• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາຍົກລັດຖະມົນຕີ ລົງກວດກາຂັ້ນຕອນການກໍ່ສ້າງບັນດາໂຄງການຂຶ້ນກັບ ໂຄງການກໍ່ສ້າງເສັ້ນທາງດ່ວນ ເໜືອ - ໃຕ້ ທາງທິດຕາເວັນອອກ ໄລຍະ 2017 – 2020

      ຕອນເຊົ້າວັນທີ 5 ກຸມພາ, ທ່ານນາຍົກລັດຖະມົນຕີຫວຽດນາມ ຟ້າມມິງຈິງ ສືບຕໍ່ລົງກວດກາຂັ້ນຕອນການດຳເນີນການກໍ່ສ້າງບັນດາໂຄງການຍ່ອຍຂອງໂຄງການກໍ່ສ້າງເສັ້ນທາງດ່ວນ ເໜືອ - ໃຕ້ ທາງທິດຕາເວັນອອກ ໄລຍະ 2017 – 2020 ເປັນຕົ້ນແມ່ນ ຕອນ ຍາຈາງ - ກາມເລິມ - ຫວິງຫາວ - ຟານທຽດ - ເຢົ່າເຢີຍ.
ທ່ານນາຍົກລັດຖະມົນຕີ ໄດ້ຢື້ຢາມຖາມຂ່າວ, ລະດົມກຳລັງໃຈ, ມອບຂອງຂວັນໃຫ້ແກ່ຖັນແຖວພະນັກງານ,
ກຳມະກອນທີ່ພວມເຮັດວຽກໃນຕະຫຼອດໄລຍະພັກບຸນເຕັດ.
      ຢູ່ເຂດກໍ່ສ້າງອຸມົງ ຢົກຊ້ານ ຂຶ້ນກັບຕາແສງ ກາມທິ້ງດົງ, ນະຄອນ ກາມແຣງ, ແຂວງ ແຄ໊ງຮວ່າ, ທ່ານນາຍົກລັດຖະມົນຕີ ໄດ້ຢື້ຢາມຖາມຂ່າວ, ລະດົມກຳລັງໃຈ, ມອບຂອງຂວັນໃຫ້ແກ່ຖັນແຖວພະນັກງານ, ກຳມະກອນທີ່ພວມເຮັດວຽກໃນຕະຫຼອດໄລຍະພັກບຸນເຕັດ.
        ຕໍ່ຈາກນັ້ນ, ທ່ານນາຍົກລັດຖະມົນຕີ ຟ້າມມິງຈິງ ກໍ່ໄດ້ໄປກວດກາການກໍ່ສ້າງທາງຕອນ ກາມເລິມ - ຫວິງຫ໋າວ ເຊິ່ງໄດ້ເລີ່ມລົງມືກໍ່ສ້າງມາແຕ່ວັນທີ 30 ກັນຍາ 2021 ແລະ ຄາດວ່າຈະສຳເລັດໃນໄຕມາດທີ 4 ປີ 2024.
ທ່ານນາຍົກລັດຖະມົນຕີ ຟ້າມມິງຈິງ ໄປກວດກາການກໍ່ສ້າງທາງຕອນ ກາມເລິມ - ຫວິງຫ໋າວ
      ກ່ອນໜ້ານັ້ນ, ຕອນຄ່ຳວັນທີ 4 ກຸມພາ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເປັນປະທານກອງປະຊຸມສຳຫຼວດກວດຄືນຄວາມຄືບໜ້າຂອງໂຄງການກໍ່ສ້າງເສັ້ນທາງດ່ວນເໜືອ - ໃຕ້ ທາງທິດຕາເວັນອອກ, ໄລຍະ 2017 – 2020. ນະທີ່ນີ້, ທ່ານຮຽກຮ້ອງໃຫ້ກະຊວງຄົມມະນາຄົມຂົນສົ່ງ ສືບຕໍ່ຄົ້ນຄວ້າ, ສຸມໃສ່ຊີ້ນຳເພື່ອກະຕຸກຊຸກຍູ້ບັນດາໂຄງການຈຸດສຸມແຫ່ງຊາດໃຫ້ສຳເລັດຕາມຄວາມຄືບໜ້າ, ຮັບປະກັນຄຸນນະພາບ, ສືບຕໍ່ປັບປຸງ, ເພີ່ມເຕີມບັນດາຂໍ້ກຳນົດ, ກົດລະບຽບ, ກົນໄກ, ນະໂຍບາຍຜ່ານການບໍລິຫານຕົວຈິງ. ເຈົ້າຂອງລົງທຶນຕ້ອງມີຜູ້ໃຫ້ຄໍາປຶກສາດ້ວຍຫຼາຍຮູບຫຼາບແບບ, ຮັບປະກັນການແກ້ງແຍ້ງຢ່າງໂປ່ງໃສ, ໃຫ້ຄຳປຶກສາທີ່ດີ ຈຶ່ງບັນລຸໄດ້ໂຄງການທີ່ດີ, ກິດຈະກຳທີ່ດີ. ໃນວັນດຽວກັນ, ທ່ານນາຍົກລັດຖະມົນຕີ ກໍ່ໄດ້ໄປກວດກາສະພາບການກໍ່ສ້າງເສັ້ນທາງດ່ວນຕອນ ມາຍເຊິນ - ເຊື່ອມຕໍ່ກັບທາງຫຼວງເລກທີ 45 ແລະ ເສັ້ນທາງດ່ວນຕອນ ງີເຊີນ - ຢ໊ຽນເຈົາ ຢູ່ແຂວງ ນິງບິ່ງ, ແທັງຮວ໊າ ແລະ ເງະອານ.
(ແຫຼ່ງຄັດຈາກ VOV)

ຫວຽດນາມ - ສ.ເກົາຫຼີ: ແບບຢ່າງຂອງການພົວພັນດ້ານການທູດ

ຫວຽດນາມ - ສ.ເກົາຫຼີ: ແບບຢ່າງຂອງການພົວພັນດ້ານການທູດ

ປະຈຸບັນ, ຄິດສະເລ່ຍແຕ່ລະເດືອນ ມີຖ້ຽວບິນໂດຍກົງລະຫວ່າງ 2 ປະເທດກວ່າ 1.000 ຖ້ຽວ. ຈຳນວນນັກທ່ອງທ່ຽວຂອງ 2 ປະເທດໄປມາຢ້ຽມຢາມເຊິ່ງກັນ ແລະ ກັນພວມຮັບການຟື້ນຟູຢ່າງແຮງ ພາຍຫຼັງທີ່ໂລກລະບາດໄດ້ຮັບການຄວບຄຸມ.

Top