ຂ່າວສານ
ທ່ານ Joko Widodo ທີ່ຄອງຕໍາແໜ່ງປະທານາທິບໍດີ ອິນໂດເນເຊຍ ພວມນໍາໜ້າໃນການປ່ອນບັດເລືອກຕັ້ງ ອິນໂດເນເຊຍ 2019
ການເລືອກຕັ້ງ ປະທານາທິບໍດີ ແລະ ອົງການນິຕິບັນຍັດ ຄັ້ງທໍາອິດໃນທົ່ວປະເທດ ອິນໂດເນເຊຍ ໄດ້ສິ້ນສຸດລົງໃນເວລາ 13 ໂມງ ຂອງວັນທີ 17 ເມສາ (ຕາມເວລາທ້ອງຖິ່ນ). ຕາມກົດໝາຍວ່າດ້ວຍການເລືອກຕັ້ງຂອງ ອິນໂດເນເຊຍ ແລ້ວ, ບັນດາອົງການສໍາຫຼວດ ອາດຈະດໍາເນີນການນັບບັດໃນຮອບເວລາ 02 ຊົ່ວໂມງ ພາຍຫຼັງສິ້ນສຸດການປ່ອນບັດ.
ທ່ານ Joko Widodo ທີ່ຄອງຕໍາແໜ່ງປະທານາທິບໍດີ ອິນໂດເນເຊຍ ພວມນໍາໜ້າໃນການປ່ອນບັດເລືອກຕັ້ງ ອິນໂດເນເຊຍ 2019 (ພາບ: Tribunnews.com)
ໃນການປ່ອນບັດເລືອກຕັ້ງຄັ້ງນີ້, 40 ອົງການສໍາຫຼວດມີເງື່ອນໄຂພຽງພໍ ຈະປະຕິບັດການນັບບັດ. ໝາກຜົນໃນເບື້ອງຕົ້ນຊີ້ໃຫ້ເຫັນວ່າ ທ່ານ Joko Widodo ທີ່ພວມຄອງຕໍາແໜ່ງປະທານາທິບໍດີ ມີຄະແນນນໍາໜ້າທ່ານອະດີດນາຍພົນການທະຫານ Prabowo Subianto ທີ່ຫ່າງກັນ ແຕ່ 10 – 15%.
ທ່ານ Arief Budiman ປະທານຄະນະກໍາມະການເລືອກຕັ້ງ ໃຫ້ຮູ້ວ່າ ຜົນຂອງການປ່ອນບັດເລືອກຕັ້ງຈະໄດ້ປະກາດຢ່າງເປັນທາງການໃນວັນທີ 22 ພຶດສະພາ ຈະມາເຖິງ.
(ແຫຼ່ງຄັດຈາກ VOV)