• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຈຸດປະກາຍຄວາມໄຝ່ຝັນໃຫ້ເດັກທຸກຍາກ,ເດັກພິການຢູ່ເຂດພູດອຍ

      “ຈຸດປະກາຍຄວາມໄຝ່ຝັນໃຫ້ເດັກນ້ອຍຊົນເຜົ່າ - ເຂດພູດອຍທີ່ປະສົບກັບຄວາມຫຍຸ້ງຍາກ”, ລາຍການ “ຈຸດປະກາຍຄວາມໄຝ່ຝັນ” ມຸ່ງໄປເຖິງເປົ້າໝາຍຂົນຂວາຍແຫຼ່ງກຳລັງເພື່ອມອບເຮືອນແຫ່ງສາຍຈິດມິດໃຈ ແລະ ທຶນສຶກສາ 1.000 ທຶນ, ຂອງຂວັນ 3.000 ພູດ ໃຫ້ເດັກນ້ອຍ


ມອບຂອງຂວັນໃຫ້ບັນດາເດັກນ້ອຍຊາວເຜົ່າສ່ວນໜ້ອຍຢູ່ເມືອງ ດິ້ງຮ໊ວາ
(ພາບ: qdnd.vn)
       ໂດຍສືບຕໍ່ບັນດາການເຄື່ອນໄຫວຕັ້ງໜ້າມຸ່ງໄປເຖິງປະຊາຄົມ, ສະພາປົກປ້ອງສິດທິເດັກຫວຽດນາມ ໄດ້ສົມທົບກັບບໍລິສັດການບິນ Vietjet ແລະ ສູນກາງສະຫະພັນແມ່ຍິງຫວຽດນາມ, ສູນກາງຊາວໜຸ່ມກອມມູນິດໂຮ່ຈີມິນ ຈະຈັດລາຍການ “ຈຸດປະກາຍຄວາມໄຝ່ຝັນ” ຄັ້ງທີ 6 ປີ 2019, ໃຫ້ພວກນ້ອງນ້ອຍທີ່ປະສົບກັບຄວາມຫຍຸ້ງຍາກບືນຕົວຂຶ້ນຢູ່ບັນດາເຂດພູດອຍທາງພາກເໜືອຫວຽດນາມ. ໃນລາຍການຊີວິດສັງຄົມຫວຽດນາມ ພາກນີ້, ນັກຂ່າວ ຮ່ວຽນຈາງ ມີບົດຂຽນດ້ວຍຫົວຂໍ້ວ່າ “ຈຸດປະກາຍຄວາມໄຝ່ຝັນໃຫ້ເດັກທຸກຍາກ, ເດັກພິການຢູ່ເຂດພູດອຍ”.
        ດ້ວຍຫົວຂໍ້ວ່າ “ຈຸດປະກາຍຄວາມໄຝ່ຝັນໃຫ້ເດັກນ້ອຍຊົນເຜົ່າ - ເຂດພູດອຍທີ່ປະສົບກັບຄວາມຫຍຸ້ງຍາກ”, ລາຍການ “ຈຸດປະກາຍຄວາມໄຝ່ຝັນ” ມຸ່ງໄປເຖິງເປົ້າໝາຍຂົນຂວາຍແຫຼ່ງກຳລັງເພື່ອມອບເຮືອນແຫ່ງສາຍຈິດມິດໃຈ ແລະ ທຶນສຶກສາ 1.000 ທຶນ, ຂອງຂວັນ 3.000 ພູດ ໃຫ້ເດັກນ້ອຍ; ລະດົມກຳລັງໃຈໃຫ້ບັນດາເດັກດ້ອຍໂອກາດ, ພ້ອມກັນສ້າງຄວາມຮັກໃຫ້ແກ່ພວກນ້ອງ. ທ່ານນາງ ຫງວຽນທິແທັງຮ່ວາ, ປະທານສະພາປົກປ້ອງສິດທິເດັກຫວຽດນາມ ຢືນຢັນວ່າ, ເດັກນ້ອຍແມ່ນເປົ້າໝາຍຕ້ອງໄດ້ຮັບຄວາມເອົາໃຈໃສ່ ແລະ ປົກປ້ອງຈາກທົ່ວສັງຄົມ. ປະຈຸບັນ, ຢູ່ຫວຽດນາມ ຍັງມີເດັກນ້ອຍທີ່ປະສົບກັບຄວາມຫຍຸ້ງຍາກຫຼາຍຄົນ, ປາດຖະໜາຢາກໄດ້ຮັບການເບິ່ງແຍງດູແລ. ສະພາປົກປ້ອງສິດທິເດັກຫວຽດນາມ ຫວັງວ່າ, ລາຍການ “ຈຸດປະກາຍຄວາມໄຝ່ຝັນ” ປີນີ້ເຊິ່ງໄດ້ຈັດຕັ້ງໃນໂອກາດເຂົ້າສົກຮຽນໃໝ່ ຈະສ້າງແຫຼ່ງກຳລັງ, ລະດົມກຳລັງໃຈ, ສົ່ງເສີມຈິດໃຈຮໍ່າຮຽກ ຂອງພວກນ້ອງ.
        “ໃນບັນຍາກາດຂອງຊຸມມື້ເລີ່ມເຂົ້າສົກຮຽນໃໝ່, ກໍ່ແມ່ນການກະກຽມເພື່ອຕ້ອນຮັບວັນບຸນໄຫວ້ພະຈັນ. ສຳລັບເດັກແລ້ວ, ສົກຮຽນໃໝ່ມີຄວາມໝາຍທາງດ້ານຈິດໃຈຢ່າງໃຫຍ່ຫຼວງ ຊ່ວຍໃຫ້ພວກນ້ອງມີກຳລັງໜູນຕື່ມອີກໃນການຮ່ຳຮຽນ, ຝຶກຝົນຫຼໍ່ຫຼອມເປັນຢ່າງດີໃນທັງປີ, ຂ້າພະເຈົ້າຄິດວ່າລາຍການດັ່ງກ່າວຈະແມ່ນແຫຼ່ງລະດົມກຳລັງໃຈໃຫ້ພວກນ້ອງທີ່ຍັງປະສົບກັບຄວາມຫຍຸ້ງຍາກ ຈະມານະພະຍາຍາມຜ່ານຜ່າຄວາມຫຍຸ້ງຍາກນັ້ນເພື່ອສືບຕໍ່ໄປໂຮງຮຽນ. ບັນດາພວກນ້ອງມີສິດໄດ້ຮັບການພັດທະນາຢ່າງຮອບດ້ານ ກໍຄືມີສິດໄດ້ຮັບການຊ່ວຍເຫຼືອຈາກພັກ, ລັດ, ຂະແໜງການທຸກຂັ້ນ ເພື່ອຫັນຄວາມໄຝ່ຝັນຂອງຕົນໃຫ້ປະກົດຜົນເປັນຈິງ”.
        ໃນບັນດາລາຍການ, ຄະນະຈັດຕັ້ງໄດ້ສົມທົບກັບບໍລິສັດການບິນ Vietjet ແລະ ບັນດາອົງການຢູ່ບາງທ້ອງຖິ່ນໄດ້ຈັດການມອບຂອງຂວັນ, ທຶນສຶກສາໃຫ້ເດັກປະສົບກັບຄວາມຫຍຸ້ງຍາກ. ໃນເດືອນ ກໍລະກົດ ແລະ ສິງຫາ ປີ 2019, ຄະນະຈັດຕັ້ງໄດ້ໄປຢ້ຽມຢາມ, ມອບຂອງຂວັນ ກວ່າ 400 ພູດ ແລະ ມອບທຶນສຶກສາ 2 ທຶນ, ແຕ່ລະທຶນມີມູນຄ່າ 5 ລານດົ່ງ ຢູ່ບັນດາແຂວງ ທ໊າຍງວຽນ, ລ້າງເຊີນ, ກາວບັ່ງ, ຕຽນກວາງ, ລາຍເຈົາ. ຕາມທ່ານ ຫງວຽນວັນຮຸ່ງ, ຮອງປະທານສະພາປົກປ້ອງສິດທິເດັກຫວຽດນາມ ແລ້ວ, ຄະນະຈັດຕັ້ງມີບັນດາມາດຕະຖານສະເພາະໃນການຄັດເລືອກເດັກນ້ອຍໄດ້ຮັບຂອງຂວັນ ແລະ ທຶນສຶກສາໃນສົກຮຽນນີ້.
        “ມາດຕະຖານຂອງລາຍການໃນຄັ້ງນີ້ແມ່ນຈຸດປະກາຍຄວາມໄຝ່ຝັນ ເພື່ອຄັດເລືອກ. ຕົວຢ່າງຄື, ຢູ່ແຂວງ ທ໊າຍງວຽນ ພວກຂ້າພະເຈົ້າໄດ້ມອບຂອງຂວັນໃຫ້ບັນດາເດັກນ້ອຍຊາວເຜົ່າສ່ວນໜ້ອຍຢູ່ເມືອງ ດິ້ງຮ໊ວາ, ເຂດ ATK (ເຂດປອດໄພ) ເຊິ່ງປີນີ້ພວກເຮົາໄດ້ຈັດພິທີສະເຫຼີມສະຫຼອງ 50 ປີແຫ່ງວັນປະຕິບັດຄຳພິໄນກຳຂອງປະທານໂຮ່ຈີມິນ. ຫຼື ຢູ່ແຂວງລ້າງເຊີນ, ພວກຂ້າພະເຈົ້າພວກຂ້າພະເຈົ້າໄດ້ເລືອກເອົາເມືອງຈີລັງ, ສ່ວນເລືອກເອົາແຂວງກາວບັ່ງ ແມ່ນຍ້ອມປະຊາຊົນເຜົ່າສ່ວນໜ້ອຍໄດ້ກວມເອົາ 85%.”
        ໂດຍຮ່ວມເດີນທາງໃນບັນດາການເຄື່ອນໄຫວຂອງລາຍການ, ບໍລິສັດການບິນ Vietjet ປາດຖະໜາວ່າ ບັນດາການປະກອບສ່ວນຂອງບໍລິສັດຈະນຳມາເຊິ່ງແຫຼ່ງລະດົມກຳລັງໃຈໃຫ້ບັນດາເດັກດ້ອຍໂອກາດ, ສ້າງຄວາມໄຝ່ຝັນກ່ຽວກັບອະນາຄົດອັນສົດໄສໃຫ້ພວກນ້ອງນ້ອຍ. ທ່ານ ເຢືອງຮ່ວາຍນາມ, ຫົວໜ້າຫ້ອງການພາກເໜືອ, ປະທານສະຫະພັນຊາວໜຸ່ມ Vietjet, ແບ່ງປັນວ່າ.
        “ເມື່ອສະພາປົກປ້ອງສິດທິເດັກຫວຽດນາມ ປະຕິບັດລາຍການ “ຈຸດປະກາຍຄວາມໄຝ່ຝັນ” ນີ້, ພວກເຮົາເອງເຫັນວ່ານີ້ແມ່ນລາຍການທີ່ເໝາະສົມ ແລະ ມີຄວາມໝາຍວັດທະນະທຳມະນຸດຢ່າງເລິກເຊິ່ງ. ພວກຂ້າພະເຈົ້າບໍ່ພຽງແຕ່ໜູນຊ່ວຍທາງດ້ານວັດຖຸເທົ່ານັ້ນ, ຫາກຍັງດຳເນີນບັນດາການເຄື່ອນໄຫວໄປພ້ອມໆກັນ ເພື່ອໜູນຊ່ວຍບັນດາກໍລະນີປະສົບກັບຄວາມຫຍຸ້ງຍາກເປັນພິເສດ ແລະ ທີ່ຕ້ອງການຄວາມຊ່ວຍເຫຼືອ. ພວກຂ້າພະເຈົ້າປາດຖະໜາວ່າ ລາຍການຈະໄດ້ຮັບການແຜ່ຂະຫຍາຍຢ່າງກວ້າງຂວາງກວ່າ ເພື່ອຊ່ວຍໃຫ້ພວກນ້ອງຫັນຄວາມໄຝ່ຝັນໃຫ້ປະກົດຜົນເປັນຈິງ”.
        ໃນຂອບເຂດຂອງລາຍການ, “ຈຸດປະກາຍຄວາມໄຝ່ຝັນໃຫ້ເດັກນ້ອຍຊົນເຜົ່າ - ເຂດພູດອຍທີ່ປະສົບກັບຄວາມຫຍຸ້ງຍາກ”, ວັນທີ 08 ກັນຍາ, ມີເດັກນ້ອຍ 300 ຄົນໄດ້ຮັບເຊື້ອເຊີນເຂົ້າຮ່ວມລາຍການຢູ່ຮ່າໂນ້ຍ. ໃນນັ້ນ, ມີເດັກນ້ອຍ 109 ຄົນ ເຊິ່ງເປັນຊາວເຜົ່າສ່ວນໜ້ອຍ, ເດັກປະສົບກັບຄວາມຫຍຸ້ງຍາກແຕ່ບືນຕົວຂຶ້ນຮຽນເກັ່ງ, ເດັກພິການພິເສດຈາກບັນດາແຂວງຢູ່ເຂດພູດອຍ, ໄດ້ຮັບທຶນສຶກສາ (1 ລ້ານດົ່ງ/ທຶນ) ແລະ ໄດ້ຮັບຂອງຂວັນ (500.000 ດົ່ງ/ພູດ).
        ລັດຖະບານຫວຽດນາມ ຍາມໃດກໍ່ໄດ້ກຳນົດວ່າ, ເດັກນ້ອຍແມ່ນເປົ້າໝາຍທີ່ຕ້ອງໄດ້ຮັບຄວາມເອົາໃຈໃສ່ ແລະ ປົກປ້ອງຈາກທົ່ວສັງຄົມ. ປະຈຸບັນ, ຢູ່ຫວຽດນາມ ຍັງມີເດັກນ້ອຍປະສົບກັບຄວາມຫຍຸ້ງຍາກເປັນຈຳນວນຫຼວງຫຼາຍ ແລະ ປາດຖະໜາຢາກໃຫ້ຄວາມໄຝ່ຝັນຂອງຕົນປະກົດຜົນເປັນຈິງ. ສະພາປົກປ້ອງສິດທິເດັກຫວຽດນາມ ຫວັງວ່າ, ຈະສືບຕໍ່ໄດ້ຮັບການຮ່ວມເດີນທາງ, ການໜູນຊ່ວຍຈາກທຸກໆພາກສ່ວນໃນສັງຄົມ.
 (ແຫຼ່ງຄັດຈາກ VOV)

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມອະນຸກຳມະການເສດຖະກິດ - ສັງຄົມ ກອງປະຊຸມໃຫຍ່ຄັ້ງທີ XIV ຂອງພັກ

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມອະນຸກຳມະການເສດຖະກິດ - ສັງຄົມ ກອງປະຊຸມໃຫຍ່ຄັ້ງທີ XIV ຂອງພັກ

ທ່ານນາຍົກລັດຖະມົນຕີ ຮຽກຮ້ອງສືບຕໍ່ສ້າງໂຄງຮ່າງບົດລາຍງານໃຫ້ສົມບູນແບບ ດ້ວຍເນື້ອໃນມີຂອບຂະໜາດຊີ້ນຳ, ນຳພາໃຫຍ່ ແຕ່ແທດຈິງ, ເຂົ້າໃຈງ່າຍ, ປະຕິບັດງ່າຍ

Top