• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານ​ເລ​ຂາ​ທິ​ການ​ໃຫຍ່ ຫງວຽນ​ຝູ​ຈ້ອງ ອວຍ​ພອນ​ປີ​ໃໝ່​ການ​ນຳ, ອ​ະ​ດີດ​ການ​ນຳ​ພັກ, ລັດ, ພໍ່​ແມ່​ປະ​ຊາ​ຊົນ, ນັກ​ຮົບ​ໃນ​ທົ່ວ​ປະ​ເທດ

ເນື່ອງໃນໂອກາດຕ້ອນຮັບບຸນປີໃໝ່ປະຈຳຊາດ ປີແມວ 2023, ຕອນເຊົ້າວັນທີ 19 ມັງກອນ, ຢູ່ຮ່າໂນ້ຍ, ທ່ານເລຂາທິການໃຫຍ່ ພັກຄອມມູນິດ ຫວຽດນາມ ຫງວຽນຝູຈ້ອງ ໄດ້ເປັນປະທານການຕ້ອນຮັບ, ອວຍພອນປີໃໝ່ບັນດາການນຳ, ອະດີດການນຳພັກ, ລັດ, ແນວໂຮມປະເທດຊາດ ຫວຽດນາມ ແລະ ພໍ່ແມ່ປະຊາຊົນ, ນັກຮົບທົ່ວປະເທດ, ພໍ່ແມ່ພີ່ນ້ອງຊາວ ຫວຽດນາມ ອາໄສຢູ່ຕ່າງປະເທດທຸກຖ້ວນໜ້າ.
ທ່ານເລຂາທິການໃຫຍ່ ຫງວຽນຝູຈ້ອງ ໄດ້ເປັນປະທານການຕ້ອນຮັບ, ອວຍພອນປີໃໝ່ (ພາບ:VOV)

ທ່ານເລຂາທິການໃຫຍ່ ຫງວຽນຝູຈ້ອງ ໃຫ້ຮູ້ວ່າ ຫວຽດນາມ ຫາກໍ່ຜ່ານພົ້ນປີຂານ 2022 ດ້ວຍຫຼາຍເຫດການສຳຄັນ, ມີຊີວິດຊີວາ ແລະ ຫຼາຍຮູບຫຼາຍແບບ. ທົ່ວພັກ, ທົ່ວປວງຊົນ ແລະ ທົ່ວກອງທັບ ໄດ້ຜ່ານຜ່າຄວາມຫຍຸ້ງຍາກ, ສິ່ງທ້າທາຍ ແລະ ບັນລຸໄດ້ໝາກຜົນ, ຜົນງານສຳຄັນຫຼາຍຢ່າງ ແລະ ຮອບດ້ານພໍສົມຄວນ. ພົ້ນເດັ່ນແມ່ນຂົງເຂດເສດຖະກິດເຕີບໂຕກວ່າ 8%; ສະຫວັດດີການສັງຄົມໄດ້ຮັບປະກັນ ແລະ ຊີວິດການເປັນຢູ່ຂອງປະຊາຊົນໄດ້ຮັບການເອົາໃຈໃສ່ເບິ່ງແຍງດູແລ ແລະ ປັບປຸງຢ່າງເຫັນໄດ້ຊັດ. ທ່ານເລຂາທິການໃຫຍ່ ຫງວຽນຝູຈ້ອງ ເນັ້ນໜັກວ່າ:

ທ່ານເລຂາທິການໃຫຍ່ ຫງວຽນຝູຈ້ອງ ອວຍພອນປີໃໝ່ (ພາບ: VOV)

ໜ້າທີ່ຈຸດສຸມໃນສະເພາະໜ້າແມ່ນແກ້ໄຂຄວາມຫຍຸ້ງຍາກ, ຂໍ້ຕິດຄັດ, ຍູ້ແຮງການຜະລິດ, ດຳເນີນທຸລະກິດ; ເອົາໃຈໃສ່ໜູນຊ່ວຍປະຊາຊົນ ເພື່ອໃຫ້ປະຊາຊົນໄດ້ຕ້ອນຮັບບຸນເຕັດດ້ວຍຄວາມເບີກບານມ່ວນຊື່ນ. ໃນໄລຍະຈະມາເຖິງ, ສະເໜີໃຫ້ທົ່ວພັກ, ທົ່ວປວງຊົນ, ທົ່ວກອງທັບ ເພີ່ມທະວີຄວາມສາມັກຄີໃຫ້ຫຼາຍກວ່າອີກ, ມີຄວາມຕັດສິນໃຈສູງກວ່າອີກ; ຮ່ວມແຮງຮ່ວມໃຈສ້າງສາປະເທດໃຫ້ນັບມື້ນັບຈະເລີນ, ຮຸ່ງເຮືອງ, ສີວິໄລ ແລະ ຜາສຸກ.”

ທ່ານເລຂາທິການໃຫຍ່ ຫງວຽນຝູຈ້ອງ ອວຍພອນໃຫ້ພາລະກິດປະຕິວັດຂອງປະຊາຊົນ ບັນລຸໄດ້ໄຊຊະນະໃໝ່, ໃຫຍ່ກວ່າອີກ; ປີ 2023 ໄດ້ຮັບໄຊຊະນະໃຫຍ່ກວ່າ, ພັດທະນາໄວກວ່າ ແລະ ຍື່ນຍົງກວ່າ ປີ 2022.

ແລະກໍ່ໃນຕອນບ່າຍວັນທີ 19 ມັງກອນ, ຢູ່ຮ່າໂນ້ຍ, ທ່ານເລຂາທິການໃຫຍ່ ຫງວຽນຝຸຈ້ອງ ໄດ້ໄປຢື້ຢາມຖາມຂ່າວ, ອວຍພອນບຸນເຕັດອົງຄະນະພັກ, ອຳນາດການປົກຄອງ ແລະ ປະຊາຊົນນະຄອນ ຮ່າໂນ້ຍ ໃນໂອກາດຕ້ອນຮັບບຸນເຕັດປີແມວ 2023 ແລະ ຂ່ຳນັບຮັບຕ້ອນ 93 ປີແຫ່ງວັນສ້າງຕັ້ງພັກກອມມູນິດ ຫວຽດນາມ (3 ກຸມພາ 1930 – 3 ກຸມພາ 2023).

(ແຫຼ່ງຄັດຈາກ VOV)

ໄຂງານບຸນລະດູບານໃໝ່ຢູ່ເຂດປູຊະນີຍະສະຖານແຫ່ງຊາດ ພິເສດ ອານຟູ້, ແຂວງ ຫາຍເຢືອງ

ໄຂງານບຸນລະດູບານໃໝ່ຢູ່ເຂດປູຊະນີຍະສະຖານແຫ່ງຊາດ ພິເສດ ອານຟູ້, ແຂວງ ຫາຍເຢືອງ

ພາຍຫຼັງພິທີໄຂງານບຸນ, ບັນດາຜູ້ແທນ ແລະ ປະຊາຊົນໄດ້ເຂົ້າຮ່ວມການຖະຫວາຍທູບທຽນ ອາໄລຫາຢູ່ວິຫານ ກາວອານຟູ້

Top