• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ກອງປະຊຸມລັດຖະມົນຕີ APEC ປຶກສາຫາລືກ່ຽວກັບການເປີດປະຕູຕະຫຼາດ ແລະ ເຊື່ອມໂຍງເຂົ້າກັບເສດຖະກິດພາກພື້ນ

      ປະຊຸມລັດຖະມົນຕີ ການຕ່າງປະເທດ ແລະ ການຄ້າຂອງ 21 ພື້ນຖານເສດຖະກິດ ທີ່ເປັນສະມາຊິກຂອງເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) ຖືກໄຂຂຶ້ນໃນວັນທີ 15 ພະຈິກ ຢູ່ນະຄອນຫຼວງ Port Morseby ຂອງປະເທດ ປາປົວນິວກີເນ. 
            ຄາດວ່າ ບັນດາລັດຖະມົນຕີຈະປຶກສາຫາລືກ່ຽວກັບບັນດາມາດຕະການ ເພື່ອແນໃສ່ເປີດປະຕູຕະຫຼາດ ແລະ ເຊື່ອມໂຍງເຂົ້າກັບເສດຖະກິດພາກພື້ນໃຫ້ຫຼາຍກວ່າອີກ ໃນສະພາບທີ່ລັດທິອາລັກຂານັບມື້ນັບເພີ່ມຂຶ້ນ. ບັນດາລັດຖະມົນຕີກໍຈະພິຈາລະນາບັນດາມາດຕະການເພື່ອແນໃສ່ຫັນຂໍ້ຕົກລົງກ່ຽວກັບ ຄວາມເສລີດ້ານການຄ້າ ພາກພື້ນ ອາຊີ - ປາຊີຟິກ (FTAAP) ທີ່ກວມເອົາປະມານ  ½ ການຄ້າທົ່ວໂລກ ແລະ 60% ເສດຖະກິດທົ່ວໂລກໃຫ້ປະກົດຜົນເປັນຈິງ.
        ກອງປະຊຸມຄັ້ງນີ້ ຈະເປີດຊ່ອງທາງໃຫ້ແກ່ກອງປະຊຸມຂັ້ນສູງ APEC ເຊິ່ງຄາດວ່າ ຈະໄດ້ດໍາເນີນໃນວັນທີ 17 – 18 ພະຈິກ ຢູ່ ປະເທດ ປາປົວ ນິວກີເນ ດ້ວຍການເຂົ້າຮ່ວມຂອງການນໍາຈາກຫຼາຍພື້ນຖານເສດຖະກິດສະມາຊິກ, ໃນນັ້ນລວມມີ ທ່ານນາຍົກລັດຖະມົນຕີ ຍີ່ປຸ່ນ Shinzo Abe, ທ່ານປະທານປະເທດ ຈີນ ສີຈີນຜິງ, ທ່ານນາຍົກລັດຖະມົນຕີ ອົດສະຕາລີ Scott Morrison, ທ່ານຮອງປະທານາທິບໍດີ ອາເມລິກາ Mike Pence ແລະ ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ. 
 (ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top