• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ດົ່ງນາຍພັດທະນາການທ່ອງທ່ຽວຕາມທິດຂຽວ, ຍືນຍົງ

      ໃນຊຸມປີຜ່ານມາ, ຂະແໜງທ່ອງທ່ຽວແຂວງດົ່ງນາຍ ກໍ່ມີບັນດາການຫັນປ່ຽນຢ່າງຕັ້ງໜ້າດ້ວຍຫຼາຍຜະລິດຕະພັນ, ສະຖານທີ່ທ່ອງທ່ຽວໃໝ່ ແລະ ດູດດື່ມໃຈ, ຈຳນວນແຂກທ່ອງທ່ຽວ ແລະ ລາຍຮັບຈາກການທ່ອງທ່ຽວນັບມື້ນັບເພີ່ມຂຶ້ນ. ຂະແໜງທ່ອງທ່ຽວແຂວງດົ່ງນາຍ ມຸ່ງໄປເຖິງການກາຍເປັນຂະແໜງເສດຖະກິດສຳຄັນໃນຍຸດທະສາດແຫ່ງການພັດທະນາເສດຖະກິດສັງຄົມຂອງແຂວງ. ດ້ວຍບັນດາຂໍ້ສະດວກ ແຕ່ຍັງເຕັມໄປດ້ວຍຄວາມຫຍຸ້ງຍາກ, ສິ່ງທ້າທາຍ, ຂະແໜງທ່ອງທ່ຽວແຂວງດົ່ງນາຍ ພວມມານະພະຍາຍາມເພື່ອຊອກຫາຈຸດ-+-ຢືນໃນແຜນທີ່ການທ່ອງທ່ຽວ, ຊື່ງຕາມນັ້ນແລ້ວ, ທິດທາງການທ່ອງທ່ຽວແຂວງພັດທະນາຕາມທິດຍືນຍົງ, ຮັບປະກັນຄວາມປອດໄພດ້ານສິ່ງແວດລ້ອມຊີວະພາບ.

ທິວທັດທຳມະຊາດທີ່ຂຽວສົດງົດງາມຢູ່ເຂດປ່າສະຫງວນແຫ່ງຊາດກາດຕຽນ
(ພາບ:tuyengiao.vn
      ຍັງເປັນທີ່ຮູ້ຈັກກັນດີວ່າແມ່ນແຂວງທີ່ມີທ່າແຮງດ້ານອຸດສາຫະກຳ, ດຶງດູດທຶນ, FDI ໃນຂົງເຂດກະສິກຳ ແມ່ນແຂວງນຳໜ້າໃນທົ່ວປະເທດກ່ຽວກັບການກໍ່ສ້າງຊົນນະບົດໃໝ່. ໃນດ້ານການທ່ອງທ່ຽວ, ດົ່ງນາຍ ຍັງບໍ່ທັນພັດທະນາສົມກັບຄວາມສາມາດບົ່ມຊ້ອນ, ສະນັ້ນ, ດົ່ງນາຍ ໄດ້ເລືອກເອົາທິດເດີນສະເພາະຂອງຕົນ, ໃນນັ້ນແມ່ນການທ່ອງທ່ຽວຊີວະພາບ. ພົ້ນເດັ່ນແມ່ນ: ບຶວລອງ, ນ້ຳຕົກຕາດຢາງດ່ຽນ, ຫ້ວຍເມີ, ປ່າສະຫງວນແຫ່ງຊາດກາດຕຽນ, ເຂດອະນຸລັກຮັກສາທຳມະຊາດວັດທະນະທຳດົ່ງນາຍ ພ້ອມກັບບັນດາໂຄງການທ່ອງທ່ຽວຊີວະພາບອື່ນໆທີ່ໄດ້ຮັບການລົງທຶນນັບພັນຕື້ດົ່ງພວມໄດ້ຮັບການກໍ່ສ້າງສຳເລັດ ແລະ ນຳເຂົ້າຂູດຄົ້ນ, ຮັບໃຊ້ແຂກທ່ອງທ່ຽວ. ນາງຫງວຽນງອກທຽນລີ, ແຂກທ່ອງທ່ຽວມາຈາກນະຄອນໂຮ່ຈີມິນ ໃຫ້ຮູ້ວ່າ: ນາງເລືອກເອົາດົ່ງນາຍ ແມ່ນຈຸດນັດພົບໃນໂອກາດທ້າຍອາທິດ ຍ້ອນສະຖານທີ່ທ່ອງທ່ຽວຢູ່ແຂວງດົ່ງນາຍ ບໍ່ໄກ ແລະ ການທ່ອງທ່ຽວຊີວະພາບຢູ່ທີ່ນີ້ກໍ່ມີຄວາມປະທັບໃຈທີ່ສຸດ:
   ຢູ່ນະຄອນໂຮ່ຈີມິນ ບໍ່ມີສະຖານທີ່ທ່ອງທ່ຽວຫຼາຍແຫ່ງ, ໂດຍສະເພາະແມ່ນການທ່ອງທ່ຽວຊີວະພາບ. ຢູ່ທີ່ນີ້ຂ້າພະເຈົ້າໄດ້ໄປຢ້ຽມຊົມ, ທັດສະນະສຶກສາ ແລະ ຮັບປະທານອາຫານພື້ນເມືອງ ແລະ ກໍ່ສາມາດໄປທ່ຽວຊົມຕາມລຳແມ່ນ້ຳ.

ເຂດຕົວເມືອງຂຽວຢູ່ບຽນຮ່ວາ
(ພາບ:moitruong.net.vn)
          ການທ່ອງທ່ຽວຂອງດົ່ງນາຍ ມີຫຼາຍຮູບຫຼາຍແບບຄື: ທ່ອງທ່ຽວ ພູຜາປ່າດົງ, ແມ່ນ້ຳລຳເຊ, ໜອງ, ນ້ຳຕົກຕາດ….ໃນຊຸມປີມໍ່ໆມານີ້, ລະດັບການເຕີບໂຕຂອງຂະແໜງທ່ອງທ່ຽວດົ່ງນາຍ ຍາມໃດກໍ່ບັນລຸບັນດາຕົວເລກທີ່ໜ້າປະທັບໃຈ. ປີ 2018, ຈຳນວນແຂກທ່ອງທ່ຽວໄປທ່ອງທ່ຽວຢູ່ດົ່ງນາຍ ບັນລຸປະມານ 4 ລ້ານເທື່ອຄົນ, ສ້າງລາຍຮັບໄດ້ຫຼາຍກ່ວາ 2000 ຕື້ດົ່ງ; ໃນ 6 ເດືອນຕົ້ນປີ 2019 ມີແຂກປະມານ 2 ລ້ານ 5 ແສນເທື່ອຄົນມາດົ່ງນາຍ ແລະ ຄາດວ່າທັງປີຈະລື່ນກາຍຕົວເລກ 4 ລ້ານຂອງປີ 2018.
  ດ້ວຍບັນດາທ່າແຮງຂອງຕົນ, ປະຈຸບັນ, ດົ່ງນາຍມີເຂດ, ສະຖານທີ່ທ່ອງທ່ຽວ 21 ແຫ່ງດ້ວຍບັນດາຮູບແບບການທ່ອງທ່ຽວຊີວະພາບ, ການຢ້ຽມຊົມ, ທັດສະນະສຶກສາ, ເຂດລະຫຼີ້ນບັນເທິງ, ເຫຼື້ອມໃສສາສະໜາ, ວັດທະນະທຳ.
   ຕາມທ່ານຫງວຽນດັງນິງ, ປະທານສະພາສະມາຊິກ ບໍລິສັດລົງທຶນພັດທະນາບຶວລອງຈຳກັດຜູ້ດຽວແລ້ວ, ການທ່ອງທ່ຽວຢູ່ດົ່ງນາຍ ຍັງມີການພັດທະນາແຮງ   ກ່ວານີ້ອີກ, ໂດຍສະເພາະແມ່ນຕ້ອງມີຫຼາຍນະໂຍບາຍກ່ວາອີກເພື່ອສົ່ງເສີມນັກລົງທຶນຄື: ລາຄາເຊົ່າທີ່ດິນ, ນະໂຍບາຍສົ່ງເສີມ, ໜູນຊ່ວຍບັນດາຫົວໜ່ວຍເຮັດການທ່ອງທ່ຽວ. ທ່ານຫງວຽນດັງນິງ ໄຈ້ແຍກວ່າ:
   ຄຽງຂ້າງບັນຫາລາຄາເຊົ່າທີ່ດິນ, ວິສາຫະກິດຍັງມີຄວາມສົນໃຈເຖິງນະໂຍບາຍພາສີອາກອນ, ນະໂຍບາຍເຊົ່າທີ່ດິນ ແລະ ນະໂຍບາຍໜູນຊ່ວຍ. ໃນໄລຍະສັ້ນແມ່ນບໍ່ສາມາດແກ້ໄຂບັນຫາເຫຼົ່ານັ້ນໄດ້, ຕ້ອງມີແຜນນະໂຍບາຍ, ການກຳນົດທິດຍາວນານ.
    ໂດຍແມ່ນແຂວງທີ່ມີຄວາມສາມາດບົ່ມຊ້ອນດ້ວຍວັດທະນະທຳປະຫວັດສາດ ກໍ່ຄືບັນດາເຂດຮ່ອງຮອຍບູຮານຄະດີ ແລະ ມີຫຼາຍອ້າຍນ້ອງຊົນເຜົ່າສ່ວນໜ້ອຍດຳລົງຊີວິດ ຊື່ງໄດ້ສ້າງເປັນເຂດວັດທະນະທຳໃຫ່ຍ. ນີ້ແມ່ນບັນດາທ່າແຮງເພື່ອໃຫ້ແຂວງດົ່ງນາຍ ພັດທະນາການທ່ອງທ່ຽວຕາມທິດຂຽວ ແລະ ຍືນຍົງ.
   ແຕ່ປີ 2017, ແຂວງໄດ້ປະກາດໃຊ້ແຜນນະໂຍບາຍສູ້ຊົນໃຫ້ບັນລຸໄດ້ຈຸດໝາຍນຳການທ່ອງທ່ຽວກາຍເປັນຂະແໜງເສດຖະກິດບໍລິການສຳຄັນ ໃນຍຸດທະສາດແຫ່ງການພັດທະນາເສດຖະກິດສັງຄົມ, ສ້າງຂະແໜງທ່ອງທ່ຽວດົ່ງນາຍ ເປັນການທ່ອງທ່ຽວຊີວະພາບ ພ້ອມທັງພັດທະນາຫຼາຍຮູບແບບການທ່ອງທ່ຽວອື່ນທີ່ດົ່ງນາຍ ມີເງື່ອນໄຂ ແລະ ທ່າແຮງ. ແຕ່ເຖິງຢ່າງໃດກໍ່ຕາມ, ເພື່ອຂຸດຄົ້ນທຸກແຫຼ່ງກຳລັງ, ທ່າແຮງເປັນຢ່າງດີ, ເພື່ອໃຫ້ຂະແໜງທ່ອງທ່ຽວດົ່ງນາຍ ໄດ້ພັດທະນາຢ່າງແທດຈິງ, ມີຈຸດຢືນໃນແຜນທີ່ແຫ່ງການທ່ອງທ່ຽວຂອງຫວຽດນາມ ກໍ່ຄືໃນພາກພື້ນນັ້ນ, ແນ່ນອນວ່າ ດົ່ງນາຍ ຍັງມີວຽກງານຫຼາຍຢ່າງຈະຕ້ອງເຮັດໃນໄລຍະທີ່ຈະມາເຖິງ.
 (ແຫຼ່ງຄັດຈາກ VOV)


ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມອະນຸກຳມະການເສດຖະກິດ - ສັງຄົມ ກອງປະຊຸມໃຫຍ່ຄັ້ງທີ XIV ຂອງພັກ

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມອະນຸກຳມະການເສດຖະກິດ - ສັງຄົມ ກອງປະຊຸມໃຫຍ່ຄັ້ງທີ XIV ຂອງພັກ

ທ່ານນາຍົກລັດຖະມົນຕີ ຮຽກຮ້ອງສືບຕໍ່ສ້າງໂຄງຮ່າງບົດລາຍງານໃຫ້ສົມບູນແບບ ດ້ວຍເນື້ອໃນມີຂອບຂະໜາດຊີ້ນຳ, ນຳພາໃຫຍ່ ແຕ່ແທດຈິງ, ເຂົ້າໃຈງ່າຍ, ປະຕິບັດງ່າຍ

Top