ປີ 2006, ບໍລິສັດ VietnamVespaAdventures ໄດ້ຖືກສ້າງ ຕັ້ງຂຶ້ນໂດຍ Steve Mueller ຄົນ ອາເມລິກາ, ອາຊີບຂົນສົ່ງນັກທ່ອງທ່ຽວທ່ຽວດ້ວຍລົດຈັກ Vespa ເກົ່າແກ່ຂອງ ອີຕາລີ ທ່ຽວຊົມນະຄອນ ໄຊງ່ອນ . ມາເຖິງ ປະຈຸບັນນີ້ ຢູ່ນະຄອນ ໂຮ່ຈີມິນ,ຮູບແບບການທ່ອງທ່ຽວແບບນີ້ໄດ້ມີເຖິງຮ້ອຍບໍລິສັດເຂົ້າຮ່ວມເຄື່ອນໄຫວ, ນຳພານັກທ່ອງທ່ຽວ ທ່ຽວຊົມສະຖານທີ່ຕ່າງໆ ທີ່ມີຊື່ສຽງຂອງນະຄອນຄື: ໂຮງລະຄອນ, ສະຖານີໄປສະນີນະຄອນຫລວງ, ຫໍປະຊຸມ ຖົ້ງເຍີດ, ທ່າກຳປັ່ນ ຍ່າຣົ່ງ ແລະ ອື່ນໆ.
ມາທີ່ຍັງນະຄອນ ໂຮ່ຈີມິນ, ນັກທ່ອງທ່ຽວງ່າຍທີ່ຈະພົບເຫັນ ພາຫະນະນຳທ່ຽວປະເພດນີ້ ຢູ່ຖະໜົນ ໄຕ, ຖະໜົນ ບຸ່ຍວຽນຢູ່ເມືອງ 1. ຜູ້ຂັບລົດທັງເປັນເພື່ອນຮ່ວມທາງ, ທັງເປັນຜູ້ນຳທ່ຽວອະທິບາຍໃຫ້ນັກທ່ອງທ່ຽວເຂົ້າໃຈກ່ຽວກັບປະຫວັດຄວາມເປັນມາ, ຄຸນຄ່າດ້ານວັດທະນະ ທຳ, ການກິນດື່ມຂອງແຫຼ່ງທ່ອງທ່ຽວຢູ່ນະຄອນ ໂຮ່ຈີມິນ.
ທ່ານ Steve Mueller ໄດ້ໄຂຄວາມໃນໃຈວ່າ: “ທ່ຽວຊົມ ນະຄອນ ໂຮ່ຈີມິນ ດ້ວຍລົດຈັກເປັນວິທີດີທີ່ສຸດ, ເປັນການທ່ອງທ່ຽວຕົວຈິງ ແລະ ກໍ່ເປັນວິທີໜຶ່ງເພື່ອຊອກຮູ້ ແລະ ເຂົ້າໃຈເພີ່ມເຕີມກ່ຽວກັບສະພາບການເປັນຢູ່ຂອງປະຊາຊົນຢູ່ທີ່ນີ້”.
Vietnam Vespa Adventuresໄດ້ຮັບປະສິດທິຜົນໄວເພາະວ່າຕົວແບບການທ່ອງທ່ຽວແບບນີ້ ຍັງໃໝ່, ສະພາບຄວາມ ຕ້ອງການຂອງລູກຄ້າແມ່ນຫຼາຍ. Vietnam Vespa Adventures ຕິດລາຄາທ່ອງທ່ຽວທ່ຽວອ້ອມຮອບນະຄອນ ໄຊງ່ອນລະຫວ່າງ 4-5 ຊົ່ວໂມງແມ່ນມີລາຄາ 70 USD ຕໍ່ຄົນ, ຖ້າໄປໄກໃຊ້ເວລາ 3-7 ວັນຈະມີລາຄາ 700 ເຖິງ 2.000 USD/ຄົນ.
ການໄປທ່ອງທ່ຽວຊົມແຫຼ່ງທ່ອງທ່ຽວຕ່າງໆ ທີ່ມີຊ່ືສຽງໃນ ນະຄອນ ໂຮ່ຈີມິນ ດ້ວຍລົດຈັກ Vespa
ກຳລັງໄດ້ຮັບຄວາມນິຍົມຈາກນັກທ່ອງທ່ຽວຕ່າງປະເທດຫຼວງຫຼາຍ.
ທ່ອງທ່ຽວຂີ່ລົດຈັກ Vespa ເພື່ອຄົ້ນຫາໄຊງ່ອນ ໄດ້ມີຫລາກຫາຍການບໍລິການທັງທາງດ້ານເວລາແຕ່ 4-5 ຊົ່ວໂມງ,
ຖ້າທ່ອງທ່ຽວເປັນໄລຍະຍາວແມ່ນ 3 ຫາ 7 ມື້.
ການກຽມພ້ອມເພື່ອຕ້ອນຮັບແຂກ.
ມີຫລາຍປະເພດ ແລະ ລຸ້ນລົດຈັກ Vespa ແຕກຕ່າງກັນເພື່ອຮັບໃຊ້ນັກທ່ອງທ່ຽວ.
ນີ້ເປັນຕົວແບບການທ່ອງທ່ຽວແບບໃໝ່, ມີຊີວິດຊີວາ,
ລົງທຶນໜ້ອຍ, ເປັນຕົວແບບການທ່ອງທ່ຽວທີ່ລຽບງ່າຍ.
ຮັບປະກັນຄຸນນະພາບການບໍລິການໃຫ້ແກ່ນັກທ່ອງທ່ຽວແມ່ນປັດໃຈທີ່ສຳຄັນແລະ ຕັດສິນຜົນສຳເລັດຂອງ
ຕົວແບບບໍລິການທ່ອງທ່ຽວທ່ຽວຊົມນະຄອນດ້ວຍລົດຈັກ Vespa.
ນັກທ່ອງທ່ຽວນັ່ງລົດຈັກ Vespa ສາມາດໄປທ່ຽວຊົມສະຖານທີ່ມີຊື່ສຽງຫລາຍແຫ່ງຂອງນະຄອນ ໂຮ່ຈີມິນ .
ນັກທ່ອງທ່ຽວຖ່າຍຮູບກັບລົດຈັກ Vespa. |
ປະຈຸບັນ, ມີເປັນຮ້ອຍບໍລິສັດເຮັດບໍລິການທ່ອງທ່ຽວຕາມແບບນີ້ຕັ້ງຂຶ້ນ, ແຕ່ທີ່ມີເຄື່ອງໝາຍການຄ້າ ແລະ ມີນັກທ່ອງທ່ຽວຫຼາຍຄົນຮູ້ຈັກ ມີພຽງ 3 ບໍລິສັດເທົ່ານັ້ນ, ໃນນັ້ນມີ: ບໍລິສັດ Vietnam Vespa Adventures, ບໍລິສັດ XO Tours ແລະບໍລິສັດ Back of the Bike Tours. ຕາມທ່ານ ໂຕນເທິດທຽນບາວ, ອຳນວຍການຜູ້ບໍລິຫານງານຂອງບໍລິສັດ Vietnam Vespa Adventures ໃຫ້ຮູ້ວ່າ: “ລາຍຮັບຂອງບໍລິສັດແຕ່ລະປີເພີ່ມຂຶ້ນ 40-50%, ສ່ວນຫຼາຍແມ່ນແຂກເກົ່າຊ່ວຍແນະນຳໃຫ້ແຂກໃຫມ່ມາໃຊ້ບໍລິການແບບປາກຕໍ່ປາກ”.
ຮັບປະກັນຄຸນນະພາບການບໍລິການນັກທ່ອງທ່ຽວເປັນປັດໃຈສຳຄັນຕັດສິນເຖິງຜົນສຳເລັດຂອງຕົວແບບບໍລິການທ່ອງທ່ຽວທ່ຽວຊົມນະຄອນ ດ້ວຍລົດຈັກ Vespa, ດ້ວຍເຫດນັ້ນ, ບັນດາ ບໍລິສັດຊອກຫາການບໍລິການທີ່ແຕກຕ່າງກັນເລື້ອຍໆ. ທ່ານນາງ ຟານທິກວິ່ງຮວາ, ຜູ້ຄຸ້ມຄອງບໍລິສັດ Back of the Bike Tours ອະທິບາຍວ່າ: “ຖ້າວ່າດຳເນີນການບໍລິການຄ້າຍຄືກັນ, ນັກທ່ອງທ່ຽວຈະຮູ້ສຶກເບື່ອ ແລະເຂົາເຈົ້າຈະ ໄປໃຊ້ບໍລິການ ບໍລິສັດອື່ນ”.
ຢູ່ບໍລິສັດ Vietnam Vespa Adventurs, ຜູ້ຂັບລົດ ສ່ວນຫຼາຍແມ່ນເພດຊາຍ, ນຸ່ງເສື້ອສີເຫລືອງຫມາກກ້ຽງ, ຂອບເຂດເຄື່ອນໄຫວທຸລະກິດເປີດໄກໄປເຖິງ ໝຸຍແນ, ລອງອານ... ສຳລັບບໍລິສັດ XO Tours, ນັກຂັບລົດລ້ວນແຕ່ເປັນເພດຍິງໄວຫນຸ່ມ, ເກັ່ງພາສາຕ່າງປະເທດ ແລະ ນຸ່ງຊຸດປະຈຳຊາດ ( ອ້າວຢ່າຍ). ມີເພດຊາຍໄປນຳເພື່ອປົກປ້ອງ ຫຼື ຖ່າຍຮູບ, ຖ່າຍວິດີໂອໃຫ້ນັກທ່ອງທ່ຽວໂດຍບໍ່ເອົາຄ່າ. ພິເສດ, ນັກທ່ອງທ່ຽວອາດໄປຮັບປະທານອາຫານຕາມຮ້ານນ້ອຍແຄມທາງ ຫຼື ໃນຮ່ອມເລິກ. ທ່ານ ໂດຢຸຍຕຸ່ງ, ຜູ້ອຳນວຍການຂອງບໍລິສັດ XO Tours ໃຫ້ຮູ້ວ່າ, ກໍ່ຍ້ອນຈຳນວນນັກທ່ອງທ່ຽວເພີ່ມສູງຂຶ້ນໃນແຕ່ລະປີ, ສະນັ້ນທາງບໍລິສັດກຳລັງມີແຜນການເປີດກວ້າງຕົວແບບອອກໄປສູ່ຫຼາຍທ້ອງຖ່ິນຕ່າງໆ ແລະ ເພີ່ມຈຳນວນຜູ້ນຳທ່ຽວອີກດ້ວຍ.
ສຳລັບ Back of the Bike Tours, ຈຸດໄດ້ປຽບທີ່ແຕກຕ່າງ ແມ່ນ Street Food Tour -ອາຫານການກິນດື່ມຢູ່ຕາມທ້ອງຖະໜົນແມ່ນຄົນ ອາເມລິກາຜູ້ສ້າງຕັ້ງບໍລິສັດນີ້ຂຶ້ນ, ປະຈຸບັນເປັນເຈົ້າຂອງຮ້ານອາຫານຈຶ່ງຮູ້ອາຫານຂອງນັກທ່ອງທ່ຽວຕ່າງປະເທດ. Back of the Bike Tours ຈະມີຜູ້ຕິດ ຕາມຄົນໜຶ່ງເພື່ອຄວບຄຸມຊ່ວຍເຫລືອຂະບວນການທ່ອງທ່ຽວເຊັ່ນ: ການເກັບມ້ຽນລົດ, ການຈອງອາຫານ.
ພາຍຫຼັງການທ່ອງທ່ຽວສຳເລັດ, ນັກທ່ອງທ່ຽວຈະມີການແບ່ງປັນຄວາມເຫັນ, ວິໃຈໂດຍຜ່ານທາງອິນເຕີເນັດໃນເວັບໄຊ Tripadvisor, ແລະ ນັກທ່ອງທ່ຽວຈະສັງເກດຕີລາຄາເອງ, ການຈັດອັນດັບຂອງບັນດາບໍລິສັດດັ່ງກ່າວກໍ່ມີການປ່ຽນແປງ. ມັນກໍ່ເປັນວິທີໜຶ່ງເພື່ອໃຫ້ບັນດາບໍລິສັດມີການປ່ຽນແປງໃຫ່ມໄປເລື້ອຍໆ, ເພີ່ມຄຸນນະພາບການບໍລິການ, ສ້າງຖັນແຖວຜູ້ນຳທ່ຽວເປັນມືອາຊີບ, ຂັບຂີ່ດີ, ຄວາມສາມາດປະສາສຳພັນດ້ວຍພາສາ ອັງກິດ ເກັ່ງ, ມີຄວາມຮູ້ຄວາມເຂົ້າໃຈກ່ຽວກັບວັດທະນະທຳ, ອາຫານ, ມີຮູບຮ່າງຫນ້າຕາດີ, ມະນຸດສຳພັນດີ, ສ້າງໃຫ້ນັກທ່ອງທ່ຽວພໍອົກພໍໃຈ.
ບົດ: ດັ້ງກິມເຟືອງ - ພາບ: ທົງຫາຍ