ບໍລິສັດຫຸ້ນສ່ວນຊີວະສາດ ຣື່ງຮວາດ່າລາດ ເປັນແຫ່ງທຳອິດຢູ່ອາຊີຕາເວັນອອກສ່ຽງໃຕ້ ທີ່ຜະລິດແນວພັນປູກດ້ວຍ ວິທີການບົ່ມເຜາະຕາມເຕັກໂນໂລຊີ Invitro ແລະ ປະຈຸບັນກາຍເປັນ “ທະນາຄານ” ແນວພັນສຳຄັນຢູ່ ຫວຽດນາມ ເພື່ອສົ່ງ ອອກແນວ ພັນດອກໄມ້ໃໝ່ຫລາກຫລາຍຊະນິດທີ່ມີສະມັດຕະພາບສູງ ອອກສູ່ຕະຫຼາດໂລກ.
ຕັ້ງແຕ່ໄດ້ຮັບການສ້າງຕັ້ງຂຶ້ນໃນເບື້ອງຕົ້ນ (ເດືອນ ຕຸລາ 2003), ບໍລິສັດ ຣື່ງຮວາດ່າລາດ ໄດ້ຕັດສິນໃຈນຳໃຊ້ເຕັກໂນໂລຊີ ຊີວະ ສາດເຂົ້າໃນການຜະລິດແນວພັນ. ບໍລິສັດຣຶ່ງຮວາດ່າລາດໄດ້ລົງທຶນໃນເນື້ອທີ່ດິນຈຳນວນ 1.7 ເຮັກຕາ, ຂຶ້ນກັບບ້ານ ເລກທີ່ 8, ນະຄອນດ່າລາດເປັນບ່ອນປູກເບື້ອງຕົ້ນ. ມີຫ້ອງທົດລອງໜຶ່ງ ຫ້ອງກວ້າງ 2.000 ຕາລາງແມັດ, ມີລະບົບການຕິດ ຕັ້ງເຄື່ອງ ຈັກ ທີ່ທັນສະໄໝ, ມີກຳລັງການຜະລິດ 12 ລ້ານ ຕົ້ນຕໍ່ປີເພື່ອຜະລິດ ບົ່ມເຜາະແນວພັນຕາມເຕັກໂນໂລຊີ Invitro. ບໍລິສັດຣື່ງຮວາ ດ່າລາດໄດ້ ເອົາໃຈໃສ່ໃນການຜະລິດຊະນິດດອກໄມ້ຕ່າງໆ ທີ່ດຶງດູດໄດ້ຄວາມນິຍົມຊົມຊອບ ຂອງຕະຫຼາດໂລກຄື: ດອກລີລີ (lilies), ດອກເບັນຈະມາດ, ດອກບີບີ (baby’s breath) ແລະ ອື່ນໆ.
ນະຄອນ ດ່າລາດ ໄດ້ຖືເປັນສູນຜະລິດດອກໄມ້ ດ້ວຍເຕັກໂນ ໂລຊີສູງຢູ່ຫວຽດນາມ.
ບໍລິສັດຫຸ້ນສ່ວນຊີວະສາດ ຣື່ງຮວາດ່າລາດ ເປັນບ່ອນທຳອິດ
ຢູ່ອາຊີຕາເວັນອອກສ່ຽງໃຕ້ ຜະລິດແນວພັນດ້ວຍວິທີບົ່ມເຜາະແນວພັນຕາມເຕັກໂນໂລຊີ Invitro.
ຂັ້ນຕອນປະຕິບັດການແຍກເຊື້ອແນວພັນດອກໄມ້ທີ່ຫ້ອງ ທົດລອງຂອງບໍລິສັດ.
ຕິດຕາມ ແລະ ກວດກາວິວັດການຂະຫຍາຍຕົວຂອງແນວ ພັນໃນຫ້ອງ lab ຂອງບໍລິສັດ ຣື່ງຮວາ ດ່າລາດ. |
ປີ 2006, ບໍລິສັດເລີ່ມຕົ້ນສົ່ງແນວພັນອອກໄປປະເທດ ແບນຊິກ 1 ລ້ານຕົ້ນ, ປີ 2008 ສົ່ງອອກ 4 ລ້ານຕົ້ນ, ປີ 2010 ສົ່ງ 7 ລ້ານ ຕົ້ນອອກໄປສູ່ຕະຫຼາດ ນິວຊີແລນ, ໂຮນລັງ, ແບນຊິກ, ຈີນ… ບໍລິສັດສາມາດສະໜອງແນວພັນໃຫ້ແກ່ບັນດາຕະຫຼາດ ທີ່ມີ ມາດຕະຖານສູງຢູ່ເອີຣົບ ຄື: ແດນມາກ, ໂຮນລັງ, ແບນຊິກ ແລະ ນິວຊີແລນ.
ຮັບຮູ້ໄດ້ວ່າຄວາມຮຽກຮ້ອງຕ້ອງການແນວພັນດອກໄມ້ຢູ່ຕະຫລາດໂລກແມ່ນສູງ, ຣື່ງຮວາ ດ່າລາດ ຕັດສິນ ໃຈເປີດກວ້າງ ເນື້ອທີ່ການຜະລິດຂຶ້ນຕື່ມ 5 ເຮັກຕາຢູ່ນະຄອນ ດ່າລາດ. ຄຽງຄູ່ກັນ ນັ້ນ, ບໍລິສັດຍັງໄດ້ກໍ່ສ້າງນິຄົມຕື່ມອີກແຫ່ງ ກວ້າງ 20 ເຮັກຕາ ຢູ່ບ້ານ ດາຊາ, ເມືອງ ລາກເຢືອງ, ແຂວງ ເລີມດົ່ງ ເພື່ອປູກດອກ ລີລີ. ປີ 2014, ບໍລິສັດສືບຕໍ່ຍົກລະດັບຫ້ອງທົດ ລອງ ຂຶ້ນຂະໜາດ 4.000 ຕາລາງແມັດ, ຍົກກຳລັງການ ຜະລິດຂຶ້ນ 24 ລ້ານແນວພັນ ຕໍ່ປີ, ບວກກັບເຮືອນບົ່ມເຜາະທີ່ທັນ ສະໄໝກວ້າງ 4.000 ຕາລາງແມັດ, ດຶງດູດແຮງງານທ້ອງຖິ່ນໄດ້ຫລາຍກວ່າ 500 ຄົນ ມາຮ່ວມເຮັດການຜະລິດ.
ພາຍໄຕ້ທິດນຳ: ຄຸນນະພາບ-ເຕັກໂນໂລຊີ-ການບໍລິການ, ປະຈຸບັນ ຣື່ງຮວາ ດ່າລາດ ກຳລັງຍູ້ແຮງການນຳໃຊ້ ເຄື່ອງຈັກ ທີ່ທັນສະໄໝທີ່ນຳເຂົ້າຈາກປະເທດ ຝຣັ່ງ ເຂົ້າໃນການຜະລິດເພື່ອ ຮັບປະກັນ ມາດຕະຖານຢ່າງເຂັ້ມງວດຈາກຝ່າຍຄູ່ຮ່ວມມື. ຣື່ງຮວາ ດ່າລາດ ຮູ້ສຶກເອກອ້າງທະນົງໃຈທີ່ເປັນບໍລິສັດແຫ່ງທຳ ອິດຢູ່ອາຊີຕາເວັນອອກສ່ຽງໃຕ້ທີ່ໄດ້ນຳໃຊ້ວິທີການຜະລິດ ແນວພັນດອກໄມ້ຕາມເຕັກໂນໂລຊີ Invitro.
ຄຽງຄູ່ກັນນັ້ນ, ອຸປະກອນຫົດນຳ້, ລະບົບແສງສະຫວ່າງ, ອຸນຫະ ພູມ, ການຫົດນຳ້, ຝຸ່ນໃນຫ້ອງ lab ລ້ວນແຕ່ເຄື່ອນໄຫວຕາມ ແບບ ອັດຕະໂນມັດ, ທັງປະຢັດເວລາ, ທັງປະຢັດແຮງງານ, ທັງເພີ່ມສະມັດຕະພາບໃນການຜະລິດອີກດ້ວຍ. ປະຈຸບັນ, ນອກຈາກສະໜອງແນວພັນດອກໄມ້, ຣື່ງຮວາ ດ່າລາດ ຍັງເປີດ ກວ້າງການຜະລິດໄປສູ່ຂົງເຂດຕ່າງໆ ຄື: ປູກດອກໄມ້ຕັດກີ່ງງ່າ, ດອກໄມ້ບານຕະຫຼອດ, ດອກໄມ້ດິນດາກ ແລະ ດອກໄມ້ນຳໃຊ້ວັດຖຸດິບຊະນິດອື່ນໆ.
ຫ້ອງວາງສະແດງດອກໄມ້ຂອງ ຣ່ືງຮວາ ດ່າລາດ ທີ່ບ້ານເລກ 8, ນະຄອນ ດ່າລາ.
ບໍລິສັດຣື່ງຮວາ ດ່າລາດ ປະຈຸບັນຍັງເປັນບ່ອນຜະລິດແນວພັນດອກໄມ້ຊະນິດຕ່າງໆ
ປູກໃນໂຖເພື່ອຮັບໃຊ້ຕະຫຼາດ ພາຍໃນ ແລະ ສົ່ງອອກ.
ດອກລີລີ ປູກດ້ວຍເຕັກໂນໂລຊີສູງ.
ດອກກ້ວຍໄມ້ຈຳນວນໜຶ່ງຂອງບໍລິສັດກຳລັງໃນໄລຍະເກັບກ່ຽວ.
ຜະລິດຕະພັນດອກໄມ້ສົດພວມເປັນທ່າແຮງຂອງບໍລິສັດ ຣື່ງຮວາ ດ່າລາດ.
ກຳມະກອນ ກຳລັງຫຸ້ມຫໍ່ດອກໄມ້ຂອງບໍລິສັດ ຣື່ງຮວາ ດ່າລາດ
ເພື່ອຈຳໜ່າຍອອກສູ່ຕະຫຼາດ ແລະ ສົ່ງໄປຕ່າງປະເທດ.
ນະຄອນ ດ່າລາດ ໄດ້ກາຍເປັນບ່ອນສະໜອງດອກໄມ້ສົດທີ່ມີ ຄຸນນະພາບແຖວໜ້າຂອງທົ່ວປະເທດ,
ໄດ້ສ້າງ ເຄື່ອງໝາຍ ການຄ້າດອກໄມ້ດ່າລາດໃນຕະຫຼາດສາກົນເທື່ອລະກ້າວ. |
ນອກຈາກນັ້ນ, ຣື່ງຮວາ ດ່າລາດ ຍັງເປັນສະຖານທີ່ທ່ອງທ່ຽວທີ່ຈັບໃຈຂອງນະຄອນ ດ່າລາດ ດ້ວຍຫ້ອງວາງສະແດງດອກໄມ້ພ້ອມກັບບໍລິການຮ້ານອາຫານ, ໂຮງແຮມລະດັບສູງ. ບໍລິສັດຍັງເປັນສູນຊ່ວຍເຫຼືອຊາວກະສິກອນໃນການແນະນຳ, ຖ່າຍຖອດວິທີການວິທະຍາສາດເຕັກນິກທີ່ກ່ຽວຂ້ອງ.
ຣື່ງຮວາ ດ່າລາດ ໄດ້ຍູ້ແຮງການນຳໃຊ້ເຕັກໂນໂລຊີສູງເຂົ້າໃນການຄົ້ນຄວ້າ, ຜະລິດ-ດຳເນີນທຸລະກິດນຳເຂົ້າ-ສົ່ງອອກ ຜະລິດຕະພັນແນວພັນດອກໄມ້, ຕັດສິນໃຈຢືນຢັນໃນ ເຄື່ອງ ໝາຍ ການຄ້າດອກໄມ້ ດ່າລາດໃນຕະຫຼາດສາກົນ.
ຣື່ງຮວາ ດ່າລາດ ສົ່ງອອກແນວພັນ 24 ລ້ານຕົ້ນໃນປີ 2014, 28 ລ້ານຕົ້ນໃນປີ 2015, ໄດ້ກາຍເປັນ “ທະນາຄານ” ສະໜອງ ແນວພັນໃຫ້ຫຼາຍຕະຫຼາດໃນໂລກຄື: ໃຕ້ຫວັນ, ສ.ເກົາຫຼີ, ສິງກະ ໂປ, ຍີ່ປຸ່ນ, ອົສຕາລີ, ມາເລເຊຍ… ຄຽງຄູ່ນັ້ນ, ບໍລິສັດຍັງ ສະໜອງດອກໄມ້ບານຕະຫຼອດ 10.000 ດອກໃຫ້ແກ່ ຕະຫຼາດ ອາຊີຕາເວັນອອກສ່ຽງໃຕ້, ຕາເວັນອອກກາງ ແລະ ອາຟຣີກາໃຕ້.
ໂຖດອກໄມ້ 200 ໂຖ, ດອກໄມ້ 3 ລ້ານດອກເພື່ອຮັບໃຊ້ໃຫ້ແກ່ ຕະຫຼາດພາຍໃນ ເນື່ອງໃນໂອກາດບຸນປີໃໝ່ 2015 ຜ່ານມາ.
|
ບົດ: ເຊີນເງ້ຍ - ພາບ: ຫງວຽນລວນ