• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາຍົກລັດຖະມົນຕີ ຫງວຽນຊວນຟຸກ ເຮັດວຽກກັບການນຳຫຼັກແຫຼ່ງແຂວງ ຊອັກຈັງ

ເນັ້ນໜັກເຖິງເລື່ອງແຕ່ລະແຂວງປະຕິບັດສຳເລັດໜ້າທີ່ໄດ້ຮັບມອບໝາຍແມ່ນສຳຄັນທີ່ສຸດ ເພື່ອປະກອບສ່ວນເຂົ້າໃນໜ້າທີ່ລວມໃນທົ່ວປະເທດ

ທ່ານນາຍົກລັດຖະມົນຕີ ຫງວຽນຊວນຟຸກ ທີ່ການເຮັດວຽກ

ຕອນບ່າຍວັນທີ 19 ມິຖຸນາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ພ້ອມກັບການນຳບັນດາກະຊວງ, ຂະແໜງການ ໄດ້ມີການເຮັດວຽກກັບການນຳຫຼັກແຫຼ່ງຂອງແຂວງ ຊອກຈັງ ກ່ຽວກັບສະພາບການເສດຖະກິດ ສັງຄົມ. ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ:ໄລຍະຈະມາເຖິງ, ແຂວງຊອັກຈັງ ຄວນກວດກາຄືນເພື່ອປະຕິບັດສຳເລັດຢ່າງຮອບດ້ານບັນດາຕົວເລກຄາດໝາຍທີ່ສູນກາງໄດ້ມອບໝາຍ, ໃນນັ້ນມີການເຕີບໂຕດ້້ານເສດຖະກິດ ແລະ  ດັດຊະນີກຳລັງແກ່ງແຍ້ງຂັ້ນແຂວງ. ເນັ້ນໜັກເຖິງເລື່ອງແຕ່ລະແຂວງປະຕິບັດສຳເລັດໜ້າທີ່ໄດ້ຮັບມອບໝາຍແມ່ນສຳຄັນທີ່ສຸດ ເພື່ອປະກອບສ່ວນເຂົ້າໃນໜ້າທີ່ລວມໃນທົ່ວປະເທດ, ທ່ານນາຍົກລັດຖະມົນຕີ ຕັກເຕືອນແຂວງ ຊອັກຈັງ ວ່າຕ້ອງຊີ້ນຳ, ບໍລິຫານການປະຕິບັດບັນດາໜ້າທີ່ຢ່າງຂ້ຽວຂາດກ່ວາ. ໃນການຊີ້ນຳ, ບໍລິຫານນັ້ນຄວນຕ້ອງເອົາໃຈໃສ່ໜູນຊ່ວຍປະຊາຊົນຢູ່ເຂດບັນດາເຜົ່າສ່ວນໜ້ອຍ, ໃນນັ້ນມີຊາວເຜົ່າ ຂະແມ, ບັນດາຄອບຄົວທຸກຍາກ, ຖືນີ້ແມ່ນໜ້າທີ່ສຳຄັນ.

        ເມື່ອເນັ້ນໜັກເຖິງການພັດທະນາທ່າກ່ຳປັ່ນ ເຈິ່ນເດ່, ເຊິ່ງເປັນທ່າກ່ຳປັ່ນ ນອນໃນແຜນຜັງພັດທະນາລະບົບທ່າກ່ຳປັ່ນທະເລຂອງ ຫວຽດນາມ, ແມ່ນການກຳນົດທິດສຳຄັນ, ທ່ານນາຍົກລັດຖະມົນຕີ ໄດ້ຊີ້ແຈ້ງວ່າ, ນີ້ແມ່ນທ່າກ່ຳປັ່ນບໍ່ພຽງແຕ່ແມ່ນໃຫ້ແຂວງຊອັກຈັງ ເທົ່ານັ້ນ ຫາກຍັງແມ່ນໃຫ້ທັງເຂດຕາເວັນຕົກພາກໃຕ້ ແລະ ປະເທດຊາດອີກດ້ວຍ. ດັ່ງນັ້ນ, ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ແຂວງ ແລະ ບັນດາກະຊວງ, ໂດຍສະເພາະແມ່ນກະຊວງຄົມມະນາຄົມຂົນສົ່ງ, ຄົ້ນຄ້ວາຊອກຫາແຫຼ່ງລົງທຶນ, ພັດທະນາທ່າກ່ຳປັ່ນ ເຈິ່ນເດ່.

(ແຫຼ່ງຄັດຈາກ VOV)

 

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top