ທ່ານຟ້າມກວາງຮຶງ, ຫົວໜ້າກົມຮ່ວມມືສາກົນ, ກະຊວງການສຶກສາ ແລະ ບຳລຸງສ້າງ, ກຳມະການຜູ້ປະຈຳການຄະນະຊີ້ນຳການເສັງກ່າວຄຳເຫັນທີ່ການເສັງ 

ການເສັງບັນລະຍາຍດ້ວຍຫົວຂໍ້ວ່າ “ ຂ້ອຍຮັກປະເທດຫວຽດນາມ”, ການເສັງຄັ້ງນີ້ດ້ວຍຈຸດປະສົງແມ່ນສົ່ງເສີມພວກນ້ອງນັກຮຽນລາວແບ່ງປັນຄວາມຮູ້ຄວາມເຂົ້າໃຈກ່ຽວກັບປະເທດຊາດ, ຊາວຫວຽດນາມ ແລະ ວັດທະນະທຳ ຫວຽດນາມ, ບັນດາອະນຸສອນໃນການດຳລົງຊີວິດ, ການຮ່ຳຮຽນ ແລະ ດຳເນີນຊີວິດ ຢູ່ ຫວຽດນາມ. ກ່າວຄຳເຫັນທີ່ພິທີໄຂ, ທ່ານຟ້າມກວາງຮຶງ, ຫົວໜ້າກົມຮ່ວມມືສາກົນ, ກະຊວງການສຶກສາ ແລະ ບຳລຸງສ້າງ, ກຳມະການຜູ້ປະຈຳການຄະນະຊີ້ນຳການເສັງໃຫ້ຮູ້ວ່າ:

        ຂ້າພະເຈົ້າເຊື່ອໝັ້ນວ່າ “ຜ່ານການເສັງບັນລະຍາຍຄັ້ງນີ້, ນັກສຶກສາລາວທຸກຄົນຈະບໍ່ພຽງແຕ່ມີຄວາມດຶງດູດໃຈຢາກຮຽນພາສາຫວຽດເທົ່ານັ້ນ, ຫາກຍັງ ແມ່ນ ໂອກາດເພື່ອໃຫ້ພວກເພື່ອນເຂົ້າໃຈ, ຮັກປະເທດຊາດ, ວັດທະນະທຳ ແລະ ຊາວ ຫວຽດນາມຕື່ມອີກ”. ຂ້າພະເຈົ້າຫວັງວ່າ ບັນດາທິມແຂ່ງຂັນທັງໝົດຈະສະແດງໃຫ້ເຫັນກຳລັງຄວາມສາມາດຂອງຕົນຢ່າງສຸດຂີດດ້ວຍບັນດາຄຸນຄ່າດ້ານຈິດໃຈທີ່ ສອງປະເທດຮ່ວມແຮງຮ່ວມໃຈກັນກໍ່ສ້າງ ແລະ ເພີ່ມພູນຄູນສ້າງ, ການເສັງນີ້ແນ່ນອນວ່າ ຈະແຜ່ຂະຫຍາຍຢ່າງເລິກເຊິ່ງກ້ວາງແຂວງ ແລະ ອາດເຂົ້າໃຈວ່າ ພວກເຮົາທຸກໆຄົນລ້ວນແຕ່ເປັນຜູ້ຊະນະ.

        ການເສັງຮອບຄັດເລືອກໄດ້ຈັດຕັ້ງຢູ່ 3 ພາກ ໃນເດືອນຕຸລານີ້, ພາກເໜືອ (ຢູ່ຮ່າໂນ້ຍ ແມ່ນວັນທີ 11 ຕຸລາ ຢູ່ ມະຫາວິທະຍາໄລຊົນລະປະທານ), ພາກກາງ ແມ່ນວັນທີ 18 ຕຸລາ ຢູ່ ມະຫາວິທະຍາໄລ ສ້າງຄູ - ມະຫາວິທະຍາໄລເຫ້ວ, ພາກໃຕ້ ແມ່ນໃນວັນທີ 25 ຕຸລາ ຢູ່ ມະຫາວິທະນາໄລສ້າງຄູນະຄອນໂຮ່ຈີມິນ. ການເສັງຮອບຊີງຊະນະເລີດຈະໄດ້ດຳເນີນໃນວັນທີ 8 ພະຈິກຢູ່ມະຫາວິທະຍາໄລ ທ້າຍງວຽນ.

(ແຫຼ່ງຄັດຈາກ VOV)