05/08/2016 09:11 GMT+7 Email Print Like 0

VNPT ກາຍເປັນຫົວໜ່ວຍແຖວໜ້າ ໃນຕະຫຼາດໂທລະຄົມມະນາຄົມຫວຽດນາມ


ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ສະ​ເໜີ VNPT 
​ສືບ​ຕໍ່​ຮັກສາ ​ແລະ ສູ້​ຊົນ​ເພື່ອ​ກາຍ​ເປັນ​ຂະ​ແໜງ​ປາຍ​ແຫຼມ
      ກ່າວ​ຄວາມ​ເຫັນ​ຊີ້ນ​ຳ​ໃນ​ການ​ເຮັດ​ວຽກ​ກັບ​ກຸ່ມ​ບໍລິສັດ​ໄປສະນີ​ໂທລະ​ຄົມມະນາຄົມ​ ຫວຽດນາມ (VNPT) ​ໃນ​ຕອນ​ເຊົ້າ​ວັນ​ທີ 4/8, ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ສະ​ເໜີ VNPT ​ແລະ ຂະ​ແໜງ​ໂທລະ​ຄົມມະນາຄົມ​ຄວນ​ສືບ​ຕໍ່​ຮັກສາ ​ແລະ ສູ້​ຊົນ​ເພື່ອ​ກາຍ​ເປັນ​ຂະ​ແໜງ​ປາຍ​ແຫຼມ, ປະກອສ່ວນນັບ​ມື້​ນັບ​ຫຼາຍ​ໃຫ້​ພາລະກິດ​ພັດທະນາ​ລວມຂອງ​ປະ​ເທດ​ຊາດ. ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ຕີ​ລາຄາ​ສູງ​ຜົນ​ແຫ່ງ​ການ​ສ້າງ​ໂຄງ​ປະກອບ​ຄືນ​ໃໝ່​ຂອງ VNPT ​ແມ່ນ​ຜົນສຳ​ເລັດ, ພ້ອມ​ທັງ​ຖື​ວ່າ​ຜົນງານ​ນີ້​ມີ​ຄວາມ​ໝາຍ​ສຳຄັນ​ໃນ​ວິວັດ​ແຫ່ງ​ການ​ເຊື່ອມ​ໂຍງ​ກັບ​ສາກົນ​ຂອງ ຫວຽດນາມ. ກ່ຽວ​ກັບ​ທິດ​ພັດທະນາ​ຂອງ VNPT ​ໃນ​ໄລຍະ​ຈະ​ມາ​ເຖິງ, ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ຮຽກຮ້ອງກຸ່ມ​ບໍລິສັດ​ເອົາ​ໃຈ​ໃສ່​ເປັນ​ພິ​ເສດ​ເຖິງ​ການ​ຜະລິດ​ອຸດສາຫະກຳ ​ເຕັກ​ໂນ​ໂລ​ຢີສູງ, ຈຳກັດ​ການ​ນຳ​ເຂົ້າ, ​ເສີມ​ຂະຫຍາຍ​ນຳ້​ໃຈ​ສາມັກຄີ​ພາຍ​ໃນ, ​ເອົາ​ໃຈ​ໃສ່​ເຖິງ​ວຽກ​ງານ​ກໍ່ສ້າງ​ພັກ, ພິ​ເສດ​ແມ່ນ​ໃນ​ໝູ່​ຄະນະ​ການ​ນຳ.
        “ດ້ວຍ​ຈຸດປະສົງ​ແມ່ນ​ສູ້​ຊົນ ນຳ VNPT​ ຂື້ນ​ທີ່​ຕັ້ງແຖວໜ້າ​ໃນ​ຕະຫຼາດ​ໂທລະ​ຄົມມະນາ​ຄົມ ຫວຽດນາມ. ພວກ​ເຮົາ​ໄດ້​ມີ​ໂຄງ​ລ່າງ​ໂທລະ​ຄົມມະນຄົມ​ທີ່​ດີ​ແລ້ວ, ພວກ​ເຮົາ​ສືບ​ຕໍ່​ຮັກສາ​ທີ່​ຕັ້ງ​ແຖວ​ໜ້າ, ພິ​ເສດ​ແມ່ນ​ຕ້ອງ​ຍາດ​ເອົາ​ທ່າ​ສະດວກ​ໃຫ້​ໄດ້. ​ເພື່ອ​ກາຍ​ເປັນ​ໜຶ່ງ​ໃນ​ບັນດາ​ຫົວໜ່ວຍ​ແຖວ​ໜ້າ​ໃນ​ຕະຫຼາດ​ໂທລະ​ຄົມມະນາຄົມບໍ່​ແມ່ນ​ເລື່ອງ​ງ່າຍ​ໃນ​ສະພາບ​ແກ່ງ​ແຍ້​ງປະຈຸ​ບັນ​ນີ້. VNPT​ ຕ້ອງ​ພັດທະນາ​ເຄືອ​ຂ່າຍ​ໂທລະ​ຄົມມະນາຄົມ​ເຄື່ອນ​ທີ່, ພັດທະນາ​ເຄື່ອງໝາຍ Vinaphone ​ໃຫ້​ບັນລຸ​ລະດັບ​ພາກ​ພື້ນ ​ແລະ ສາກົນ, ຍູ້​ແຮງ​ການ​ສະໜອງ​ການ​ບໍລິການ ​ແລະ ຜະລິດ​ຕະພັນ​ເຕັກ​ໂນ​ໂລ​ຢີຂໍ້​ມູນ​ຂ່າວສານ, ​ເຂົ້າ​ຮ່ວມ​ການ​ກໍ່ສ້າງ​ລັດຖະບານ​ເອ​ເລກ​ໂຕ​ນິກ ​ໂດຍ​ສຳນັກງານນາຍົກລັດຖະມົນຕີ​ເປັນ​ເຈົ້າພາບ​ຢ່າງ​ຕັ້ງໜ້າ… “.
        ​ເນື່ອງ​ໃນ​ໂອກາດ​ນີ້, ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ກໍ່​ໄດ້​ເຂົ້າ​ຮ່ວມ​ພິທີ​ເປີດ​ສະຫຼອງ​ການ​ບໍລິການ VinaphoneS. ນີ້​ແມ່ນ​ຮູບ​ການ​ບໍລິການ​ດາວ​ທຽມ​ທຳ​ອິດ, ​ໂດຍ​ບໍລິສັດ​ອິນ​ເຕີ​ແນ​ດ​ແຫ່ງໜຶ່ງ​ຂອງ​ຫວຽດນາມ​ນຳ​ເຂົ້າ​ຂຸດ​ຄົ້ນ, ​ອັນ​ໄດ້​ປະກອບສ່ວນ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ຕິດ​ຕໍ່​ພົວພັນ​ໃນ​ທົ່ວ​ປະ​ເທດ ຫວຽດນາມ, ລວມທັງ​ເຂດ​ທະ​ເລ, ​ເຂດ​ນານ​ຟ້າ, ​ເຂດ​ຊາຍ​ແດນ… VinaphoneS ສາມາດ​ນຳ​ໃຊ້​ໃນ​ບໍລິ​ເວນ​ເຖິງ 2/3 ​ໂລກ​ໄດ້.
(ແຫຼ່ງຄັດຈາກ VOV)