ທ່ານ ຫງວຽນເທກີ໋, ຜູ້ອຳນວຍການໃຫຍ່ VOV ແລະ ທ່ານ Jung Ki Yepl, ປະທານ ສະພາປະຊາຊົນແຂວງ Gyeonggi
ທີ່ການເຮັດວຽກ, ທ່ານ ຫງວຽນເທກີ໋, ຜູ້ອຳນວຍການໃຫຍ່ VOV ແລະ ທ່ານ Jung Ki Yepl, ປະທານ ສະພາປະຊາຊົນແຂວງ Gyeonggi ປາດຖະຫນາຢາກຍູ້ແຮງການພົວພັນລະຫວ່າງ ຫວຽດນາມ ແລະ ສເກົາຫລີ ເວົ້າລວມ ແລະ VOV ກັບ ແຂວງ Gyeonggi ເວົ້າສະເພາະ ເພື່ອຊຸກຍູ້ການແລກປ່ຽນຂໍ້ມູນຂ່າວ, ເປີດການພົວພັນແລກປ່ຽນ, ສ້າງຄວາມເຂົ້າໃຈເຊິ່ງກັນ ແລະກັນລະຫວ່າງປະຊາຊົນສອງປະເທດ. ທ່ານ ຫງວຽນເທກີ໋, ຜູ້ອຳນວຍການໃຫຍ່ VOV ໃຫ້ຮູ້ວ່າ: ໃນເດືອນກັນຍາຜ່ານມາ, ນາຍົກລັດຖະມົນຕີຫວຽດນາມ ໄດ້ໃຫ້ສັດຕະຍາບັນອະນຸຍາດໃຫ້ລາຍການກະຈາຍສຽງພາກພາສາ ສເກົາຫລີ ອອກອາກາດຜ່ານຄື້ນ VOV. ສິ່ງດັ່ງກ່າວສະແດງໃຫ້ເຫັນວ່າ ຫວຽດນາມ ຕີລາຄາສູງການພົວພັນລະຫວ່າງຫວຽດນາມແລະ ສເກົາຫລີ ແລະ ປາດຖະຫນາວ່າ ການພົວພັນລະຫວ່າງ ຫວຽດນາມ ແລະ ສເກົາຫລີ ເວົ້າລວມ, ແລະ ກັບແຂວງGyeonggi ເວົ້າສະເພາະນັບມື້ນັບພັດທະນາ.
“ນັບແຕ່ປີ 2016 ເປັນຕົ້ນໄປ, VOV ແລະ ວິທະຍຸກະຈາຍສຽງ ແຂວງ Gyeonggi ໄດ້ລົງນາມໃນຂໍ້ຕົກລົງຮ່ວມມືເພື່ອແນະນຳກ່ຽວກັບປະເທດຊາດ ແລະ ປະຊາຊົນ, ວັດທະນະທຳສັງຄົມຂອງແຂວງ Gyeonggi ພິເສດແມ່ນຄວາມສາມາດບົ່ມຊ້ອນການທ່ອງທ່ຽວ. ຂ້າພະເຈົ້າຫວັງວ່າ VOV ຈະມີການຮ່ວມມືກັບບັນດາອົງການສື່ມວນຊົນໂທລະພາບຂອງແຂວງ Gyeonggi ຫລາຍກວ່າອີກ, ໃນນັ້ນ ມີສະຖານີວິທະຍຸກະຈາຍສຽງໂທລະພາບແຂວງ Gyeonggi.”ວັນທີ 15 ຕຸລາ, ບັນດາລາຍການແລກປ່ຽນທຳອິດລະຫວ່າງຊ່ອງກະຈາຍສຽງພາກພາສາອັງກິດ 24/7 ຂອງລະບົບລາຍການກະຈາຍສຽງພາກພາສາຕ່າງປະເທດແຫ່ງຊາດ, ວິທະຍຸກະຈາຍສຽງຫວຽດນາມ ແລະ ວິທະຍຸ KFM ຂອງແຂວງ Gyeonggi ໄດ້ອອກອາກາດໃນຄື້ນວິທະຍຸຂອງສະຖານີວິທະຍຸກະຈາຍສຽງທັງສອງ.
(ແຫຼ່ງຄັດຈາກ VOV)
