ການຢ້ຽມຢາມທາງລັດຖະກິດ ລາຊະອານາຈັກ ກຳປູເຈຍ ແຕ່ ວັນທີ 20-22 ກໍລະກົດ 2017 ຂອງສະຫາຍ ຫງວຽນຝູ໋ຈ້ອງ, ເລ ຂາທິການໃຫຍ່ພັກກອມມູນິດ ຫວຽດນາມ ເປັນຂີດໝາຍແຫ່ງ ປະຫວັດສາດໃນສາຍພົວພັນການທູດລະຫວ່າງສອງປະເທດ, ທັງເປັນໂອກາດທີ່ດີເພື່ອໃຫ້ສອງຝ່າຍຫວນຄືນປະຫວັດສາດ ຂອງ ສາຍພົວພັນລະຫວ່າງສອງປະເທດໃນ 50 ປີຜ່ານມາ.
ໃນການຢ້ຽມຢາມ ກຳປູເຈຍ ເປັນເວລາ 3 ວັນ, ສະຫາຍເລຂາ ທິການໃຫຍ່ ຫງວຽນຝູ໋ຈ້ອງ ໄດ້ທຳການພົບປະ ແລະ ເຮັດວຽກ 22 ຄັ້ງຢ່າງມີປະສິດທິຜົນ. ສະຫາຍເລຂາທິການໃຫຍ່ ໄດ້ທຳ ການພົບປະເຈລະຈາກັບ ພະບາດສົມເດັດ ພະບໍຣົມມະນຽດ ໂນໂຣດົມ ສີຫາມູນີ ພະມະຫາກະສັດແຫ່ງ ລາຊະອານາຈັກ ກໍາປູເຈຍ, ພົບປະແລກປ່ຽນຄຳຄິດຄຳເຫັນກັບ ພະລາຊະມານດາ ໂນໂຣດົມ ໂມນີນຽດ ສີຫານຸກ ຂອງ ພະບາດສົມເດັດ ພະບໍຣົມມະນຽດ ໂນໂຣດົມ ສີຫາມູນີ ແລະ ບັນດາຜູ້ນຳຂອງ ສະພາສູງ, ສະພາແຫ່ງຊາດ, ລັດຖະບານ ກຳປູເຈຍ. ການພົບປະ ເຈລະຈາ, ແລກປ່ຽນຄຳຄິດຄຳເຫັນ ມີຂຶ້ນຍ່າງກົງໄປກົງມາ, ເລິກເຊິ່ງ ແລະ ແທດເໝາະຕົວຈິງ.
ສະຫາຍ ຫງວຽນຝູ໋ຈ້ອງ, ເລຂາທິການໃຫຍ່ ພັກຄອມມູນິດ ຫວຽດນາມ
ທຳການພົບປະເຈລະຈາກັບ ພະບາດສົມເດັດ ພະບໍ ຣົມ ມະນຽດ ໂນໂຣດົມ ສີຫາມູນີ
ພະມະຫາກະສັດແຫ່ງ ລາຊະ ອານາຈັກ ກໍາປູເຈຍ. ພາບ: ຈີ້ຢຸງ/VNA
ສະຫາຍ ຫງວຽນຝູ໋ຈ້ອງ, ເລຂາທິການໃຫຍ່ ພັກຄອມມູນິດ ຫວຽດນາມ ແລະ
ພະບາດສົມເດັດ ພະບໍຣົມມະນຽດ ໂນໂຣດົມ ສີຫາມູນີ ພະມະຫາກະສັດແຫ່ງ ລາຊະອານາຈັກ ກໍາປູເຈຍ
ແນະນຳ ແລະ ມອບຂອງຂວັນເຊິ່ງກັນ ແລະ ກັນ. ພາບ: ຈີ້ຢຸງ/VNA
ສົມເດັດ ໂນໂຣດົມ ສີຫາມູນີ ພະມະຫາກະສັດແຫ່ງ ລາຊະອາ ນາຈັກ ກໍາປູເຈຍ ຈັດງານລ້ຽງຮອງຮັບ
ສະຫາຍ ຫງວຽນຝູ໋ຈ້ອງ, ເລຂາທິການໃຫຍ່ ພັກຄອມມູນິດ ຫວຽດນາມ. ພາບ: ຈີ້ຢຸງ/VNA
ສະຫາຍ ຫງວຽນຝູ໋ຈ້ອງ, ເລຂາທິການໃຫຍ່ ພັກຄອມມູນິດ ຫວຽດນາມ
ພົບປະແລກປ່ຽນຄຳຄິດເຫັນກັບ ພະລາຊະມານດາ ໂນໂຣດົມ ໂມນີນຽດ ສີຫານຸກ
ຂອງ ພະບາດສົມເດັດ ພະບໍຣົມ ມະນຽດ ໂນໂຣດົມ ສີຫາມູນີ. ພາບ: ຈີ້ຢຸງ/VNA
ໃນສະພາບການປະຈຸບັນ, ບົນພື້ນຖານຂອງການຮ່ວມມືຢ່າງ ແໜ້ນແຟ້ນ ແລະ ເລິກເຊິ່ງ ຕະຫຼອດໄລຍະເວລາ 50 ປີ ຜ່ານມາ, ສອງຝ່າຍໄດ້ຕົກລົງ ໃນການຊຸກຍູ້ຢ່າງແຂງແຮງ ສາຍພົວພັນ ຫວຽດນາມ-ກຳປູເຈຍ, ຍົກການພົວພັນຂຶ້ນສູ້ລະດັບສູງໃໝ່, ເພີ່ມທະວີຄວາມເຊື່ອຖື, ເອົາບັນດາຂົງເຂດການຮ່ວມມືເຂົ້າສູ່ ລວງເລິກ, ແທດເໝາະກັບຕົວຈິງ ແລະ ມີປະສິດທິຜົນ. ເຖິງຈະຢູ່ ໃນສະຖານະການໃດກໍ່ຕາມ, ຫວຽດນາມ ແລະ ກຳປູເຈຍ ຕ້ອງ ເປັນເພື່ອນບ້ານທີ່ດີ, ມີຄວາມຊື່ສັດ, ບໍລິສຸດຜຸດຜ່ອງ, ສະໜິດ ຕິດພັນຢ່າງແໜ້ນແຟ້ນ, ຮ່ວມມືຮອບດ້ານ, ມີປະສິດທິພາບ ແລະ ຕົວຈິງ.
ຕອນບ່າຍວັນທີ 20 ກໍລະກົດ 2017, ທີ່ນະຄອນຫຼວງ ພະນົມເປັນ ແຫ່ງລາຊະອານາຈັກ ກຳປູເຈຍ,
ສະຫາຍ ຫງວຽນຝູ໋ຈ້ອງ, ເລຂາທິການໃຫຍ່ ພັກຄອມມູນິດ ຫວຽດນາມ ມີການພົບປະເຈລະຈາ
ກັບ ສົມເດັດ ຮຸນເຊັນ, ນາຍົກລັດຖະມົນຕີແຫ່ງລາຊະອານາຈັກ ກຳປູເຈຍ. ພາບ: ຈີ້ຢຸງ/VNA
ສະຫາຍ ຫງວຽນຝູ໋ຈ້ອງ, ເລຂາທິການໃຫຍ່ ພັກຄອມມູນິດ ຫວຽດນາມ
ແລະ ສົມເດັດ ຮຸນເຊັນ, ນາຍົກລັດຖະມົນຕີແຫ່ງລາຊະອານາຈັກ ກຳປູເຈຍ
ໄດ້ເປັນ ສັກຂີພິຍານພິທີເຊັນຖະແຫຼງການຮ່ວມວ່າດ້ວຍການເພີ່ມທະວີ
ການພົວພັນມິດຕະພາບ, ການຮ່ວມມື ລະຫວ່າງ ຫວຽດນາມ ແລະ ກຳປູເຈຍ. ພາບ: ຈີ້ຢຸງ/VNA
ທີ່ສຳນັກງານສະພາສູງ ຢູ່ນະຄອນຫຼວງ ພະນົມເປັນ ແຫ່ງລາຊະອານາຈັກ ກຳປູເຈຍ,
ສະຫາຍ ຫງວຽນຝູ໋ຈ້ອງ, ເລຂາທິການໃຫຍ່ ພັກຄອມມູນິດ ຫວຽດນາມ ມີການພົບປະ
ແລກປ່ຽນຄຳຄິດຄຳເຫັນກັບ ສົມເດັດ ຊາຍຊຸມ, ປະທານສະພາສູງ ກຳປູເຈຍ. ພາບ: ຈີ້ຢຸງ/VNA
ສະຫາຍ ຫງວຽນຝູ໋ຈ້ອງ, ເລຂາທິການໃຫຍ່ ພັກຄອມມູນິດ ຫວຽດນາມ
ແລະ ສົມເດັດ ຊາຍຊຸມ, ປະທານສະພາສູງ ກຳປູເຈຍ ຕັດແຖບຜ້າສະຫຼອງຜົນສຳເລັດການກໍ່ສ້າງ
ເຂດອະນຸສອນສະຖານມິດຕະພາບ ຫວຽດນາມ-ກຳປູເຈຍ ທີ່ແຂວງ Preah Sihanouk . ພາບ: ຈີ້ຢຸງ/VNA
ສະຫາຍ ຫງວຽນຝູ໋ຈ້ອງ, ເລຂາທິການໃຫຍ່ ພັກຄອມມູນິດ ຫວຽດນາມ
ພົບປະກັບ ສົມເດັດ ອັກຄະມະຫາ ໂປເຢຍ ຈັກກຣີ ເຮັງ ຊໍາຣິນ
ປະທານສະພາແຫ່ງຊາດ ແຫ່ງລາຊະອານາຈັກ ກໍາປູເຈຍ. ພາບ: ຈີ້ຢຸງ/VNA
ສະຫາຍ ຫງວຽນຝູ໋ຈ້ອງ, ເລຂາທິການໃຫຍ່ ພັກຄອມມູນິດ ຫວຽດນາມ
ແລະ ສົມເດັດ ອັກຄະມະຫາ ໂປເຢຍ ຈັກກຣີ ເຮັງ ຊຳຣິນ, ປະທານສະພາ ແຫ່ງຊາດ ກຳປູເຈຍ
ໄດ້ເປັນສັກຂີພິຍານ ພິທີລົງນາມໃນບົດ ບັນທຶກຊ່ວຍຈຳວ່າດ້ວຍ ພັກ, ລັດ ແລະ ປະ ຊາຊົນ ຫວຽດນາມ
ມອບຫ້ອງການເຮັດວຽກ ຂອງຄະນະເລຂາ ແລະ ຄະນະກຳມະການຮັບຜິດຊອບໂດຍສະເພາະຂອງ ແຫ່ງຊາດ ກຳປູເຈຍ
ໃຫ້ແກ່ລັດ ແລະ ປະຊາຊົນ ກຳປູເຈຍ. ພາບ: ຟານມິງຮຶງ, ນັກຂ່າວຂອງ VNA ປະຈຳ ກຳປູເຈຍ
ສະຫາຍ ຫງວຽນຝູ໋ຈ້ອງ, ເລຂາທິການໃຫຍ່ ພັກຄອມມູນິດ ຫວຽດນາມ
ເຂົ້າຢ້ຽມຂ່ຳນັບພະມະຫາອາຈານ ແຕບວົງ. ພາບ: ຈີ້ຢຸງ/VNA
ສະຫາຍ ຫງວຽນຝູ໋ຈ້ອງ, ເລຂາທິການໃຫຍ່ ພັກຄອມມູນິດ ຫວຽດນາມ
ເຂົ້າຢ້ຽມຂ່ຳນັບພະມະຫາອາຈານ ບຸກຣີ. ພາບ: ຈີ້ຢຸງ/VNA
ເນື່ອງໃນໂອກາດນີ້, ລັດຖະມົນຕີກະຊວງການຕ່າງປະເທດ ຂອງ ສອງປະເທດ ໄດ້ເຊັນຖະແຫຼງການຮ່ວມວ່າດ້ວຍເພີ່ມທະວີສາຍ ພັນມິດຕະພາບ, ການຮ່ວມມືຮອບດ້ານລະຫວ່າງ ຫວຽດນາມ ແລະ ກຳປູເຈຍ ພາຍໃຕ້ການເປັນສັກຂີພິຍານ ຂອງ ສະຫາຍ ເລ ຂາທິການໃຫຍ່ ຫງວຽນຝູ໋ຈ້ອງ, ສົມເດັດ ອັກຄະມະຫາເສນາບໍດີ ເຕໂຈ ຮຸນແຊນ, ນາຍົກລັດຖະມົນຕີ ແຫ່ງລາຊະອານາຈັກ ກຳປູເຈຍ ແລະ ການນຳສອງປະເທດ. ອາດເວົ້າໄດ້ວ່າ ນີ້ແມ່ນ ຖະແຫຼງການຮ່ວມກ່ຽວກັບການພົວພັນຂອງ ສອງປະເທດ ໃນໄລຍະໃໝ່. ຖະແຫຼງການດັ່ງກ່າວ ໄດ້ຕີລາຄາຢ່າງເລິກເຊິ່ງ ກ່ຽວກັບສາຍພົວພັນຂອງສອງປະເທດໃນ 50 ປີຜ່ານມາ; ແນໃສ່ຢ່າງຮອບດ້ານ ບັນດາຂໍ້ກຳນົດທິດທາງ ໃຫ້ແກ່ການ ພົວພັນຂອງສອງປະເທດ ໃນອະນາຄົດ ໃນທຸກໆ ຂົງເຂດ ວຽກງານ; ກຳນົດທິດການ ແກ້ໄຂບັນຫາ ຈຳນວນໜຶ່ງ ທີ່ຍັງຄົງຕົວ ໃນການພົວພັນລະຫວ່າງສອງປະເທດ; ເປັນເອກະພາບກ່ຽວກັບບັນຫາສາກົນ ແລະ ພາກພື້ນ.
ປະຕິບັດ: VNA/VNP