• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາຍົກລັດຖະມົນຕີ ຫງວຽນຊວັນຟຸກ ເປັນປະທານກອງປະຊຸມອອນລາຍທົ່ວປະເທດ ປຶກສາຫາລືວິທີການຕ້ານໂລກລະບາດໂຄວິດ - 19

      ຕອນບ່າຍວັນທີ 02 ສິງຫາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເປັນປະທານກອງປະຊຸມອອນລາຍທົ່ວປະເທດຂອງລັດຖະບານ ກັບບັນດາທ້ອງຖິ່ນ ເພື່ອປຶກສາຫາລືກ່ຽວກັບມາດຕະການປ້ອງກັນ ແລະ ສະກັດກັ້ນໂລກລະບາດໂຄວິດ - 19 ແນໃສ່ຮັບປະກັນໃຫ້ໂລກລະບາດບໍ່ແຜ່ລາມອອກສູ່ວົງກວ້າງໃນທົ່ວປະເທດ.

ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ເປັນປະທານກອງປະຊຸມ (ພາບ: TTXVN)
      ທ່ານນາຍົກລັດຖະມົນຕີ ໄດ້ເນັ້ນໜັກວ່າ ໂລກລະບາດຢູ່ນະຄອນດ່າໜັງ ແລະ ແຂວງກວ໋າງນາມ ພວມຜັນແປຢ່າງສັບສົນ, ດັ່ງນັ້ນ ກະຊວງສາທາລະນະສຸກຄວນສືບຕໍ່ໜູນຊ່ວຍສອງທ້ອງຖິ່ນນີ້ ດ້ວຍກຳລັງພະນັກງານທີ່ມີຄວາມເກັ່ງກ້າສາມາດທີ່ສຸດ, ເດັດດ່ຽວປິດລ້ອມເຂດເພື່ອດັບມອດໂລກລະບາດ ແລະ ປະຕິບັດການແຍກຫ່າງໃນສັງຄົມຢູ່ບໍລິເວນເກີດໂລກລະບາດ; ສືບຕໍ່ຂົນຂວາຍປະຊາຊົນຕ້ອງປະຕິບັດຕາມຂໍ້ກຳນົດໃນການປ້ອງກັນ ແລະ ສະກັດກັ້ນໂລກລະບາດ. ທ່ານນາຍົກລັດຖະມົນຕີ ໄດ້ຢືນຢັນວ່າ ທົ່ວປະເທດປະຕິບັດເປົ້າໝາຍຄວບຄູ່ທັງຕ້ານໂລກລະບາດທັງຮັກສາສຸຂະພາບໃຫ້ແກ່ປະຊາຊົນ ແຕ່ດ້ານອື່ນກໍຕ້ອງຮັບປະກັນ ບໍ່ປະໃຫ້ພື້ນຖານເສດຖະກິດຖືກອຶດອາດຊັກຊ້າ. ດັ່ງນັ້ນ, ວຽກງານໂຄສະນາຄວນສືບຕໍ່ປະຕິບັດເປັນຢ່າງດີ ເພື່ອໃຫ້ປະຊາຊົນສະໜັບສະໜູນ ແລະ ຮ່ວມເດີນທາງພ້ອມກັບພັກ, ລັດໃນວຽກງານປ້ອງກັນ, ສະກັດກັ້ນໂລກລະບາດ.
            ທ່ານນາຍົກລັດຖະມົນຕີ ຍັງຕັກເຕືອນວ່າ ບັນດາກະຊວງ, ຂະແໜງການ, ທ້ອງຖິ່ນຕ່າງໆ ຕ້ອງຮັບປະກັນສິນຄ້າໃຫ້ແກ່ບັນດາເຂດແຍກຫ່າງໃນສັງຄົມ, ມີບັນດາມາດຕະການຮັບມືຕໍ່ທຸກໆກໍລະນີທີ່ຊົ່ວຮ້າຍທີ່ສຸດ ເຊິ່ງອາດຈະເກີດຂຶ້ນ.
 (ແຫຼ່ງຄັດຈາກ VOV)
 

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມອະນຸກຳມະການເສດຖະກິດ - ສັງຄົມ ກອງປະຊຸມໃຫຍ່ຄັ້ງທີ XIV ຂອງພັກ

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມອະນຸກຳມະການເສດຖະກິດ - ສັງຄົມ ກອງປະຊຸມໃຫຍ່ຄັ້ງທີ XIV ຂອງພັກ

ທ່ານນາຍົກລັດຖະມົນຕີ ຮຽກຮ້ອງສືບຕໍ່ສ້າງໂຄງຮ່າງບົດລາຍງານໃຫ້ສົມບູນແບບ ດ້ວຍເນື້ອໃນມີຂອບຂະໜາດຊີ້ນຳ, ນຳພາໃຫຍ່ ແຕ່ແທດຈິງ, ເຂົ້າໃຈງ່າຍ, ປະຕິບັດງ່າຍ

Top