ເນື່ອງໃນໂອກາດເຂົ້າຮ່ວມກອງປະຊຸມຂັ້ນສູງການຮ່ວມມືສາກົນ “ໜຶ່ງແລວທາງ, ໜຶ່ງເສັ້ນທາງ”, ຕອນບ່າຍວັນທີ 25 ເມສາ, ຕາມເວລາທ້ອງຖິ່່ນ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ມີການພົບປະ ແລະ ສົນທະນາກັບ 3 ກຸ່ມວິສາຫະກິດແຖວໜ້າ ຈີນ ແລະ ໂລກ ໃນບັນດາຂົງເຂດພື້ນຖານໂຄງລ່າງ, ພະລັງງານ, ການເງິນ - ເຕັກໂນໂລຢີ-ໂທລະຄົມມະນາຄົມ.
ທ່ານນາຍົກລັດຖະມົນຕີ ຫງວຽນຊວັນຟຸກ ພົບປະກັບບັນດາວິສາຫະກິດແຖວໜ້າ ຈີນ (ພາບ: TTXVN)
ທີ່ການພົບປະ, ບັນດາວິສາຫະກິດແຖວໜ້າ ຈີນ ໄດ້ສະແດງຄວາມປະທັບໃຈຕໍ່ການພັດທະນາເສດຖະກິດ-ສັງຄົມຂອງຫວຽດນາມ . ສ່ວນທ່ານນາຍົກລັດຖະມົນຕີ ຫງວຽນຊວັນຟຸກ ຕີລາຄາສູງບັນດາກຸ່ມບໍລິສັດຂອງຈີນ ທີ່ມີຄວາມສົນໃຈຕໍ່ຫວຽດນາມ ແລະ ໃຫ້ຮູ້ວ່າ: ຫວຽດນາມ ພວມມີຄວາມຕ້ອງການຢ່າງໃຫຍ່ຫຼວງ ກ່ຽວກັບການພັດທະນາພື້ນຖານໂຄງລ່າງ, ພະລັງງານ, ເຕັກໂນໂລຢີ, ການເງິນ, ການທະນາຄານ. ທ່ານຫງວຽນຊວັນຟຸກ ຊີ້ແຈ້ງວ່າ:
“ພວກຂ້າພະເຈົ້າ ມີຄວາມຕ້ອງການແຫຼ່ງກໍາລັງກ້ອນໃຫຍ່ ເພື່ອພັດທະນາ ລວມທັງແຫຼ່ງກໍາລັງພາກເອກະຊົນ, ບັນດາວິສາຫະກິດພາຍໃນ ແລະ ຕ່າງປະເທດ ກັບວິທີການຮ່ວມມື ພາກລັດ - ເອກະຊົນ ແລະ ບັນດາຮູບການລົງທຶນອື່ນ. ໃນນັ້ນ ມີບັນດາໂຄງການໃນຂອບເຂດເຊື່ອມຕໍ່ “ສອງແລວທາງ ໜຶ່ງອ້ອມຮອບ” ກັບ “ໜຶ່ງແລວທາງ ໜຶິ່ງເສັ້ນທາງ”. ນີີີ້ແມ່ນກາລະໂອກາດຕົ້ນຕໍ ໃຫ້ແກ່ບັນດາໂຄງການລົງທຶນເຂົ້າຫວຽດນາມ ທີ່ດີຂອງ ຈີນ. ລັດຖະບານຫວຽດນາມ ໄດ້ສ້າງຄວາມສະດວກໃຫ້ແກ່ບັນດາວິສາຫະກິດຕ່າງປະເທດເວົ້າລວມ ແລະ ບັນດາວິສາຫະກິດ ຈີນເວົ້າສະເພາະ”.
ໃນຕອນບ່າຍຂອງວັນດຽວກັນ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເປັນສັກຂີພິຍານ ພິທີລົງນາມໃນບົດບັນທຶກຊ່ວຍຈໍາ ກ່ຽວກັບການຮ່ວມມືຍຸດທະສາດພັດທະນາການຕະຫຼາດ, ຈໍາໜ່າຍບັນດາຜະລິດຕະພັນກະເສດ, ອາຫານ, ນົມ... ລະຫວ່າງກຸ່ມບໍລິສັດ TH ຫວຽດນາມ ແລະ ຄູ່ຮ່ວມມື Wuxi Jinqiao International Food City ຂອງຈີນ.
(ແຫຼ່ງຄັດຈາກ VOV)
