• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ນາຍົກລັດຖະມົນຕີ ຫງວຽນຊວນຟຸກ ຍົກອອກຂໍ້ສະເໜີສຳຄັນ 3 ຂໍ້ທີ່ ASEM 12

      ທີ່ວາລະປະຊຸມຄົບຄະນະຄັ້ງທີ 2 ດ້ວຍຫົວຂໍ້ວ່າ ປັບປຸງລະບົບຫັນເປັນຫຼາຍຝ່າຍ: ຊຸກຍູ້ການພົວພັນຄູ່ຮ່ວມມື ASEM ຮັບມືກັບບັນດາສິ່ງທ້າທາຍທົ່ວໂລກ”, ບັນດາການນຳຢັ້ງຢືນວ່າ ASEM ຄວນເສີມຂະຍາຍບົດບາດພື້ນຖານຊຸກຍູ້ລະບົບຫຼາຍຝ່າຍຢ່າງມີປະສິດທິຜົນ

ທ່ານນາຍົກລັດຖະມົນຕີ ຫງວຽນຊວນຟຸກ ທີ່ກອງປະຊຸມ
      ຕອນເຊົ້າວັນທີ 19 ຕຸລາ, ຢູ່ບຣຸກແຊນ, ປະເທດ ແບນຊິກ, ກອງປະຊຸມສຸດຍອດເວທີປາໄສຮ່ວມມື ອາຊີ - ເອີລົບ ຄັ້ງທີ 12 (ASEM 12) ເລີ່ມກ້າວເຂົ້າສູ່ມື້ເຮັດວຽກທີ 2 ດ້ວຍວາລະປະຊຸມຄົບຄະນະຄັ້ງທີ 1 ແລະ ທີສອງ. ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ພ້ອມກັບນາຍົກລັດຖະມົນຕີ ສິງກະໂປ, ນອກແວ ແລະ ແອດສະປາຍ ໄດ້ເຊື້ອເຊີນກ່າວຄຳເຫັນທີ່ວາລະປະຊຸມຄົບຄະນະຄັ້ງທີ 2.
        ທີ່ວາລະປະຊຸມຄົບຄະນະຄັ້ງທີ 2 ດ້ວຍຫົວຂໍ້ວ່າ “ປັບປຸງລະບົບຫັນເປັນຫຼາຍຝ່າຍ: ຊຸກຍູ້ການພົວພັນຄູ່ຮ່ວມມື ASEM ຮັບມືກັບບັນດາສິ່ງທ້າທາຍທົ່ວໂລກ”, ບັນດາການນຳຢັ້ງຢືນວ່າ ASEM ຄວນເສີມຂະຍາຍບົດບາດພື້ນຖານຊຸກຍູ້ລະບົບຫຼາຍຝ່າຍຢ່າງມີປະສິດທິຜົນ ແລະ ຄວາມເປັນລະບຽບຮຽບຮ້ອຍສາກົນໂດຍອີງໃສ່ບັນດາກົດລະບຽບ. ວາລະປະຊຸມໄດ້ເຫັນດີເຫັນພ້ອມຫຼາຍມາດຕະການເພີ່ມທະວີການຮ່ວມມື ASEM.
        ກ່າວຄຳເຫັນທີ່ວາລະປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຍົກອອກ 3 ຂໍ້ສະເໜີສຳຄັນຕໍ່ກອງປະຊຸມຄື:
        ທີໜຶ່ງແມ່ນ, ASEM ຄວນນຳໜ້າໃນການຊຸກຍູ້ການຮ່ວມມືຫຼາຍຝ່າຍ ແລະ ຄວາມເປັນລະບຽບຮຽບຮ້ອຍສາກົນ. ສອງທະວີບນີ້ຄວນຮ່ວມມືຢ່າງແໜ້ນແຟ້ນໃນການແກ້ໄຂບັນດາສິ່ງທ້າທາຍຈາກຄວາມໝັ້ນຄົງແບບເກົ່າ ແລະ ແບບໃໝ່, ຮັກສາສັນຕິພາບ, ຊຸກຍູ້ການເຈລະຈາ, ສ້າງຄວາມໄວ້ເນື້ອເຊື່ອໃຈ, ເຄົາລົບກົດໝາຍສາກົນ ແລະ ບັນດາມາດຕະຖານລວມ.
        ທີສອງແມ່ນ, ASEM ຄວນນຳໜ້າໃນການຜັນຂະຫຍາຍບັນດາຄຳໝັ້ນສັນຍາ ກ່ຽວກັບການຮັບມືກັບການປ່ຽນແປງຂອງດິນຟ້າອາກາດ, ໄພທຳມະຊາດ ແລະ ຄຸ້ມຄອງບັນດາແຫຼ່ງຊັບພະຍາກອນທຳມະຊາດຢ່າງໝັ້ນຄົງ, ຄ້ຳປະກັນດ້ານສະບຽບອາຫານ, ພະລັງງານ…
        ທີສາມແມ່ນ, ພັດທະນາແບບຍືນຍົງ, ກວມລວມຕິດພັນກັບການປ່ຽນແປງໃໝ່ມີຫົວຄິດປະດິດສ້າງ, ຄວນກາຍເປັນສຸດສຸມໃນການຮ່ວມມືຂອງ ASEM. ຄວນຊຸກຍູ້ການເຕີບໂຕກວມລວມດ້ານເສດຖະກິດ - ສັງຄົມ, ຫລຸດຜ່ອນຄວາມທຸກຍາກແບບຍືນຍົງ, ການສຶກສາມີຄຸນນະພາບ, ພັດທະນາແຫຼ່ງຊັບພະຍາກອນມະນຸດໃນສັງກາດດີຈີຕອນ; ເຊື່ອມຕໍ່ບັນດາສູນປ່ຽນແປງໃໝ່ມີຫົວຄິດປະດິດສ້າງ, ສູນບຳລຸງສ້າງ, ຄົ້ນຄ້ວາ…
 (ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top