ບໍ່ສະເພາະແຕ່ຄົນຫວຽດເທົ່ານັ້ນ, ການຄ້ຽວໝາກ ແມ່ນປະເພນີທີ່ເກີດມີມາແຕ່ດົນນານ ໃນພາກພື້ນອາຊີຕາເວັນອອກສຽງໃຕ້. ຄຳຫມາກຍັງເປັນຕົວ ເຊື່ອມຕໍ່ໃນການພົວພັນລະຫວ່າງສັງຄົມທຸກຂັ້ນ. ໃນ ຄຳສຸພາສິດຫວຽດນາມ “ ຄຳຫມາກຄືສິ່ງເລີ່ມຕົ້ນທຸກ ເລື່ອງລາວ”, ພິເສດແມ່ນໃນໂອກາດ ງານດອງ, ຂັນ ໝາກຂັນພູໄດ້ກາຍເປັນຄວາມມຸ່ງມາດປາດຖະຫນາ ຂອງຫນຸ່ມສາວທີ່ຫວັງຈະໄດ້ເປັນຄູ່ຄອງປອງດອງ ຕະຫລອດໄລຍະຍາວນານ. ເຈົ້າໂຄດລຸງຕາສອງ ຝາ່ຍຈະຄ້ຽວຫມາກ ທາປູນໃສ່ໃບພູສົດ, ແຕ່ໃດໃດ ມາກັບໃສ່ປູນໄດ້ເກີດຂື້ນ ມີທັງອັນໃຫຍ່ແລະນ້ອຍ ສະດວກ ໃນການພົກພາ ແລະ ອັນໃຫຍ່ໃສປູນໄດ້ຫລາຍໂລ.
ກັບໃສ່ປູນມີຮູບ ຂົວ, ທາງເທິງກັບມີຮູນ້ອຍ ຫຼືປາກ ກັບປູນ ເຊິ່ງເປັນບ່ອນ ໃຊ້ໄມ້ຂວັດປູນອອກ. ແຕ່ລະ ເທື່ອທີ່ຂວັດປູນອອກມາ ເຮັດໃຫ້ປູນແປດຕິດປາກກັບ ປູນ, ເວລາຜ່ານໄປ ຫລາຍເທື່ອຫລາຍທີ, ປູນຕິດປາກ ກັບຈະຫນາຂື້ນແລະກາຍເປັນຄໍກັບປູນ. ບາງເທື່ອມັນກໍ່ຫນາຈົນຕັນປາກກັບປູນ, ເວລານັ້ນກະຈະຮອດຍາມຕ້ອງຖິ້ມກັບໃສ່ປູນນັ້ນ. ໃນ ຊີວິດຄອບຄົວຄົນຫວຽດ, ກັບໃສ່ປູນເປັນທີ່ຊົມໃຊ້ປະຈຳວັນຢ່າງຫລວງຫລາຍ . ເມື່ອໃຊ້ດົນ, ປູນໃນກັບມັນແຂງ ຫລື ກັບປູນແຕກ ກະຕ້ອງຊື້ອັນໃຫມ່. ສ່ວນກັບເກ່ົາແມ່ນເອົາໄປປະໄວ້ ກ້ອງຕົ້ນໄມ້ໃຫຍ່ ຫລື ແຄມສຸສານ, ວິຫານ...