• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ແຟຊັ່ນ

ຊຸດອາພອນ ລະດູໃບໄມ້ຫຼົ່ນ ແລະ ລະດູໜາວ

ໃນງານສັບປະດາແຟຊັ່ນລະດູໃບໄມ້ຫຼົ່ນ-ລະດູໜາວ 2011 ທີ່ໂຮງແຮມດາຍວູ-ຮ່າໂນ້ຍ ໄດ້ສ້າງຄວາມ ສົນໃຈເປັນພິເສດໃນວົງການແຟຊັ່ນນິຍົມພາຍໃນ ຊຶ່ງສ່ອງແສງໃຫ້ເຫັນໃນຫຼາຍແງ່ຫຼາຍມຸມທາງດ້ານ ລັກສະນະ, ແນວໂນ້ມຂອງຊຸດອາພອນລະດູໃບໄມ້ຫຼົ່ນ-ລະດູໜາວ ປະຈຳປີນີ້.
 
ຊຸດສະສົມອາພອນຂອງນັກອອກແບບອິດສະຫຼະ ກໍຄືບໍລິສັດຫ້າງຮ້ານແຟຊັ່ນໃນປີນີ້ ລ້ວນແຕ່ສ່ອງແສງໃຫ້ເຫັນລັກສະນະການປະດິດສ້າງໃໝ່ໆ ທີ່ເຕັມໄປດ້ວຍຄວາມງາມ, ສ້າງຄວາມເຊື່ອໝັ້ນໃນແຕ່ລະບຸກຄະລາກອນ ຂອງ 27 ນັກອອກແບບອາພອນສະໄໝນິຍົມລະດູໃບໄມ້ຫຼົ່ນ ແລະ ລະດູໜາວ ລວມມີ 900 ກວ່າຊຸດທີ່ອຸດົມສົມບູນໄປດ້ວຍວັດຖຸປະກອບຈາກຜ້າສັກກະຫຼາດ, ຢີນສ໌, ແລນ, ກາກີ, ກຳມະຍີ່, ຜ້າຝ້າຍໜາ ແລະ ອື່ນໆອັນຫຼາກຫຼາຍສີສັນ ນັບແຕ່ເຂັ້ມໄປຈົນຮອດສີສົດໃສ, ສະຫຼັບສັບຊ້ອນກັບລາຍດອກ, ກັບການປະດັບເມັດແກ້ວ, ຫີນແກ້ວຕ່າງໆ... ຊຶ່ງເຮັດໃຫ້ຊຸດອາພອນມີລັກສະນະປະຍຸກສູງ ແລະ ສ້າງຄວາມໝັ້ນໃຈໃນຄວາມງາມຂອງຜູ້ຊົມໃຊ້ໃນເວລາຍ່າງເລາະຫຼິ້ນຕະຫຼາດ, ໃນງານ ລ້ຽງສັງສັນ ຫຼື ໃນຫ້ອງການສຳນັກງານ…
 
ຮູບພາບຈຳນວນໜຶ່ງ ກ່ຽວກັບຊຸດອາພອນ ລະດູໃບໄມ້ຫຼົ່ນ ແລະ ລະດູໜາວ
 










 
 ບັນດານັກອອກແບບໜຸ່ມຜູ້ທີ່ມີຊື່ສຽງໃນງານສັບປະດາແຟຊັ່ນລະດູໃບໄມ້ຫຼົ່ນ-ລະດູໜາວ ປະຈຳປີ 2011
 
ງານສັບປະດາແຟຊັ່ນລະດູໃບໄມ້ຫຼົ່ນ-ລະດູໜາວປີນີ້, ຄັ້ງທຳອິດປະກົດຜົນງານຂອງບັນດານັກອອກແບບໜຸ່ມທີ່ມີຊື່ສຽງ ເຊັ່ນ: ເຖ໋ເຊິນ, ຊວນ ຖຸຍ, ແມ້ງຮ່າວ, ທູງານ, ຢ໊ວານທິງາ ສັງກັດຈຸ VietNam Designer Fashion Galery (VNDFG) ທີ່ຮ່າໂນ້ຍ ແລະ ກວາງ ເຍີດ, ຢາເຕ້ວ, ກົງຮວນ ແລະ ມິງເຈົາ ສັງກັດຈຸ F8 ທີ່ນະຄອນໂຮ່ຈີມິນ. ດ້ວຍການປະດິດສ້າງທີ່ເປັນເອກະລັກສະເພາະ, ຊຸດອາພອນຂອງ ທັງສອງຈຸດັ່ງກ່າວ ໄດ້ໃຫ້ເຫັນລະດັບສີສັນ ແລະ ຄວາມຮູ້ສຶກໃນລະດູໃບໄມ້ຫຼົ່ນ-ລະດູໜາວ ກໍຄືຄວາມຮູ້ສຶກໃນການດຳລົງຊີວິດສຸດທີ່ຟົດຟື້ນ ຊຶ່ງມີຄວາມແຕກຕ່າງກັນລະຫວ່າງຮຸ່ນໄວໜຸ່ມແຖບພາກເໜືອ ແລະ ພາກໃຕ້ຫວຽດນາມ.
ນອກຈາກນັ້ນ, ຊຸດສະສົມ “ແຟຊັ່ນຂຽວ” ໄດ້ຊີ້ແຈງຖະແຫຼງໄຂຕໍ່ການເປັນມິດກັບສິ່ງແວດລ້ອມ ຂອງບໍລິສັດ COMO ຫວຽດນາມເປັນຜູ້ອອກ ແບບ ໂດຍນຳໃຊ້ທາດວັດຖຸ ramine ຊຶ່ງມີຕົ້ນກຳເນີດຈາກ cellulose ຊຶ່ງເປັນທາດທີ່ມີຄວາມຊຶມຊັບໄດ້ດີ ແລະ ງ່າຍຕໍ່ການເປື່ອຍລະ ລາຍ, ສາມາດຕ້ານເຊື້ອໂລກ ແລະ ປາສະຈາກກິ່ນໃນສະພາບແວດລ້ອມປຽກຊຸ່ມ. ທາດ Ramine ໄດ້ຖືກນຳໃຊ້ເຂົ້າໃນປະດິດສ້າງຊຸດອາ ພອນຊັ້ນສູງ. ພິເສດແມ່ນການເຂົ້າຮ່ວມຂອງນັກອອກແບບທີ່ມີຊື່ສຽງ ເຊັ່ນ: ມິງແຮ້ງ, ຫວູຫວຽດຮ່າ, ຫວຽດລຽນ ແລະ ນັກອອກແບບໜຸ່ມຈຳ ນວນໜຶ່ງ ໄດ້ເຮັດໃຫ້ງານສັບປະດາແຟຊັ່ນມີຄວາມຟົດຟື້ນ ແລະ ຊີວິດຊີວາຂຶ້ນຕື່ມ. ງານສັບປະດາແຟຊັ່ນລະດູໃບໄມ້ຫຼົ່ນ-ລະດູໜາວ ແມ່ນ ການເຄື່ອນໄຫວແຟຊັ່ນ ປະຈຳປີ ແລະ ໄດ້ຮັບຄວາມນິຍົມຊົມຊອບຈາກຂະແໜງການແຟຊັ່ນຫວຽດນາມ. ລາຍການສະແດງດັ່ງກ່າວ ໄດ້ສ່ອງ ແສງໃຫ້ເຫັນແຈ້ງສ່ວນໃດສ່ວນໜຶ່ງຂອງແນວໂນ້ມກະແສເຊື່ອມໂຍງກັບແຟຊັ່ນຂອງໂລກ. ດ້ວຍເຫດນັ້ນ, ການສ້າງເຄື່ອງໝາຍການຄ້າ, ເປີດ ກວ້າງຕະຫຼາດພາຍໃນ ຕະຫຼອດຮອດການສົ່ງອອກສູ່ຕະຫຼາດຕ່າງປະເທດຢ່າງກວ້າງຂວາງ ເພື່ອປະຊາສຳພັນຮູບແບບແຟຊັ່ນຫວຽດນາມ ຢູ່ ຕະຫຼາດບັນດາປະເທດທີ່ຊົມຊອບຊຸດອາພອນສະໄໝນິຍົມ ຄື: ອາຊີ, ອາຟຣິກກາ… ແມ່ນທາງສາຍໄໝຂອງຫວຽດນາມໃນອະນາຄົດ ອັນ ໃກ້ນີ້.
ບົດ: ວີຖາວ - ພາບ:ເຕິດເຊີນ

Bài: Vy Thảo – Ảnh: Tất Sơn

ຄວາມງາມ ຂອງ ຊຸດຊົນເຜົ່າ ກົ໋ງ

ຄວາມງາມ ຂອງ ຊຸດຊົນເຜົ່າ ກົ໋ງ

ຊົນເຜົ່າ ກົ໋ງ ອາໄສຢູ່ພາກຕາເວັນຕົກສ່ຽງເໜືອ, ສ່ວນຫຼາຍແມ່ນ ເຕົ້າໂຮມກັນຢູ່ ແຂວງ ລາຍເຈົາ ແລະ ດ້ຽນບຽນ. ນີ້ແມ່ນໜຶ່ງ ໃນຊົນເຜົ່າ ມີຈຳນວນປະຊາກອນ ບໍ່ຮອດ 10 ພັນຄົນ ທີ່ຍັງຄົງ ຮັກສາ ວັດທະນະທຳ ພື້ນເມືອງທີ່ເປັນເອກະລັກສະເພາະ ໄວ້ໄດ້ຫຼາຍຢ່າງ, ພິເສດແມ່ນຊຸດອາພອນ ທ່ີມີສີສັນ ແລະ ລວດລາຍ ທີ່ເປັນເອກະລັກສະເພາະ.

Top