ຂ່າວສານ
ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ເຮັດວຽກກັບຄະນະກໍາມະການຄຸ້ມຄອງເງິນທຶຶນຂອງລັດ
ທ່ານນາຍົກລັດຖະມົນຕີ ຫງວຽນຊວັນຟຸກ ກ່າວຄໍາເຫັນທີ່ການເຮັດວຽກ (ພາບ: chinhphu.vn)
ກ່າວຄໍາເຫັນທີ່ການເຮັດວຽກ, ທ່ານນາຍົກລັດຖະມົນຕີ ຫງວຽນຊວັນຟຸກ ຊີ້ແຈ້ງວ່າ ຄະນະກໍາມະການຄຸ້ມຄອງເງິນທຶນຂອງລັດໄດ້ເລີ່ມເຄື່ອນໄຫວນັບແຕ່ວັນທີ 30 ກັນຍາ 2018 ເປັນຕົ້ນມາ. ໃນໄລຍະເຄື່ອນໄຫວມາເປັນເວລາ 10 ເດືອນນັ້ນ, ຄະນະກໍາມະການ ໄດ້ຄຸ້ມຄອງ 19 ກຸ່ມບໍລິສັດ, ບໍລິສັດໃຫຍ່ຂອງລັດ ແລະ ແກ້ໄຂບັນດາຄວາມຫຍຸ້ງຍາກ ແລະຂໍ້ຕິດຂັດໃນໄລຍະເຄື່ອນໄຫວຂອງບັນດາກຸ່ມບໍລິສັດ ແລະ ບໍລິສັດໃຫຍ່ດັ່ງກ່າວ. ນີ້ແມ່ນໜ້າທີ່ອັນສໍາຄັນທີ່ສຸດ ເພາະວ່າ 19 ຫົວໜ່ວຍດັ່ງກ່າວ ກວມເອົາແຫຼ່ງທຶນກ້ອນໃຫຍ່, ມີຜົນກະທົບອັນໃຫຍ່ຫຼວງຕໍ່ການສ້າງຄວາມດຸ່ນດ່ຽງຂອງພື້ນຖານເສດຖະກິດ, ແກ້ໄຂວຽກເຮັດງານທໍາ, ຮັກສາສະຖຽນລະພາບຂອງເສດຖະກິດມະຫາພາກ... ທ່ານນາຍົກລັດຖະມົນຕີ ຫງວຽນຊວັນຟຸກ ຮຽກຮ້ອງໃຫ້ການນໍາບັນດາກະຊວງ, ຂະແໜງການ, ບໍລິສັດໃຫຍ່ ຈົ່ງປຶກສາຫາລືຕາມທິດແກ້ໄຂຄວາມຫຍຸ້ງຍາກ, ສ້າງເງື່ອນໄຂໃຫ້ຄະນະກໍາມະການໄດ້ເຄື່ອນໄຫວຢ່າງມີປະສິດທິຜົນທີ່ສຸດ. ຄະນະກໍາມະການຄຸ້ມຄອງເງິນກອງທຶນຂອງລັດ ກໍຕ້ອງມີຈິດໃຈສ້າງສັນເປັນຢ່າງສູງ, ຮັບເອົາການປະກອບຄໍາເຫັນຈາກບັນດາກະຊວງ, ຂະແໜງການ ເພື່ອປະຕິບັດໜ້າທີ່ທີ່ໄດ້ຮັບການມອບໝາຍ ໂດຍສະເພາະແມ່ນໃນວິວັດການສ້າງໂຄງປະກອບຄືນໃໝ່, ຫັນລັດວິສາຫະກິດ, ບໍລິສັດໃຫຍ່ເປັນຫຸ້ນສ່່ວນ.
(ແຫຼ່ງຄັດຈາກ VOV)
