ກອງປະຊຸມສໍາມະນາ “ຮ່າໂນ້ຍ - ນະຄອນແຫ່ງສັນຕິພາບ, 20 ປີ ແຫ່ງການເຊື່ອມໂຍງ ແລະ ພັດທະນາ” (ພາບ: TTXVN)

ທີ່ກອງປະຊຸມສໍາມະນາ, ບັນດາຜູ້ແທນໄດ້ທົບທວນຄືນບັນດາຜົນງານທີ່ບັນລຸໄດ້ ພາຍຫຼັງໄລຍະ 20 ປີ ແຫ່ງວັນຮ່າໂນ້ຍໄດ້ຮັບນາມມະຍົດ “ນະຄອນແຫ່ງສັນຕິພາບ”. ທ່ານ ມາຍຟານຢຸ໋ງ, ຫົວໜ້າກົມວັດທະນະທໍາ ພົວພັນຕ່າງປະເທດ ແລະ ຢູແນັດໂກ ສັງກັດກະຊວງການຕ່າງປະເທດ, ເນັ້ນໜັກວ່າ:

        “ຮ່າໂນ້ຍ ໄດ້ຂ້າມຜ່ານ 70 ຕົວເມືອງອອກສະໝັກເລືອກຕັ້ງ ເພື່ອຄັດເລືອກ ແມ່ນ 1 ໃນ 5 ນະຄອນຕາງໜ້າໃຫ້ແກ່ 5 ທະວີບ ໄດ້ຮັບນາມມະຍົດເປັນນະຄອນແຫ່ງສັນຕິພາບ ຈາກ ຢູແນັດໂກ. ນີ້ແມ່ນການຮັບຮອງຂອງປະຊາຄົມສາກົນ ດ້ວຍບັນດາການປະກອບສ່ວນສໍາຄັນຂອງ ຮ່າໂນ້ຍເຂົ້າໃນການສ້າງພື້ນຖານວັດທະນະທໍາສັນຕິພາບ ຜ່ານບັນດາຄວາມມານະພະຍາຍາມປ່ຽນແປງໃໝ່, ວິທີສໍາຜັດວັດທະນະທໍາມະນຸດໃນການແກ້ໄຂບັນດາບັນຫາຫັນເປັນຕົວເມືອງ, ບັນດາບັນຫາສັງຄົມ ກໍຄື ການປົວແປງຊີວິດການເປັນຢູ່ຂອງປະຊາຊົນຫຼາຍລ້ານຄົນ. ນີ້ກໍແມ່ນພະຍານຫຼັກຖານຈະແຈ້ງໃຫ້ແກ່ເລື່ອງ ນະຄອນຕາງໜ້າໃຫ້ປະເທດຫວຽດນາມ ຍາມໃດກໍເຄົາລົບຄຸນຄ່າຂອງສັນຕິພາບ ແລະ ມານະພະຍາຍາມເສີມສ້າງເພື່ອສັນຕິພາບ”.

        ທີ່ກອງປະຊຸມສໍາມະນາ, ຜູ້ແທນພາຍໃນປະເທດ ແລະ ສາກົນຫຼາຍທ່ານ ກໍໄດ້ປະກອບຄໍາເຫັນ ເພື່ອແນໃສ່ແກ້ໄຂບັນດາບັນຫາໃນວິວັດການຫັນເປັນຕົວເມືອງ ແລະ ບັນດາບັນຫາສັງຄົມ. ພ້ອມທັງ, ຕັ້ງໜ້າແນະນໍາ, ໂຄສະນາກ່ຽວກັບວັດທະນະທໍາ, ປະຊາຊົນ ແລະ ນະຄອນຮ່າໂນ້ຍ ທີ່ປະດິດຄິດສ້າງ, ອັດສະລິຍະ, ຂຽວ, ສະອາດ ແລະ ສວຍງາມ.

 ງານບຸນ Carnival ທ້ອງຖະໜົນ ຮ່າໂນ້ຍ (ພາບ: VOV)

ນອກຈາກນັ້ນ, ຕອນເຊົ້າວັນທີ 14 ກໍລະກົດ, ທີ່ຖະໜົນຍ່າງອ້ອມໜອງຮວ່າມກ໊ຽມ ຮ່າໂນ້ຍ, ກໍໄດ້ດໍາເນີນງານບຸນ Carnival ທ້ອງຖະໜົນ ຮ່າໂນ້ຍ ດ້ວຍການເຂົ້າຮ່ວມຂອງນັກສິລະປິນສາກົນ ແລະ ຫວຽດນາມ ທີ່ເປັນມືອາຊີບຫຼາຍຄົນ ເພື່ອສະເຫຼີມສະຫຼອງວັນຮ່າໂນ້ຍ ຮັບນາມມະຍົດ “ນະຄອນແຫ່ງສັນຕິພາບ” ຄົບຮອບ 20 ປີ ເຊັ່ນດຽວກັນ.

(ແຫຼ່ງຄັດຈາກ VOV)