ໂດຍໝູນໃຊ້ທ່າທີ່ໄດ້ປຽບຂອງດິນຟ້າອາກາດທຳມະຊາດທີ່ເອື້ອອໍານວຍ ແລະ ແຫຼ່ງດອກໄມ້ປ່າທີ່ອຸອົມສົມບູນຢູ່ເຂດພູດອຍທາງພາກເໜືອຂອງປະເທດ, ບໍລິສັດຫຸ້ນສ່ວນນ້ຳເຜິ້ງສູນກາງ (VINAPI) ໄດ້ສ້າງຕັ້ງນິຄົມລ້ຽງເຜິ້ງຫຼາຍແຫ່ງ ເພື່ອຜະລິດນ້ຳເຜິ້ງຊະນິດຕ່າງໆທີ່ບໍລິສຸດ ແລະ ມີຄຸນນະພາບສູງອອກມາ. ຜະລິດຕະພັນຂອງບໍລິສັດໄດ້ສົ່ງອອກໄປສູ່ບັນດາປະເທດເອີຣົບ, ຍີ່ປຸ່ນ, ອາເມລິກາ ແລະ ການາດາ.
ຫວ່າງແລ້ວນີ້, ພວກຂ້າພະເຈົ້າໄດ້ມີໂອກາດໄປຢ້ຽມຢາມນິຄົມລ້ຽງເຜິ້ງຈຳນວນໜຶ່ງຂອງ VINAPI ຢູ່ແຂວງ ຮວ່າບິ່ງ ແລະ ຝູ໋ເຖາະ. ທ່ານ ຫງວຽນວັນນ້ຽມ, ຮອງອຳນວຍການໃຫຍ່ VINAPI ໃຫ້ຮູ້ວ່າ ນີ້ເປັນພຽງໜຶ່ງໃນຈຳນວນເຂດສະໜອງແຫຼ່ງວັດຖຸດິບຂອງບໍລິສັດທີ່ມີຢູ່ທົ່ວພາກເໜືອ. ທ່ານ ນ້ຽມ ຍັງໃຫ້ຮູ້ອີກວ່າ, ຢູ່ໃນບັນດານິຄົມເຫຼົ່ານີ້ ຂັ້ນຕອນການລ້ຽງເຜິ້ງ ແລະ ຂຸດຄົ້ນນ້ຳເຜິ້ງ ໄດ້ຮັບການຄວບຄຸມຢ່າງເຄັ່ງຄັດ ເພື່ອຮັບປະກັນຄຸນນະພາບ ຂອງນ້ຳເຜິ້ງໃຫ້ເປັນທໍາມະຊາດແທ້.
 ໜຶ່ງໃນຈຳນວນນິຄົມລ້ຽງເຜິ້ງຂອງບໍລິສັດຫຸ້ນສ່ວນນ້ຳເຜິ້ງສູນກາງ. ພາບ: ຫວຽດເກື່ອງ/VNP  ແຫຼ່ງດອກໄມ້ປ່າທີ່ອຸດົມສົມບູນ ເຮັດໃຫ້ແມ່ເຜິ້ງ ຜະລິດນ້ຳເຜິ້ງທຳມະຊາດ ແລະ ບໍລິສຸດອອກມາ. ພາບ: ຫວຽດເກື່ອງ/VNP  ບັນດາແນວພັນເຜິ້ງທີ່ຮັບການລ້ຽງຢູ່ບໍລິສັດ ຍາມໃດກໍ່ໄດ້ຜ່ານການ ຄັດເລືອກຢ່າງລະອຽດ. ພາບ: ຫວຽດເກື່ອງ/VNP  ບັນດາພະນັກງານເຕັກນິກຂອງ VINAPI ພວມກວດກາຄຸນນະພາບຂອງແມງເຜິ້ງ. ພາບ: ຫວຽດເກື່ອງ/VNP  ທ່ານ ຫງວຽນວັນນ້ຽມ, ຮອງອຳນວນການໃຫຍ່ VINAPI (ເບື້ອງຊ້າຍມື) ພວມໄປກວດກາຄຸນນະພາບ ການລ້ຽງເຜິ້ງໂດຍກົງຢູ່ນິຄົມລ້ຽງເຜິ້ງທີ່ແຂວງ ຝູ້ເຖາະ. ພາບ: ຫວຽດເກື່ອງ/VNP  ນິຄົມລ້ຽງເຜິ້ງຢູ່ ຮ່ວາບິ່ງ ໃນລະດູເກັບກ່ຽວນ້ຳເຜິ້ງ. ພາບ: ຫວຽດເກື່ອງ/VNP  ຂີ້ເຜິ້ງທີ່ເຕັມໄປດ້ວຍນ້ຳເຜິ້ງ. ພາບ: ຫວຽດເກື່ອງ/VNP  ຂັ້ນຕອນການດຶງເອົານ້ຳເຜິ້ງຈາກຂີ້ເຜິ້ງ. ພາບ: ຫວຽດເກື່ອງ/VNP  ນ້ຳເຜິ້ງຜັກກ້ານກໍ່າ ແລະ ນ້ຳເຜິ້ງດອກລຳໄຍ ແມ່ນ ຜະລິດຕະພັນຕົ້ນຕໍ ຂອງບໍລິສັດຫຸ້ນສ່ວນນ້ຳເຜິ້ງສູນກາງ ດ້ສົ່ງອອກໄປອາເມລິກາ ແລະ ເອີຣົບ. ພາບ: ຫວຽດເກື່ອງ/VNP  ຜະລິດຕະພັນນ້ຳເຜິ້ງອື່ນໆຂອງ VINAPI ຄື: ນ້ຳເຜິ້ງດອກໄມ້ປ່າ ແລະ ນ້ຳນົມແມ່ນາງເຜິ້ງ. ພາບ: ຫວຽດເກື່ອງ/VNP |
ປະຈຸບັນ, ທາງບໍລິສັດໄດ້ຂະຫຍາຍເຂດສະໜອງແຫຼ່ງ ວັດຖຸດິບເຂົ້າໄປເຖິງບັນດາເຂດຫ່າງໄກຄື: ຮ່າຢາງ, ອຽນບ້າຍ, ເຊີນລາ, ລາຍເຈົາ ແລະ ແຂວງອື່ນໆ ຊຶ່ງເປັນເຂດທີ່ມີທ່າແຮງດ້ານໄມ້ປ່າທີ່ອຸດົມສົມບູນ. ຢູ່ທີ່ນີ້, ທາງ ບໍລິສັດໄດ້ຄັດເລືອກເອົາຜູ້ລ້ຽງເຜິ້ງທີ່ໜ້າເຊື່ອຖື, ມີປະສົບການເພື່ອຈັດຕັ້ງການເຝິກອົບຮົມ, ກໍ່ສ້າງ ແລະ ຖ່າຍທອດເຕັກໂນໂລຢີ ເພື່ອຊ່ວຍເຫຼືອໃຫ້ເຂົາເຈົ້າຂະຫຍາຍນິຄົມລ້ຽງເຜິ້ງ. ດ້ວຍເຫດນັ້ນ, ການລ້ຽງເຜິ້ງໄດ້ກາຍເປັນອາຊີບໜຶ່ງທີ່ຊ່ວຍໃຫ້ຊາວກະສິກອນລົບລ້າງຄວາມທຸກຢາກໃນປະຈຸບັນ.ຄຽງຄູ່ກັບການລົງທຶນກໍ່ສ້າງບັນດານິຄົມລ້ຽງເຜິ້ງທີ່ມີຄຸນນະພາບສູງ, VINAPI ຍັງໄດ້ນຳໃຊ້ມາດຕະຖານ HACCP – ISO ເຂົ້າໃນທຸກຂັ້ນຕອນ ນັບແຕ່ຂັ້ນຕອນ ລ້ຽງເຜິ້ງ, ຜະລິດນ້ຳເຜິ້ງ, ແກ້ໄຂບັນຫາສິ່ງເສດເຫລືອ, ຫຸ້ມຫໍ່ ຈົນເຖິງສົ່ງຜະລິດຕະພັນອອກຈໍາໜ່າຍ.
ຄຽງຄູ່ກັນນັ້ນ, VINAPI ຍັງລົງທຶນກໍ່ສ້າງຫ້ອງທົດລອງ ທີ່ປະກອບດ້ວຍພາຫະນະ ອຸປະກອນທີ່ທັນສະໄໝ, ສາມາດໄຈ້ແຍກໄດ້ບັນດາຕົວເລກຄາດໝາຍເພື່ອຕີລາຄາຄຸນນະພາບ ຜະລິດຕະພັນສົ່ງອອກ ຕາມຄວາມຮຽກຮ້ອງຕ້ອງການຂອງ ລູກຄ້າຕ່າງປະເທດ; ປັບປຸງສູນຄົ້ນຄວ້າ ແລະ ພັດທະນາ ກ່ຽວກັບເຜິ້ງໃຫ້ກາຍເປັນຫົວໜ່ວຍນຳໜ້າຂອງຂະແໜງເຜິ້ງ ຫວຽດນາມ ໃນຂົງເຂດຕ່າງໆຄື: ຄົ້ນຄວ້າວິທະຍາສາດ, ກໍ່ສ້າງ, ໃຫ້ຄໍາປຶກສາ ແລະ ຖ່າຍທອດເຕັກໂນໂລຢີເຂົ້າໃນການຜະລິດ… VINAPI ກໍ່ເປັນການຈັດຕັ້ງໜຶ່ງທີ່ໄດ້ໃຫ້ຄໍາປຶກສາ ເປັນເສນາທິການໃຫ້ແກ່ກະຊວງກະສິ ກຳ ແລະ ພັດທະນາຊົນນະບົດ ໃນການສ້າງ ແລະ ກໍານົດແຜນຍຸດທະສາດພັດທະນາອາຊີບລ້ຽງເຜິ້ງຢູ່ ຫວຽດນາມ. ບໍ່ພຽງແຕ່ເທົ່ານັ້ນ, ເພື່ອຂະຫຍາຍກວ້າງແຫຼ່ງວັດຖຸດິບ, ທາງບໍລິສັດຍັງເປີດກວ້າງເຄືອຂ່າຍ ດ້ວຍການ ກໍ່ສ້າງ ແລະ ສົ່ງເສີມຊາວກະສິກອນລ້ຽງເຜິ້ງ ຢູ່ປະເທດຕ່າງໆ ຄື: ລາວ, ກຳປູເຈຍ, ເນປານ, ອິນເດຍ, ມາເລເຊຍ, ເຊເນການ, ມາດາກາສະກາ ແລະ ອື່ນໆ.
ບັນດາຜະລິດຕະພັນນ້ຳເຜິ້ງຂອງ VINAPI, ເປັນຕົ້ນແມ່ນຜະລິດຕະພັນນ້ຳນົມສົດແມ່ນາງເຜິ້ງ, ທີ່ອຸດົມດ້ວຍ protein gluco, ວິຕາມິນກຸ່ມ B, ພິເສດແມ່ນວິຕາມິນ B12 ແລະ ແຮ່ທາດທີ່ຈຳເປັນອື່ນໆ ຫຼາຍຢ່າງສໍາລັບຮ່າງກາຍ ຂອງຄົນເຮົາ. ດ້ວຍເຫດນັ້ນ, ບັນດາຜະລິດຕະພັນນ້ຳເຜິ້ງຄຸນນະພາບສູງຂອງ VINAPI ຈຶ່ງໄດ້ມີໜ້າຢູ່ ຍີ່ປຸ່ນ, ເອີຣົບ, ອາເມລິກາ, ການາດາ ແລະ ໄດ້ຮັບຄວາມນິຍົມຊົມຊອບຈາກຜູ້ບໍລິໂພກຢ່າງຫຼວງຫຼາຍ. ໂດຍກຳນົດໄດ້ວ່າ, ການສົ່ງອອກຜະລິດຕະພັນນ້ຳເຜິ້ງ ເປັນໜຶ່ງໃນບັນດາຍຸດທະສາດອັນຍາວນານ. ສະນັ້ນ, VINAPI ພວມຊຸກຍູ້ວຽກງານກະກຽມເປີດສູນແນະນຳຜະລິດຕະພັນນ້ຳເຜິ້ງຢູ່ອາເມລິກາ. ຖ້າຫາກວ່າ ວຽກງານດັ່ງກ່າວນີ້ ໄດ້ຮັບຜົນສຳເລັດ ຈະສ້າງໂອກາດອັນໃຫຍ່ຫຼວງຕື່ມອີກໃຫ້ແກ່ຂະແໜງນ້ຳເຜິ້ງ ຫວຽດນາມ ໃນການພັດທະນາໃນຕໍ່ໜ້າ.
|
ບໍລິສັດຫຸ້ນສ່ວນນ້ຳເຜິ້ງສູນກາງ - VINAPI
ທີ່ຢູ່: ເຮືອນເລກທີ 19 ຖະໜົນ ຈຸກເຄ, ຕາແສງ ລາງຮ້າ, ເມືອງດົ໋ງດາ, ນະຄອນຮ່າໂນ້ຍ.
ໂທ: 043.8357853
ແຟັກ: 043.8352725
ອີເມວ: vinapi@hn.vnn.vn
|
ບົດ: ບິກເວິນ - ພາບ: ຫວຽດເກື່ອງ
