• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ກອງ​ປະ​ຊຸມ​ລັດ​ຖະ​ບານ ນັດ​ສາ​ມັນເດືອນ​ພະ​ຈິກ 2021

ໄລ່ມາຮອດປັດຈຸບັນ ໂລລະບາດໄດ້ຮັບການຄວບຄຸມໂດຍພື້ນຖານໃນຂອບເຂດທົ່ວປະເທດ, ໃນເບື້ອງຕົ້ນບັນລຸໄດ້ເປົ້າໝາຍທີ່ວາງອອກ, ສ້າງຄວາມໄວ້ເນື້ອເຊື່ອໃຈ ແລະ ປິຕິຊົມຊື່ນໃຫ້ປະຊາຊົນ, ວິສາຫະກິດຟື້ນຟູການພັດທະນາເສດຖະກິດ. 
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ

ຕອນເຊົ້າວັນທີ 2 ທັນວາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເປັນປະທານກອງປະຊຸມລັດຖະບານ ນັດສາມັດປະຈຳເດືອນພະຈິກ 2021.

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຊີ້ແຈ້ງວ່າ: ໄລ່ມາຮອດປັດຈຸບັນ ໂລລະບາດໄດ້ຮັບການຄວບຄຸມໂດຍພື້ນຖານໃນຂອບເຂດທົ່ວປະເທດ, ໃນເບື້ອງຕົ້ນບັນລຸໄດ້ເປົ້າໝາຍທີ່ວາງອອກ, ສ້າງຄວາມໄວ້ເນື້ອເຊື່ອໃຈ ແລະ ປິຕິຊົມຊື່ນໃຫ້ປະຊາຊົນ, ວິສາຫະກິດຟື້ນຟູການພັດທະນາເສດຖະກິດ. ໄລຍະຈະມາເຖິງ, ອາດຈະສືບຕໍ່ມີບ່ອນແຜ່ເຊື້ອໃໝ່ ແລະ ມີຄວາມສ່ຽງແຜ່ລາມ. ສະນັ້ນ, ທ່ານນາຍົກລັດຖະມົນຕີ ຮຽກຮ້ອງໃຫ້ສ້າງແຜນການ ແລະ ວິທີການຮັບມືກັບສະພາບການໂລກລະບາດໂດຍໄວ, ພິເສດແມ່ນເຊື້ອໄວຣັດກາຍພັນ Omicon; ລວບລວມຄວາມຕ້ອງການ ແລະ ຈັດຊື້, ສະສົມວັກຊິນ, ຢຸກຢາ, ຜະລິດຕະພັນ, ອຸປະກອນການແພດຮັບໃຊ້ການປ້ອງກັນ, ຕ້ານໂລກລະບາດຢູ່ທ້ອງຖິ່ນໃຫ້ຄົບຖ້ວນ. ທ່ານນາຍົກລັດຖະມົນຕີ ສະເໜີວ່າ:

“ຂ້າພະເຈົ້າສະເໜີ ສຳລັບການຄວບຄຸມໂລກລະບາດ, ວັກຊິນແມ່ນບັນຫາຕັດສິນຊີ້ຂາດ, ຕ້ອງຂຶ້ນແຜນການຢ່າງລະອຽດ. ສູ້ຊົນຮອດກາງເດືອນທັນວາ ປະຕິບັດການສັກວັນຊິນໃຫ້ຜູ້ມີອາຍຸແຕ່ 18 ປີ ຂຶ້ນໄປໃຫ້ສຳເລັດໂດຍພື້ນຖານ. ສຳລັບນັກຮຽນ, ຕ້ອງສຸມໃສ່ສັກໃຫ້ສຳເລັດເພື່ອໃຫ້ພວກນ້ອງໄດ້ໄປຮຽນຢູ່ໂຮງຮຽນເປັນປົກກະຕິ. ພ້ອມດຽວກັນນັ້ນ, ຄວນຜັນຂະຫຍາຍການສັກເຂັມທີ 3 ໃຫ້ເປົ້າໝາຍທີ່ໄດ້ກຳນົດ, ສຳຫຼວດກວດຄືນວຽກງານການສັກວັກຊິນ ແລະ ການເກັບຮັກສາວັກຊິນໃຫ້ເຂັ້ມງວດ”.

ໄປຄຽງຄູ່ກັບວຽກງານປ້ອງກັນ, ຕ້ານໂລກລະບາດ, ທ່ານນາຍົກລັດຖະມົນຕີກໍຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນ ຈົ່ງປະຕິບັດບັນດາເປົ້າໝາຍ, ໜ້າທີ່, ມາດຕະການຈຸດສຸມໃຫ້ມີປະສິດທິຜົນ. ຍູ້ໄວຄວາມຄືບໜ້າໃນການປະຕິບັດ ແລະ ປ່ອຍເງິນລົງທຶນພາກລັດ. ສຸມໃສ່ຊຸກຍູ້ການຜະລິດດຳເນີນທຸລະກິດ, ແກ້ໄຂຄວາມຫຍຸ້ງຍາກ, ສິ່ງຕິດຂັດໃຫ້ເປົ້າໝາຍທີ່ຖືກຜົນສະທ້ອນຈາກໂລກລະບາດໂຄວິດ - 19 ຢ່າງທັນການເພື່ອຍູ້ໄວວິວັດການຟື້ນຟູການຜະລິດດຳເນີນທຸລະກິດ. ສ້າງໂຄງການພົວພັນຕ່າງປະເທດປີ 2022 ຂອງການນຳຫຼັກແຫຼ່ງ ແລະ ຈັດຕັ້ງການເຄື່ອນໄຫວການຕ່າງປະເທດໃຫ້ເປັນຢ່າງດີ.

(ແຫຼ່ງຄັດຈາກ VOV)

ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ

ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ

ຫວຽດນາມ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຈົ່ງອົດກັ້ນ, ປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງເຂັ້ມງວດ, ແກ້ໄຂການຂັດແຍ້ງກັນໂດຍສັນຕິວິທີ, ພ້ອມກັບປະກອບສວ່ນເຂົ້າການຮັກສາສັນຕິພາບ, ສະຖຽນລະພາບ ແລະ ການຮ່ວມມືຢູ່ທະເລຕາເວັນອອກ.

Top