລ້ວນແຕ່ແມ່ນບັນດາຕົວເມືອງໃຫຍ່, ມີປະຊາກອນຫຼາຍ ແລະ ມີການພົວພັນແລກປ່ຽນເຊິ່ງກັນແລະກັນຫຼາຍ. ສະນັ້ນ, ມີຄວາມສ່ຽງຕິດເຊື້ອສູງທີ່ສຸດ ແລະ ເວລາທີ່ດີທີ່ສຸດເພື່ອສະກັດກັ້ນການລະເບີດຂອງໂລກລະບາດຍັງເຫຼືອ 2 ອາທິດ, ທ່ານນາຍົກລັດຖະມົນຕີສະເໜີທ້ອງຖິ່ນຕ່າງໆ ຈົ່ງປະກອບຄໍາເຫັນໃຫ້ແກ່ລັດຖະບານ, ຄະນະຊີ້ນໍາແຫ່ງຊາດ ກ່ຽວກັບບັນດາມາດຕະການປ້ອງກັນ ແລະ ສະກັດກັ້ນໂລກລະບາດ ເພື່ອແນໃສ່ແກ້ໄຂບັນຫາດັ່ງກ່າວໄດ້ຢ່າງແທດເໝາະກັບສະພາບການຕົວຈິງກວ່າ. ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ຕີລາຄາສູງຂະແໜງສາທາລະນະສຸກ, ບັນດາທ້ອງຖິ່ນ ທີ່ໄດ້ສຸມໃສ່ການປິ່ນປົວໃຫ້ແກ່ຄົນເຈັບ, ໂດຍສະເພາະແມ່ນບັນດາກໍລະນີເຈັບໜັກ ແລະ ປັດຈຸບັນຍັງບໍ່ທັນມີຜູ້ເສຍຊີວິດຍ້ອນໂລກລະບາດດັ່ງກ່າວ. ເນັ້ນໜັກເຖິງບົດບາດສໍາຄັນຂອງບັນດາທ້ອງຖິ່ນໃນການສະກັດກັ້ນໂລກລະບາດ, ທ່ານນາຍົກລັດຖະມົນຕີ ຫງວຽນຊວັນຟຸກ ສະເໜີວ່າ:
        ຕ້ອງກຽມພ້ອມສ້າງເງື່ອນໄຂເພື່ອຮັບປະກັນການຮັບມືໃນທັນທີ ຕໍ່ສະພາບທີ່ຮ້າຍແຮງທີ່ສຸດຄື ສະບຽງອາຫານ, ໂຮງໝໍຊົ່ວຄາວ, ກໍາລັງສໍາຮອງ ແລະ ນັບທັງກໍລະນີປະກາດສະພາວະສຸກເສີນ ຫຼືສູງກວ່ານັ້ນ ແມ່ນປະກາດກົດໄອຍະການເສິກ ຕາມລະບອບໃນສະໄໝສົງຄາມ. ເພີ່ມທະວີບັນດາໂຮງໝໍ ເພື່ອປິ່ນປົວພະຍາດຢູ່ຫຼາຍທ້ອງຖິ່ນ ເປັນຕົ້ນແມ່ນທ້ອງຖິ່ນທີ່ມີຄວາມສ່ຽງສູງ”.

ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເປັນປະທານການປະຊຸມອອນລາຍ
ຂອງຄະນະປະຈໍາລັດຖະບານ ກັບ
5 ນະຄອນໃຫຍ່  (ພາບ: VGP)
      ການປະຊຸມ, ເມື່ອລາຍການກ່ຽວກັບສະພາບການຢູ່ເຂດແຍກຕົວ ຟາບເວິນ - ຕື໊ຮຽບ ຢູ່ເມືອງຮວ່າງມາຍ, ຮ່າໂນ້ຍ, ພັນຕີ ແທັງຫາຍ, ຫົວໜ້າກອງບັນຊາການທະຫານເມືອງຮວ່າງມາຍ ໃຫ້ຮູ້ວ່າ:
ຜ່ານໄລຍະ 10 ວັນຢູ່ເຂດແຍກຕົວ, ແນວຄິດຂອງພົນລະເມືອງທີ່ຖືກແຍກຕົວ ໂດຍລວມແລ້ວແມ່ນເປັນປົກກະຕິ ແລະ ເຊື້ອໝັ້ນຕໍ່ແຜນນະໂຍບາຍຂອງພັກ, ຄວາມເອົາໃສໃຈຂອງລັດຖະບານ, ລັດ, ນະຄອນ ແລະ ກອງບັນຊາການນະຄອນຫຼວງ. ບັນດາກໍາລັງຮັບໃຊ້ ຄືທະຫານ, ຕໍາຫຼວດ, ສາທາລະນະສຸກ, ສະມາຊິກຊາວໜຸ່ມ ໄດ້ສົມທົບກັນຢ່າງແໜ້ນແຟ້ນ, ດ້ວຍຄວາມຮັບຜິດຊອບສູງ ເພື່ອວົງຄະນະຍາດ ແລະ ເພື່ອປະຊາຊົນ. ດ້ວຍຄວາມມານະພະຍາຍາມສູງສຸດ, ຂໍສັນຍາກັບທ່ານນາຍົກລັດຖະມົນຕີວ່າ ພວກຂ້າພະເຈົ້າ ຈະຮ່ວມແຮງຮ່ວມໃຈເພື່ອເອົາໄຊຊະນະຕໍ່ໂລກລະບາດໂຄວິດ - 19, ຮັບປະກັນຄວາມສະຫງົບໃຫ້ແກ່ປະເທດຊາດ”.
        ໃນຂະນະນັ້ນ, ທ່ານພັນເອກ ເລຄັກຫຸ່ງ, ຮອງຫົວໜ້າເສນາທິການກອງບັນຊາການທະຫານນະຄອນດ່າໜັງ, ໃຫ້ຮູ້ວ່າ ກໍາລັງເຈົ້າໜ້າທີ່ໄດ້ປະຕິບັດວຽກງານໂຄສະນາໄດ້ເປັນຢ່າງດີ ສະນັ້ນ ພົນລະເມືອງມີຄວາມອຸ່ນອ່ຽນໃຈ ແລະ ປະຕິບັດບັນດາຂໍ້ກໍານົດຂອງເຂດແຍກຕົວຢູ່ດ່າໜັງ ໄດ້ເປັນຢ່າງດີ.
 (ແຫຼ່ງຄັດຈາກ VOV)

ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ

ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ

ຫວຽດນາມ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຈົ່ງອົດກັ້ນ, ປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງເຂັ້ມງວດ, ແກ້ໄຂການຂັດແຍ້ງກັນໂດຍສັນຕິວິທີ, ພ້ອມກັບປະກອບສວ່ນເຂົ້າການຮັກສາສັນຕິພາບ, ສະຖຽນລະພາບ ແລະ ການຮ່ວມມືຢູ່ທະເລຕາເວັນອອກ.

Top