ທ່ານເອກອັກຄະລັດຖະທູດ ລາວ ປະຈຳ ຫວຽດນາມ ທອງສະຫວັນ ພົມວິຫານ
ເຂົ້າຮ່ວມງານກິລານັກສຶກສາ ລາວ ຢູ່ ຫວຽດນາມ ຄັ້ງນີ້ ມີທ່ານເອກອັກຄະລັດຖະທູດ ລາວ ປະຈຳ ຫວຽດນາມ ທອງສະຫວັນ ພົມວິຫານ, ຜູ້ຕາງໜ້າເລຂາຄະນະຊາວໜຸ່ມນະຄອນ ຮ່າໂນ້ຍ, ສະຫະສະມາຄົມບັນດາອົງການມິດຕະພາບ ຫວຽດນາມ - ລາວ ຢູ່ນະຄອນຫລວງ ຮ່າໂນ້ຍ, ຄູອາຈານມະຫາວິທະຍາໄລອຸດສາຫະກຳ ຮ່າໂນ້ຍ ພ້ອມກັບນັກສຶກສາລາວພວມຮ່ຳຮຽນຢູ່ບັນດາມະຫາວິທະຍາໄລ, ວິທະຍາໄລພາກເໜືອ ຫວຽດນາມ ເປັນຈຳນວນຫລວງຫລາຍ. ງານກິລາປີ 2018 ປີ 49 ໂຮງຮຽນເຂົ້າຮ່ວມ.
ແລະກໍ່ໃນພິທີໄຂ, ທ່ານນາງ ບູຍທິເງິນ, ຮອງຜູ້ອຳນວຍການມະຫາວິທະຍາໄລອຸດສາຫະກຳ ຮ່າໂນ້ຍ ໃຫ້ຮູ້ວ່າ:
“ໂດຍສືບທອດຜົນສຳເລັດຂອງງານກິລານັກສຶກສາ ລາວ ຄັ້ງທີ 11 ປີ 2017. ມື້ນີ້, ມະຫາວິທະຍາໄລ ອຸດສາຫະກຳ ຮ່າໂນ້ຍ ມີຄວາມເປັນກຽດໄດ້ສົມທົບກັບສະຖານທູດ ລາວ ປະຈຳ ຫວຽດນາມ ຈັດຕັ້ງງານກິລານັກສຶກສາລາວ ຄັ້ງທີ 12 ດ້ວຍຄວາມຫວັງວ່າ ພວກນ້ອງນັກສຶກສາລາວ ມີໂອກາດພົວພັນແລກປ່ຽນ, ສ້າງຄວາມເຂົ້າໃຈ ແລະ ຮັດແໜ້ນນ້ຳໃຈສາມັກຄີມິດຕະພາບລະຫວ່າງ 2 ປະເທດ”.
ນີ້ແມ່ນປີທີ 2 ມະຫາວິທະຍາໄລ ອຸດສາຫະກຳ ຮ່າໂນ້ຍ ຈັດຕັ້ງເຫດການດັ່ງກ່າວ ດ້ວຍຄຳຂວັນທີ່ວ່າ “ເພື່ອນ້ຳໃຈມິດຕະພາບ, ສຸຂະພາບ ແລະ ການສຶກສາ”. ງານກິລານັກສຶກສາ ລາວໄດ້ຈັດຕັ້ງໃນວັນທີ 17, 18, 24 ແລະ 25 ມີນາ
(ແຫຼ່ງຄັດຈາກ VOV)
