• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານເລຂາທິການໃຫຍ່, ປະທານປະເທດ ລາວ ຕີລາຄາສູງໝາກຜົນແຫ່ງການຮ່ວມມືລະຫວ່າງ 2 ສະຖາບັນການເມືອງແຫ່ງຊາດ

      ທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ ໄດ້ຕີລາຄາສູງໝາກຜົນແຫ່ງການຮ່ວມມືລະຫວ່າງ 2 ສະຖາບັນໃນໄລຍະຜ່ານມາ; ພ້ອມທັງສະເໜີຝ່າຍ ຫວຽດນາມ ສືບຕໍ່ຊ່ວຍເຫຼືອ ລາວ

ທີ່ການຕ້ອນຮັບ
      ວັນທີ 15 ມັງກອນ, ທີ່ນະຄອນຫລວງ ວຽງຈັນ, ລາວ, ທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ ໄດ້ໃຫ້ການຕ້ອນຮັບຄະນະຜູ້ແທນສະຖາບັນການເມືອງແຫ່ງຊາດ ໂຮ່ຈີມິນ, ໂດຍທ່ານສາດສະດາຈານ, ປະລິນຍາເອກ ຫງວຽນຊວນຖັ໊ງ, ປະທານສະພາທິດສະດີສູນກາງ, ຜູ້ອຳນວຍການສະຖາບັນການເມືອງແຫ່ງຊາດ ໂຮ່ຈີມິນ ເປັນຫົວໜ້າຄະນະ.
        ທີ່ການຕ້ອນຮັບ, ທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ ໄດ້ຕີລາຄາສູງໝາກຜົນແຫ່ງການຮ່ວມມືລະຫວ່າງ 2 ສະຖາບັນໃນໄລຍະຜ່ານມາ; ພ້ອມທັງສະເໜີຝ່າຍ ຫວຽດນາມ ສືບຕໍ່ຊ່ວຍເຫຼືອ ລາວ ບຳລຸງສ້າງແຫຼ່ງຊັບພະຍາກອນມະນຸດໃນຂົງເຂດຄົ້ນຄວ້າທິດສະດີ ແລະ ວິທະຍາສາດ.
       ແລະກໍ່ໃນຕອນເຊົ້າວັນທີ 16 ມັງກອນ,  ຢູ່ນະຄອນຫຼວງວຽງຈັນ,  ທ່ານ ຫງວຽນຊວນຖັ໊ງ ຜູ້ອຳນວຍການສະຖາບັນການເມືອງແຫ່ງຊາດ ໂຮ່ຈີມິນ ກໍ່ໄດ້ມອບແບບສັນຍາລັກປື້ມທິດສະດີການເມືອງ 15 ຫົວ ແປເປັນພາສາລາວ ໃຫ້ແກ່ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ. ນີ້ແມ່ນບັນດາປື້ມສະໜອງຄວາມຮູ້ໃນຂົງເຂດກໍ່ສ້າງພັກ ແລະ ລະບົບການເມືອງ, ປັບປຸງ ແລະ ເພີ່ມທະວີລະບົບກົດໝາຍ, ບົດຮຽນ ໃນການພັດທະນາເສດຖະກິດ-ສັງຄົມຂອງຫວຽດນາມ.
ທີ່ພິທີມອບປື້ມ, ທ່ານ ບົວເງິນ ຊາພູວົງ ລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ໄດ້ເນັ້ນໜັກວ່າ ປື້ມຫົວຕ່າງໆທີ່ຝ່າຍຫວຽດນາມມອບໃຫ້ ແມ່ນມີຄຸນຄ່າສຳລັບວຽກງານຄົ້ນຄວ້າ ແລະ ຮ່ຳຮຽນ. ທາງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ ຈະສົມທົບກັບບັນດາອົງການທີ່ກ່ຽວຂ້ອງຂອງລາວ ເພື່ອເຊື່ອມຊຶມເນື້ອໃນຈິດໃຈຂອງປື້ມເຫຼົ່ານັ້ນ ໃນໝູ່ພະນັກງານ, ສະມາຊິກພັກ, ຊ່ວຍໃຫ້ທຸກໆຄົນເຂົ້າໃຈໄດ້ເຖິງທາດແທ້ປະຕິວັດຂອງສອງຊາດ ລາວ-ຫວຽດນາມ; ຫວຽດນາມ-ລາວ.
 (ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top