• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານປະທານປະເທດ ຫງວຽນຊວັນຟຸກ ມອບຂອງຂວັນບຸນເຕັດໃຫ້ຄອບຄົວທຸກຍາກຢູ່ ດ່ານັ້ງ

      ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ໄປຢື້ຢາມຖາມຂ່າວ, ລະດົມກຳລັງໃຈ, ມອບຂອງຂວັນບຸນເຕັດໃນບໍລິເວນນະຄອນ ດ່ານັ້ງ.
ທ່ານປະທານປະເທດ ຫວຽດນາມ ຫງວຽນຊວັນຟຸກ
(ພາບປະກອບ: TTXVN)
      ຕອນເຊົ້າວັນທີ 16 ມັງກອນ, ໂດຍຕາງໜ້າການນຳພັກ, ລັດ, ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ໄປຢື້ຢາມຖາມຂ່າວ, ລະດົມກຳລັງໃຈ, ມອບຂອງຂວັນບຸນເຕັດໃຫ້ຜູ້ຕາງໜ້າບັນດາຄອບຄົວທຸກຍາກ ຍ້ອນໂລກລະບາດໂຄວິດ-19, ກຳມະກອນ, ຊາວຜູ້ອອກແຮງງານ, ຜູ້ຕິດທາດພິດສີສົມ/ດີໂອຊິນໃນບໍລິເວນນະຄອນ ດ່ານັ້ງ.
      ທ່ານປະທານປະເທດ ຫງວຽນຊວັນຟຸກ ເນັ້ນໜັກວ່າ, ບຸນປີໃໝ່ປະຈຳຊາດ ແມ່ນຈຸດວັດທະນະທຳທີ່ເປັນມູນເຊື້ອຂອງແຕ່ລະຄອບຄົວ. ທ່ານປະທານປະເທດໄດ້ເຊັນຂໍ້ຕົກລົງກ່ຽວກັບການມອບຂອງຂວັນໃຫ້ບາງເປົ້າໝາຍມີຄຸນງາມຄວາມດີຕໍ່ການປະຕິວັດ ເນື່ອງໃນໂອກາດບຸນເຕັດປີຂານ 2022. ພ້ອມກັບແຫຼ່ງກຳລັງຂອງສູນກາງ, ບັນດາທ້ອງຖິ່ນໃນທົ່ວປະເທດ ກໍ່ໄດ້ກະກຽມແຫ່ລງການເງິນ ເພື່ອໜູນຊ່ວຍ່ປະຊາຊົນຕ້ອນຮັບບຸນເຕັດ. ທ່ານປະທານປະເທດ ສະເໜີໃຫ້ການນຳນະຄອນ ດ່ານັ້ງ, ສືບຕໍກວດກາບັນດາເປົ້າໝາຍໃນບໍລິເວນນະຄອນ, ໂດຍສະເພາະແມ່ນຄອບຄົວປະສົບກັບຄວາມຫຍຸ້ງຍາກ, ຄອບຄົວນະໂຍບາຍ, ຜູ້ເຖົ້າຜູ້ແກ່ຢູ່ໂດດດຽວ, ໜູນຊ່ວຍຢ່າງທັນການ ເພື່ອຮັບປະກັນໃຫ້ປະຊາຊົນທຸກຄົນໃນບໍລິເວນນະຄອນ ໄດ້ຕ້ອນຮັບບຸນເຕັດດ້ວຍຄວາມປອດໄພ, ມ່ວນຊື່ນ ແລະ ພິເສດແມ່ນຕ້ອງເອົາໃຈໃສ່ເຖິງບັນດາມາດຕະການປ້ອງກັນ, ຕ້ານໂລກລະບາດໂຄວິດ-19, ບໍ່ປະໃຫ້ແຜ່ລະບາດອອກສູ່ຊຸມຊົນ.
      ຕອນບ່າຍວັນດຽວກັນ, ທ່ານປະທານປະເທດ ຫງວຽນຊວັນຟຸກ ກໍ່ໄດ້ພົບປະກັບພະນັກງານພັກກິນເບ້ຍບຳນານອະດີດການນຳຂັ້ນສູງເຂດພາກກາງ.
(ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top