ປະເພດກິລາໝາກບານພູມປັນຍາ (Wiserball) ມີຕົ້ນ ກຳເນີດຈາກພາກພື້ນທະວີບອາເມລິກາ ແລະ ໄດ້ນຳເຂົ້າຫວຽດນາມ ແຕ່ປີ 2012, ປະຈຸບັນ ມັນໄດ້ກາຍເປັນປະເພດກິລາໜຶ່ງທີ່ຈັບໃຈ ແລະ ນິຍົມກັນຫລິ້ນຢູ່ນະຄອນຫລວງ ຮ່າໂນ້ຍ, ດ່າໜັງ ແລະ ນະຄອນ ໂຮ່ຈີມິນ.
ກະຕິກາຂອງປະເພດກິລາ ບານພູມປັນຍາ ບໍ່ຍາກປານໃດ, ຜູ້ຫຼິ້ນຈະແບ່ງເປັນ 2 ທິມ, ທິມໜຶ່ງມີ 3 ຫາ7 ຄົນແລະສະມາຊິກທຸກຄົນໃນທິມຕ້ອງປະຕິບັດຕາມການຊີ້ນຳຂອງຫົວໜ້າທິມ.
ເລີ່ມການແຂ່ງຂັນ, ໃນການໂຍນໝາກບານເທື່ອ ທຳອິດ, ສະມາຊິກຂອງ 2 ທິມຕ້ອງໂຍນໝາກບານ ລົງເດີ່ນ ແລະແຕ່ລະທິມຕ້ອງມີໝາກບານຢ່າງໜ້ອຍ ໜຶ່ງໜ່ວຍນອນຢູ່ໃນເດີ່ນຂອງຄູ່ຕໍ່ສູ້. ພາຍຫລັງສຳເລັດ ການໂຍນໝາກບານເທື່ອທຳອິດແລ້ວ, ທັງສອງທິມຈະ ດໍາເນີນການບຸກໂຈມຕີຄູ່ຕໍ່ສູ້.
 ຕອນແລງວັນເສົາທຸກອາທິດ, ສະມາຊິກ ສະໂມສອນ Wiserball ຮ່າໂນ້ຍ ທຸກຄົນ ເຕົ້າໂຮມກັນຢູ່ໃນເຮືອນເລກທີ 73, ຖະໜົນ ວ້ານບາວ ເພື່ອຫລິ້ນບານພູມປັນຍາ.  ກ່ອນການແຂ່ງຂັນ, ບັນດາສະມາຊິກຈະໄດ້ຮັບຟັງການແນະນຳກ່ຽວກັບກົດກະຕິກາທີ່ເປັນພື້ນຖານຈາກກຳມະການ.  ການຫິ້ນບານພູມປັນຍາບໍ່ມີຄວາມຫຍຸ້ງຍາກ, ຜູ້ຫຼິ້ນໃຊ້ ເວລາພຽງ 15 ນາທີເພື່ອທໍາການຄຸ້ນເຄີຍກັບໝາກບານ ແລ້ວກໍ່ສາມາດຫຼິ້ນໄດ້ເລີຍ.  ນ້ອງນ້ອຍຫຼາຍຄົນຫຼິ້ນ ບານປະເພດນີ້ ເພື່ອຜ່ອນຄາຍ ຈິດໃຈແລະຝຶກແອບສຸຂະພາບ.  ປະເພນີຈັບມືກັນກ່ອນການແຂ່ງຂັນ ເພື່ອຍົກສູງນໍ້າໃຈແລກປ່ຽນ, ຮໍ່າຮຽນຊຶ່ງກັນແລະກັນລະຫວ່າງສອງທິມ.  ເນື່ອງຈາກເປັນປະເພດກິລາທີ່ຮຽກຮ້ອງໃຫ້ມີຍຸດທະວິທີສູງ. ສະນັ້ນ,ສະມາຊິກທຸກຄົນໃນທິມຕ້ອງ ຕິດພັນກັນຢ່າງສະໜິດແໜ້ນເລາການແຂ່ງຂັນ.  ກໍລະນີ ໝາກບານໜ່ວຍໃດຖືກຄູ່ຕໍ່ສູ້ໂຍນໝາກບານ ຖືກ, ກຳມະການຈະປັກທຸງສີເຫຼືອງໃສ່, ໝາຍຄວາມວ່າ ເຈົ້າຂອງໝາກບານໜ່ວຍນັ້ນ ຈະບໍ່ໄດ້ຫຼິ້ນຕໍ່, ຕ້ອງລໍຖ້າການຊ່ວຍເຫຼືອຈາກເພື່ອນຮ່ວມທິມກ່ອນ.  ການໂຍນບານແຕ່ລະຄັ້ງຂອງສະມາຊິກທຸກຄົນໃນສອງທິມກຳມະການຈະບັນທຶກໃສ່ກະດານໄວ້ຢ່າງລະອຽດ.  ຕ່າງກັບກິລາປະເພດອື່ນໆ, ຫລິ້ນບານພູມປັນຍາຮຽກຮ້ອງໃຫ້ຜູ້ຫຼິ້ນຕ້ອງມີການຄິດໄລ່ຢ່າງລະອຽດກ່ອນທີ່ຈະໂຍນບານ.  ຈັງຫວະໂຍນບານຍາກຂອງທິມ ຮ່າໂນ້ຍ 1 ໃນການແຂ່ງຂັນ.  ນາງ ໝີເວິນ ເປັນໜຶ່ງໃນບັນດາສະມາຊິກຫຼິ້ນ Wiserball ຫຼາຍປີຂອງສະໂມສອນ Wiserball ຮ່າໂນ້ຍ.  ເພື່ອເອົາຊະນະ, ສອງທິມຕ້ອງຫຼິ້ນຈົນເຖິງເວລາທິມໃດທິມໜຶ່ງມີໝາກບານຖືກລັອກທັງໝົດ.  ເຖິງວ່າ ຫາກໍ່ນຳເຂົ້າສູ່ ຫວຽດນາມ ພຽງ2-3 ປີ, ແຕ່ກິລາປະເພດນີ້ສາມາດ ດຶງດູດການເຂົ້າຮ່ວມຂອງ ສະມາຊິກທຸກລຸ້ນຄົນນັບເປັນຈຳນວນຫຼວງຫຼາຍ.  ອ້າຍ ເວືອງຫວູຖັ໋ງ, ປະທານສະມາຄົມ Wiserball ຫວຽດນາມ ມອບຫຼຽນຄຳໃຫ້ແກ່ທິມຊະນະເລີດໃນການແຂ່ງຂັນກິລາບານພູມປັນຍາ ປີນີ້. |
ໃນສ່ວນການຫຼິ້ນນີ້, ຖ້າໝາກບານໜ່ວຍໃດຂອງສະມາຊິກໃນທິມຖືກໝາກບານຂອງຄູ່ຕໍ່ສູ້ໂຍນຖືກ ຫຼື ຖືກໂຍນອອກຈາກເດີ່ນ, ໝາກບານໜ່ວຍນັ້ນຈະຖືກລັອກໄວ້ (ປັກທຸງສີເຫຼືອງ), ຕຳຖືກເທື່ອທີສອງຈະຖືກຈັບຕົວ(ປັກທຸງສີແດງ) ແລະ ຖືກເທື່ອທີສາມເຈົ້າຂອງໝາກ ບານໜ່ວຍນັ້ນ ຈະຖືກຄັດອອກຈາກການແຂ່ງຂັນ. ແຕ່ວ່າ ສິ່ງທີ່ໜ້າຈັບໃຈຂອງກິລາປະເພດນີ້ມີຄືຖ້າຫາກວ່າ ສະມາຊິກໃນ ທິມໂຍນໝາກບານໄປຖືກໝາກບານຂອງຄູ່ຕໍ່ສູ້, ໝາກບານຂອງທິມທີ່ຖືກລັອກໄວ້ນັ້ນຈະໄດ້ຮັບການປົດປ່ອຍ. ເພາະສະນັ້ນ, ບັນດາສະມາຊິກໃນແຕ່ລະທິມຕ້ອງມີການຫາລື ແລະຄິດໄລ່ຢ່າງລະອຽດລະອໍກ່ຽວກັບຍຸດທະວິທີເພື່ອຫຼິ້ນແນວໃດໃຫ້ບັນລຸປະສິດທິຜົນສູງສຸດ. ສຸດທ້າຍ, ທິມຊະນະຈະແມ່ນ ທິມສາມາດໂຍນໝາກບານທຸກໜ່ວຍຂອງຄູ່ຕໍ່ສູ້ອອກຈາກເດີ່ນບານໄດ້.
ຫຼິ້ນໝາກບານພູມປັນຍາບໍ່ພຽງແຕ່ເພື່ອຝຶກແອບສຸຂະພາບ, ຄວາມທົນທານໜຽວແໜ້ນເທົ່ານັ້ນ, ຫາກຍັງສາມາດຊ່ວຍໃຫ້ຜູ້ຫຼິ້ນມີການພັດທະນາກ່ຽວກັບຈິນຕະນາການດ້ານຍຸດທະວິທີສູ້ຮົບ ແລະ ວິທີການເຮັດວຽກເປັນທິມອີກດ້ວຍ.
ປະຕິບັດໂດຍ: ແຄງລອງ
