ງານມະຫາກຳປິ 2015 ພາຍໃຕ້ຫົວຂໍ້ “ບັນດາປະຊາຊາດໃນ ປະຊາຄົມ ອາຊຽນ” ເປັນຂີດໝາຍທີ່ສຳຄັນ, ຮັບຮູ້ ແລະ ສ່ອງແສງ ຢ່າງມີຊີວິດຊີວາ ບັນດາຮູບພາບກ່ຽວກັບບັນດາ ປະຊາຊາດກ່ອນໜ້າປະຊາຄົມ ອາຊຽນ ທີ່ອີງໃສ່ 3 ເສົາຄຳຄື: ປະຊາຄົມ ການເມືອງ-ຄວາມສະຫງົບ, ປະຊາຄົມເສດຖະກິດ ແລະ ປະຊາຄົມ ວັດທະນະທຳ - ສັງຄົມ ຈະມີຜົນສັກສິດຢ່າງເປັນທາງການໃນວັນທີ 31 ທັນວາ 2015.
ງານມະຫາກຳດັ່ງກ່າວ ກໍ່ເປັນໂອກາດເພື່ອເຊີດຊູການປະກອບສ່ວນຂອງບັນດາອົງການ, ການຈັດຕັ້ງ ແລະ ບຸກຄົນຂອງແຕ່ລະປະເທດ ໃນປະຊາຄົມ ອາຊຽນ ໄດ້ສະແດງໃຫ້ເຫັນຮູບພາບປະຊາຄົມໜຶ່ງທີ່ ຂະຫຍັນຂັນແຂງ, ສາມັກຄີ, ຮ່ວມມື ແລະ ອຸດົມສົມບູນດ້ານ ທ່າແຮງບົ່ມຊ້ອນເພື່ອການພັດທະນາ.
ຂ່າວພາບຫວຽດນາມ ຂໍຖືເປັນກຽດສະເໜີຕໍ່ບັນດາທ່ານຜູ້ອ່ານ ຜະລິດຕະພັນພາບຖ່າຍດີເດັ່ນຈຳນວນໜຶ່ງ ທີ່ນຳມາວາງສະແດງ ໃນງານມະຫາກຳຄັ້ງນີ້ ດັ່ງນີ້:
 ທ່ານ ຫງວຽນບັກຊອນ, ລັດຖະມົນຕີກະຊວງຖະແຫຼງຂ່າວ ແລະ ການສື່ສານ ຫວຽດນາມ ມອບລາງວັນທີໜຶ່ງ, ປະເພດຮູບເງົາ ສາລະຄະດີ-ເອກະສານ ໃຫ້ແກ່ນັກປະພັນ Shune Lei Thar ມາຈາກ ມຽນມາ. ພາບ: ແທງຢາງ/VNP  ທ່ານ ເຈືອງມິງຕວ໋ນ, ລັດຖະມົນຕີຊ່ວຍວ່າການກະຊວງຖະ ແຫຼງຂ່າວ ແລະ ການສື່ສານ ຫວຽດນາມ ມອບລາງວັນທີໜຶ່ງ, ປະເພດພາບຖ່າຍ ໃຫ້ແກ່ນັກຖ່າຍຮູບ ຈິ້ງທົງທ້ຽນ. ພາບ: ແທງຢາງ/VNP  ຄະນະຈັດຕັ້ງມອບລາງວັນທີສອງ, ປະເພດຮູບພາບໃຫ້ແກ່ ນັກຖ່າຍຮູບ Min Min Tun (ມຽນມາ) ແລະ ຫງວຽນຫວຽດເກື່ອງ (ຫວຽດນາມ). ພາບ: ແທງຢາງ/ VNP  ທ່ານ ຫງວຽນຖັ໋ງ, ຫົວໜ້າບັນນາທິການໃຫຍ່ ຂ່າວພາບ ຫວຽດນາມ - ຂ່າວສານຫວຽດນາມ (ຜູ້ສຸດທ້າຍຈາກຊ້າຍ) ມອບລາງວັນຊົມເຊີຍ ໃຫ້ແກ່ບັນດານັກຖ່າຍຮູບທີ່ມາເຂົ້າຮ່ວມງານ. ພາບ: ເຕິດເຊີນ/ VNP  ຄະນະຈັດຕັ້ງມອບຂອງຂວັນທີ່ລະນຶກໃຫ້ແກ່ບັນດານັກຖ່າຍຮູບທີ່ມີຊຸດພາບຖ່າຍໄດ້ເລືອກ ເຟັ້ນເຂົ້າໃນຮອບຊະນະເລີດ ມາຈາກ 8 ປະເທດໃນພາກພື້ນ ອາຊຽນ. ພາບ: ເຕິດເຊີນ/ VNP  ທ່ານ ຫງວຽນຖັ໋ງ, ຫົວໜ້າບັນນາທິການໃຫຍ່ ຂ່າວພາບ ຫວຽດນາມ - ຂ່າວສານຫວຽດນາມ ໄດ້ລົງລາຍເຊັນໃສ່ພາບຖ່າຍທຸງມູນເຊື້ອຂອງ ອາຊຽນ. ພາບ: ແທງຢາງ  ລາຍການສະແດງສິລະປະວັນນະຄະດີຊົມເຊີຍທີປະກາດ ແລະ ມອບລາງວັນ ງານມະຫາກຳພາບຖ່າຍ ແລະ ຮູບເງົາສາລະຄະດີ - ເອກະສານ ກ່ຽວກັບບັນດາປະຊາຊາດໃນປະຊາຄົມ ອາຊຽນ 2015. ພາບ: ແທງຢາງ  ຄະນະນັກຖ່າຍຮູບທີ່ເຂົ້າຮ່ວມງານມະຫາກຳ ໄປຢ້ຽມຢາມເຂດວາງສະແດງວັດທະນະທຳ ອາຊຽນ ທີ່ຫໍພິພິດທະພັນ ຊົນເຜົ່າ ຫວຽດນາມ ຢູ່ແຂວງ ທ້າຍງວຽນ. ພາບ: ກົງດາດ/VNP  ຄະນະນັກຖ່າຍຮູບທີ່ເຂົ້າຮ່ວມງານມະຫາກຳ ໄດ້ຊົມເບິ່ງການສະແດງ ຕຸກກະຕານຳ້ ຫວຽດນາມ ທີ່ຫໍພິພິດທະພັນ ຊົນເຜົ່າ ຫວຽດນາມ ຢູ່ແຂວງ ທ້າຍງວຽນ. ພາບ: ກົງດາດ/VNP  ຄະນະນັກຖ່າຍຮູບທີ່ເຂົ້າຮ່ວມງານມະຫາກຳ ຖ່າຍຮູບຮ່ວມກັນທີ່ ໝູ່ບ້ານອາຊີບຜະລິດ ແຜໄໝ ວ້ານຝຸກ (ຮ່າໂນ້ຍ). ພາບ: ຫວຽດເກື່ອງ/ VNP |
“ງານມະຫາກຳພາບຖ່າຍ ແລະ ຮູບເງົາສາລະຄະດີ - ເອກະສານ ກ່ຽວກັບບັນດາປະຊາຊາດໃນປະຊາຄົມ ອາຊຽນປີ 2015 ເປັນການ ປະກອບສ່ວນອັນໜ່ຶງຂອງ ຫວຽດນາມ ເຂົ້າໃນວິວັດການກໍ່ສ້າງ ກ້ອນ ມະຫາສາມັກຄີບັນດາປະຊາຊາດໃນປະຊາຄົມ ອາຊຽນ, ເພື່ອ ພື້ນຖານ ວັດທະນະທຳໜຶ່ງທີ່ເຕັມໄປດ້ວຍສີສັນ, ຫຼາກຫຼາຍຮູບແບບ ໃນເອກະພາບ”.
|
ກ່ອນວັນຈັດຕັ້ງພິທີປະກາດ ແລະ ມອບລາງວັນຢ່າງເປັນທາງການ, ບັນດານັກຖ່າຍຮູບທີ່ມາຈາກ 8 ປະເທດໃນກຸ່ມ ອາຊຽນ ໄດ້ໄປທ່ຽວຊົມແຂວງ ທ້າຍງວຽນ. ໃນໂອກາດນີ້ ຄະນະ ໄດ້ ເຂົ້າຢ້ຽມຊົມບ່ອນວາງສະແດງວັດທະນະທຳ “ມູມ ອາຊຽນ”, ຊອກຮູ້ວັດທະນະທຳຂອງ46 ຊົນເຜົ່າໃນທົ່ວແຂວງ ທ້າຍ ງວຽນ, ໂດຍສະເພາະແມ່ນບັນດາຊົນເຜົ່າທີ່ຍັງອະນຸລັກຮັກສາໄດ້ ສີສັນຂອງເຜົ່າເຊັ່ນ: ໄຕ, ມົ້ງ, ຢາວ ແລະ ອື່ນໆ ທີ່ຫໍພິພິດທະພັນ ວັດທະນະທຳ ບັນດາເຜົ່າ ຫວຽດນາມ.
ງານມະຫາກຳພາບຖ່າຍ ແລະ ຮູບເງົາສາລະຄະດີ - ເອກະສານ ກ່ຽວກັບບັນດາຊົນເຜົ່າໃນປະຊາຄົມ ອາຊຽນ 2015 ໂດຍ ຫວຽດນາມ ເປັນເຈົ້າພາບ ໄດ້ສຳເລັດຢ່າງຈົບງາມ, ສະແດງໃຫ້ເຫັນໄດ້ເຖິງນຳ້ໃຈ ສາມັກຄີ, ການຮ່ວມມືເພື່ອພ້ອມກັນພັດທະນາ ຊຶ່ງບໍ່ພຽງແຕ່ໃນຂົງ ເຂດ ການພົວພັນຕ່າງປະເທດ ແລະ ເສດຖະກິດເທົ່ານັ້ນ, ຫາກ ຍັງໄດ້ສະແດງອອກຢ່າງຈະແຈ້ງໃນຂົງເຂດວັດທະນະ ທຳ ແລະ ການສື່ສານອີກດ້ວຍ.
ຂ່າວພາບຫວຽດນາມ ຂໍຖືເປັນກຽດສະເໜີຕໍ່ບັນດາທ່ານຜູ້ອ່ານ ຜະລິດຕະພັນພາບຖ່າຍດີເດັ່ນຈຳນວນໜຶ່ງ ທີ່ນຳມາວາງສະແດງ ໃນງານມະຫາກຳຄັ້ງນີ້ ດັ່ງນີ້:
ລາງວັນທີໜຶ່ງ: ພິທີເກັບສັກຂອງເຜົ່າ ຢາວຕ໋ຽນ”. ນັກຖ່າຍຮູບ: ຈິ້ງທົງທ້ຽນ (ຫວຽດນາມ) ລາງວັນທີສອງ:  ຊາວເຜົ່າ ມົ້ງ ຫຼໍ່ໝາກສົບໄຖ. ນັກຖ່າຍຮູບ: ຫງວຽນຫວຽດເກື່ອງ (ຫວຽດນາມ) ລາງວັນທີສອງ:  ພິທີໄຫວ້ບູຊາ ເຢຶ່ອງ (ພິທີບູຊາໜຶ່ງໃນສາສະໜາພຸດ). ນັກຖ່າບຮູບ: Min Min Tun (ມຽນມາ) ລາງວັນທີສາມ:  ບັນດາບົດເລື່ອງຊວນຫົວ. ນັກຖ່າຍຮູບ: ເຈີ່ນວັນຕຸຍ (ຫວຽດນາມ)  ຈັງຫວະຂອງເຍົາໄວ. ນັກຖ່າຍຮູບ: ໂງກວາງຝຸກ (ຫວຽດນາມ) ລາງວັນທີສາມ:  ປົກປ້ອງຫໍບູຊາ. ນັກຖ່າຍຮູບ: Zay Yar Lin (ມຽນມາ) |
|
ຄະນະຈັດຕັ້ງເລືອກໄດ້ 2 ລາງວັນທີໜຶ່ງ, 4 ລາງວັນທີສອງ, 6 ລາງວັນ ທີສາມ ແລະ 9 ລາງວັນຊົມເຊີຍ ໃນສອງປະເພດພາບຖ່າຍ ແລະ ຮູບເງົາສາລະຄະດີ - ເອກະສານ. ນັກຖ່າຍຮູບ ຈິ້ງທົງທ້ຽນ ແລະ ຫງວຽນຫວຽດເກື່ອງ (ຂ່າວພາບຫວຽດນາມ-ຂ່າວສານຫວຽດນາມ) ຖືເປັນກຽດໄດ້ຄອງລາງວັນທີໜຶ່ງ ແລະ ທີສອງໃນປະເພດພາບຖ່າຍ ຊຸດພາບຖ່າຍ “ພິທີເກັບສັກຂອງເຜົ່າ ຢາວຕ໋ຽນ” (ຮັບຮອງຜູ້ຊາຍ ໄດ້ເຕິບໃຫຍ່) ແລະ “ຊາວເຜົ່າ ມົ້ງ ຫຼໍ່ໝາກສົບໄຖ”.
|
