ບັນຈຳນວນຜູ້ຕິດໂລກລະບາດໂຄວິດ-19 ໃນທົ່ວໂລກ ໄດ້ຫຼາຍກວ່າ 930.000 ຄົນ, ມີຜູ້ເສຍຊີວິດເກືອບ 47.000 ຄົນ
(ພາບປະກອບ: REUTERS)
ສະນັ້ນ, ຢູ່ໃນໂລກພຽງແຕ່ໃນຮອບເວລາ 24 ຊົ່ວໂມງຜ່ານມາ, ໄດ້ມີຜູ້ຕິດເຊື້ອໄວຣັດ SARS–CoV ແມ່ນ 79.076 ຄົນ ແລະ ມີຜູ້ເສຍຊີວິດແມ່ນ 4.825 ຄົນ .
ໃນເວລາ 24 ຊົ່ວໂມງຜ່ານມາ, ເອີລົບ ມີຜູ້ເສຍຊີວິດນັບພັນໆຄົນຍ້ອນໂລກລະບາດໂຄວິດ-19 ຕື່ມອີກ, ໃນນັ້ນຈຳນວນຜູ້ຕິດໄວຣັດໃໝ່ໄດ້ເພີ່ມຂຶ້ນນັບໝື່ນໆຄົນ. ສະເພາະປະເທດອີຕາລີ, ວັນທີ 01 ເມສາ ໄດ້ມີ 4.800 ຄົນຕິດພະຍາດໂຄວິດໃໝ່ຕື່ມອີກ ແລະ ມີຜູ້ເສຍຊີວິດກວ່າ 720 ຄົນ. ຕໍ່ໜ້າສະພາບການດັ່ງກ່າວ, ວັນທີ 01 ເມສາ, ທ່ານນາຍົກລັດຖະມົນຕີອີຕາລີ Giuseppe Conte ໄດ້ລົງນາມໃນລັດຖະດຳລັດຕໍ່ເວລາປິດລ້ອມທົ່ວປະເທດໄປຮອດວັນທີ 13 ເມສາ.ໃນຂະນະນັ້ນ, ຢູ່ແອັດສະປາຍ, ໃນຮອບເວລາ 24 ຊົ່ວໂມງຜ່ານມາ ມີຜູ້ຕິດໄວຣັດເກືອບ 8.200 ຄົນ ແລະ 923 ຄົນເສຍຊີວິດ, ນີ້ແມ່ນຕົວເລກຫຼາຍທີ່ສຸດຢູ່ເອີລົບ.
ຢູ່ຝລັ່ງ, ໄລ່ຮອດວັນທີ 01 ເມສາ, ຈຳນວນຜູ້ເສຍຊີວິດຍ້ອນໂລກລະບາດໂຄວິດ- 19 ໄດ້ຂຶ້ນເຖິງ 4.000 ຄົນ. ໃນນັ້ນຜູ້ເສຍຊີວິດມີອາຍຸຫຼາຍກວ່າ 70 ປີ ກວມເອົາ 83%. ປະຈຸບັນ, ມີ 11.000 ຄົນໄດ້ຮັບການປິ່ນປົວຫາຍດີແລ້ວ.
ຢູ່ອາເມລິກາ ໃນຮອບເວລາ 24 ຊົ່ວໂມງຜ່ານມາໄດ້ມີຜູ້ເສຍຊີວິດຍ້ອນໂລກລະບາດໂຄວິດ- 19 ຕື່ມອີກ 884 ຄົນ.
ສ່ວນຢູ່ອາຊີ, ປະຈຸບັນ ຈີນ ຍັງບໍ່ທັນປະກາດຈຳນວນຜູ້ຕິດໂລກລະບາດລາຍໃໝ່ຕື່ມອີກ. ໃນຂະນະນັ້ນ, ສ.ເກົາຫຼີ ມີ 89 ຄົນຕິດ nCoV ຕື່ມອີກ.
ຢູ່ອາຊີຕາເວັນອອກສ່ຽງໃຕ້, ມາເລເຊຍ ມີ 2.900 ຄົນຕິດໂຄວິດໃໝ່ຕື່ມອີກ ແລະ 45 ຄົນເສຍຊີວິດ. ອິນໂດເນເຊຍ ມີ 157 ຄົນເສຍຊີວິດ.
(ແຫຼ່ງຄັດຈາກ VOV)
