• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ອາຫານການກິນ

ກັບຄືນກວິງຍາຍຊີມລົດຊາດ “ຊຸບຜັກພະຄວາຍ”

ສຳລັບຊົນເຜົ່າຜຸ້ໄທເມືອງກວິງຍາຍມີ 10 ກວ່າຄົນທີ່ຖືກຍົກຍ້າຍໄປຫາທີ່ຢູ່ບ່ອນໃໝ່ເພື່ອສະຫງວນດິນແຫ່ງນີ້ເປັນອ່າງເກັບນ້ຳເຂື່ອນໄຟຟ້າເຊີນລາ, ເຂົາເຈົ້າໄດ້ນຳເອົາຊື່ບ້ານ, ແບບແຜນວິຖີດຳລົງຊິວິດໃນເຮືອນຮ້ານ ແລະ ຂຸມຝັງສົບບັນພະບູລຸດໄປນຳ ແຕ່ມີເຍື່ອງອາຫານປະເພດໜຶ່ງທີ່ເຂົາເຈົ້າບໍ່ສາມາດເອົາໄປນຳໄດ້ ນັ້ນກໍ່ຄືຫຍ້າທຳມະດາໆ. ຜັກຊະນິດນີ້ມີຊື່ວ່າຫຍ້າພະຄວາຍ ແລະ ໄດ້ກາຍເປັນສິ່ງທີ່ຊົນເຜົ່າຜູ້ໄທຢູ່ ກວິງຍາຍຄິດຮອດທີ່ສຸດ, ເມື່ອເວົ້າເຖິງບ້ານເກົ່າທີ່ໄດ້ຈົມເລິກຢູ່ໃຕ້ອ່າງເກັບນ້ຳ.
ຕາມທາງອ້າຍ ດຽວຈີ໋ງຫ໋ຽນ, ຮອງຫົວໜ້າຫ້ອງການວັດທະນາທຳເມືອງກວິນຍາຍຂຶ້ນເຮືອຈາກທ່າເຮືອປາອວນລ່ອງໄປຕາມອ່າງເກັບນໍ້າເຂື່ອນໄຟຟ້າເຊີນລາໄປເຖິງຫຼັກໝາຍຊາຍແດນຂອງເມືອງກວິນຍາຍເກົ່າທີ່ຈົມຢູ່ໃຕ້ນໍ້າເລິກເປັນແສນແມັດກ້ອນ. ໃນສາຍເດີນເຮືອ 30 ກິໂລແມັດນັ້ນ, ອ້າຍຫ໋ຽນຍັງຈື່ໄດ້ດີຊື່ສະຖານທີ່ຕ່າງໆ, ຊື່ບ້ານ, ຫ້ວຍນໍ້າລຳເຊ, ພູຜາປ່າໄມ້ທີ່ຖືກຈົມຢູ່ໃຕ້ອ່າງເກັບນໍ້າ. ເມື່ອຫຼຽວເບິ່ງສາຍພູທີ່ຢູ່ໄກເປັນມົວໆ, ອ້າຍຫ໋ຽນບອກວ່າ: “ສາຍພູຕັ້ງແກ໊ສູງ 2020 ແມັດເມື່ອທຽບໃສ່ໜ້ານໍ້າທະເລເບິ່ງໄດ້ຕໍ່າລົງຫຼາຍເມື່ອນໍ້າຢູ່ໃນອ່າງຍຶ່ງຂຶ້ນ. ນຳ້ຢູ່ກ້ອງເຮືອກຳລັງແລ່ນຢູ່ນັ້ນໃນເມື່ອກ່ອນແມ່ນທົ່ງໄຮ່, ທົ່ງນາຂອງຄອບຄົວຂ້ອຍ”. ເມື່ອໄປຮອດຫຼັກໝາຍໃຈກາງເມືອງກວິງຍາຍເກົ່າອ້າຍຫ໋ຽນເບິ່ງຄືວ່າຢາກຊອກຫາອັນໃດອັນໜຶ່ງຢູ່ກາງເກາະດອນແຫ່ງນີ້.

ອ້າຍຫ໋ຽນເກີດສັ່ນໆມືຂອງລາວເມື່ອໄປຈັບຕົ້ນຫຍ້າຂຽວງາມດີຢູ່ແຄມເກາະດອນ. ເດັດເອົາຕົ້ນຫຍ້າໃບໜຶ່ງໃສ່ປາກແລ້ວຫຍໍ້າແຈບໆ, ອ້າຍຫ໋ຽນຮ້ອງຂຶ້ນວ່າ: “ຫຍ້າພະຄວາຍຍັງມີຢູ່, ໄດ້ສິບກວ່າປີມາແລ້ວທີ່ຂ້ອຍຫາກໍ່ໄດ້ຊີມລົດຊາດຂອງຜັກນີ້ອີກ”.   ແມ່ນແລ້ວ, ໃນການກັບມາບ້ານເກົ່າຄັ້ງນີ້, ອ້າຍຫ໋ຽນຕ້ອງການຊອກຫາຫຍ້າທີ່ໄດ້ມີຄວາມຜູກພັນກັບຕົວເອງມາແຕ່ຍາມເຍົາໄວຂອງຕົນ.


ຫຼັກໝາຍໃຈກາງເມືອງກວິງຍາຍເກົ່າໄດ້ຕັ້ງບ່ອນເປັນສະຖານີໂທລະພາບເມືອງກວິງຍາຍເກົ່າ. ພາບ : ຫວຽດເກື່ອງ.


ຫຍ້າພະຄວາຍປົ່ງຂຶ້ນໃນເກາະດອນ, ບ່ອນທີ່ປັກຫຼັກໝາຍໝາຍໄວ້ໃຈກາງເມືອງກວິງຍາຍເກົ່າ. ພາບ: ຫວຽດເກື່ອງ


ດອນຜັກຫຍ້າພະຄວາຍປົ່ງຂຶ້ນຂຽວງາມຢູ່ໃຕ້ຕີນຫຼັກໝາຍອານຸສອນຂອງເມືອງກວິງຍາຍເກົ່າ. ພາບ: ຫວຽດເກື່ອງ


ອ້າຍດຽວຈີງຫ໋ຽນເກັບຫຍ້າພະຄວາຍຊ່ຶງເປັນຫຍ້າທີ່ໄດ້ຜູກພັນກັບການດຳລົງຊີວິດຂອງຕົນໃນຊຸມວັນຢູ່ບ້ານເກົ່າ. ພາບ : ຫວຽດເກື່ອງ


ຫຍ້າພະຄວາຍທີ່ໄດ້ຫົດ, ລ້າງໃຫ້ສະອາດດ້ວຍນ້ຳນ້ຳດາເຂດ ກວິງຍາຍ. ພາບ: ຫວຽດເກື່ອງ


ຫຍ້າພະຄວາຍມີໃບເປັນຮູບດາບ, ກົກຮາກເປັນສີໝົ່ນ, ມີແຕ່ປົ່ງຂຶ້ນຢູ່ແຄມແມ່ນ້ຳດາ ຕອນທີ່ໄຫຼຜ່ານເມືອງກວິງຍາຍ. ພາບ : ທົງທ້ຽນ


ຫຍ້າພະຄວາຍປົ່ງຂຶ້ນແຄມເສົາເບຕົງເຊິ່ງເປັນຮ່ອງຮອຍຂອງໃຈກາງເມືອງເກົ່າທີ່ຈົມເລິກຢູ່ໃຕ້ອ່າງເກັບນ້ຳເຂື່ອນໄຟຟ້ານ້ຳຕົກເຊີນລາ. ພາບ: ທົງທຽ້ນ.


ຊົນເຜົ່າຜູ້ໄທມັກໃຊ້ມີດເພື່ອຫລົກໃຫ້ໄດ້ທັງກົກ ແລະ ຮາກຂອງພະຄວາຍ. ພາບ : ທົງທ້ຽນ


ກ່ອນປຸງແຕ່ງເປັນອາຫານ, ຊົນເຜົ່າຜູ້ໄທໄດ້ຕັດຮາກອ່ອນທີ່ມີສີຂາວອອກ, ປະໄວ້ສ່ວນກົກຮາກທີ່ເປັນສີໝົ່ນ. ພາບ: ຫວຽດເກື່ອງ


ຫຍ້າພະຄວາຍເປັນຜັກຫນຶ່ງທີ່ນິຍົມກິນຂອງພໍ່ແມ່ປະຊາຊົນຊົນເຜົ່າຜູ້ໄທຢູ່ກວິງຍາຍ. ພາບ : ຫວຽດເກື່ອງ

 
ຫຍ້າພະຄວາຍຈ້ຳກັບເກືອຕຳໃສ່ຂີງໄດ້ກາຍເປັນລາຍການອາຫານທີ່ແປກໆ ແລະ ມີລົດຊາດຫອມມັນດີ. ພາບ: ຫວຽດເກື່ອງ
 
ນຳເອົາຂໍ້ຂ້ອງໃຈຂອງຕົນເອງກ່ຽວກັບຫຍ້າພະຄວາຍນີ້ໄປຖາມແມ່ເຖົ້າ ລໍ່ນາຫໍ ຢູ່ຕາແສງ ເມືອງຈຽນ ຈຶ່ງຮູ້ໄດ້ວ່າ, ຜັກຊະນິດນີ້ຊົນເຜົ່າຜູ້ໄທຢູ່ກວິງຍາຍບໍ່ມີໃຜຈະບໍ່ຮູ້ຈັກ. ແຕ່ສະໄໝກ່ອນ,  ເກີດປ່າຖະຫຼົ່ມ, ສັດແລ່ນໜີເຂົ້າພູຕັ້ງແກ໊ໝົດ, ປາຢູ່ແມ່ນ້ຳດາກໍໜີເຂົ້າໄປໃນຫ້ວຍຮ່ອງ, ຕົ້ນໄມ້ໃບຫຍ້າປູກກໍ່ບໍ່ປົ່ງຮາກ, ຊົນເຜົ່າຜູ້ໄທຢູ່ກວິງຍາຍຖືກຕົກຢູ່ໃນສະພາບອຶດຫີວ, ຍັງມີພຽງຫຍ້າພະຄວາຍນີ້ປົ່ງຂຶ້ນຢູ່ແຄມແມ່ນ້ຳດາໃນລະດູທີ່ມີນ້ຳຖ້ວມກາຍເປັນແຫຼ່ງອາຫານກູ້ໄພອຶດຫິວຂອງປະຊາຊົນຢູ່ກວິງຍາຍບໍ່ຈັກວ່າເທົ່າໃດຄັ້ງ.

ແມ່ເຖົ້າຮໍໃຫ້ຮູ້ຕື່ມອີກວ່າ, ຫຍ້າພະຄວາຍຊະນິດນີ້ແປກປະຫຼາດຫຼາຍ, ປົ່ງຂຶ້ນແຕ່ໄລຍະເດືອນ 4 ເຖິງ 9 ຂອງແຕ່ລະປີເທົ່ານັ້ນ, ເມື່ອເຖິງລະດູຝົນເລີ່ມຕົ້ນ, ແມ່ນ້ຳດາໄຫຼນອງລົງນຳເອົາດິນແດນປົກຄຸມ. ແມ່ເຖົ້າຮໍເຄີຍເຂົ້າຮ່ວມຂະບວນການຕໍ່ຕ້ານຝຣັ່ງ, ໄດ້ເຫັນແມ່ນ້ຳຫຼາຍສາຍຄືແມ່ນ້ຳມ້າ( ໄຫຼຜ່ານສອງແຂວງເຊີນລາ ແລະ ແທງຮວາ), ນ້ຳເນີ້ມນາ (ລາຍເຈົາ), ນ້ຳແດງ (ລາວກາຍ) ແຕ່ຍັງບໍ່ທັນເຄີຍເຫັນຫຍ້າພະຄວາຍຊະນິດນີ້ປົ່ງຂຶ້ນແຄມບັນດາແມ່ນ້ຳເຫຼົ່ານັ້ນ.

ຕອນແລງຂອງມື້ນັ້ນ, ພາຍຫຼັງທີ່ເລາະເບິ່ງອ່າງເກັບນ້ຳເຂື່ອນໄຟຟ້ານ້ຳຕົກເຊີນລາໄປຮອດໃຈກາງເມືອງກວິງຍາຍແຫ່ງໃໝ່, ພວກຂ້າພະເຈົ້າໄດ້ຖືກອ້າຍຫ໋ຽນຈັດພາເຂົ້າລ້ຽງຊຶ່ງມີຊຸບຫຍ້າພະຄວາຍ. ຫຍ້າພະຄວາຍຫຼັງຈາກຫຼົກມາທັງຮາກ, ລ້າງໃຫ້ສະອາດແລ້ວກິນດິບຄົນເຂົ້າກັນກັບເກືອ ແລະ ຂີງຕຳ. ເມື່ອ   ຫຍ້ຳຮາກຂອງມັນມີລົດຊາດຫອມເປັນພິເສດປົນກັບລົດຊາດເຜັດໆຂອງຂີງ. 

ເຖິງແມ່ນວ່າປະຊາຊົນເມືອງກວິງຍາຍໄດ້ຍ້າຍໄປອາໃສຢູ່ບ່ອນໃໝ່ຫ່າງຈາກໃຈກາງເມືອງເກົ່າປະມານ 30 ກິໂລແມັດແລ້ວກໍ່ຕາມແຕ່ເມື່ອໄປເລາະແຄມຫ້ວຍ, ແມ່ນ້ຳກໍ່ບໍ່ເຫັນມີຫຍ້າພະຄວາຍຈັກນ້ອຍເລີຍ. ອ້າຍຫ້ຽນເປັນພະນັກງານວັດທະນາທຳ, ໄດ້ລົງໄປເຖິງທຸກໆບ້ານໃນເມືອງກໍ່ຢັ້ງຢືນວ່າ, ຫຍ້າພະຄວາຍຊະນິດນີ້ພຽງແຕ່ປົ່ງຂຶ້ນຢູ່ບ່ອນດຽວນັ້ນແມ່ນຢູ່ຫຼັກໝາຍໃຈກາງເມືອງກວິງຍາຍເກົ່າ. ໃນລະດູນີ້ຊົນເຜົ່າຜູ້ໄທຫຼາຍຄົນຢູ່ເມືອງກວິງຍາຍໃໝ່ໄດ້ສະຫລະເຮື່ອແຮງຂີ່ເຮືອບຸບັ່ນມາຫາບ້ານພໍ່, ບ້ານເກີດເກົ່າບໍ່ພຽງແຕ່ເກັບເອົາຫຍ້າພະຄວາຍເມືອມາກິນເພື່ອຄິດເຖິງບ້ານເກົ່າ.
ບົດ: ທົງທ້ຽນ - ພາບ: ຫວຽດເກື່ອງ - ທົງທ້ຽນ

ເທດສະການອາຫານເຈ 2024

ເທດສະການອາຫານເຈ 2024

ຫວ່າງມໍ່ໆ ມານີ້, ຢູ່ສວນສາທາລະນະ ຖົ໋ງເຍິດ (ຮ່າໂນ້ຍ) ໄດ້ຈັດງານເທດສະການອາຫານເຈ 2024 ໃນຫົວຂໍ້ວ່າ “ລະດູ ບານໃໝ່ ບໍ່ມີທ່ີສິ້ນສຸດ”. ນີ້ເປັນເຫດການວັດທະນະທໍາ ອາ ຫານການກິນ ພິເສດ ເພື່ອແນໃສ່ ຍົກສູງຄວາມຮັບຮູ້ ຂອງ ມວນຊົນ ກ່ຽວກັບ ຜົນປະໂຫຍດ ຂອງ ການກິນເຈ, ທັງແມ່ນ ໂອກາດ ເພື່ອແບ່ງປັນ ແລະ ສຶກສາຄວາມຮູ້ ຈາກຜູ້ທີ່ໄດ້ ດໍາ ເນີນ ຊີວິດແບບນີ້.

Top