• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ການ​ນຳ​ບັນ​ດາ​ປະ​ເທດ ອາ​ຊຽນ ພົບ​ປະ​ກັບ​ພະ​ບາດ​ສົມ​ເດັດພະ​ບໍ​ລົມ​ມະ​ນຽດ ແຫ່ງ​ລາ​ຊະ​ອາ​ນາ​ຈັກກຳ​ປູ​ເຈຍ

ວັນທີ 10 ພະຈິກ, ທ່ານນາຍົກລັດຖະມົນຕີ ຟ້າມມິງຈິງ ພ້ອມກັບການນຳບັນດາປະເທດ ສະມາຊິກ ອາຊຽນ ໄດ້ພົບປະກັບທ່ານ ພະບາດສົມເດັດພະບໍລົມມະນຽດ Norodom Sihamoni ແຫ່ງລາຊະອານາຈັກກຳປູເຈຍ ເນື່ອງໃນໂອກາດເຂົ້າຮ່ວມກອງປະຊຸມສຸດຍອດ ອາຊຽນ ຄັ້ງທີ 40, 41 ແລະ ບັນດາກອງປະຊຸມຂັ້ນສູງທີ່ກ່ຽວຂ້ອງຢູ່ນະຄອນຫຼວງ ພະນົມເປັນ.
  ການນຳບັນດາປະເທດ ອາຊຽນ ພົບປະກັບພະບາດສົມເດັດພະບໍລົມມະນຽດ ແຫ່ງລາຊະອານາຈັກກຳປູເຈຍ  

ທີ່ການພົບປະ, ພະບາດສົມເດັດພະບໍລົມມະນຽດ Norodom Sihamoni ແຫ່ງລາຊະອານາຈັກກຳປູເຈຍ ເນັ້ນໜັກວ່າ ກຳປູເຈຍມີຄວາມຫວັງຊຸກຍູ້ນ້ຳໃຈສາມັກຄີ ແລະ ການສ້າງຄວາມເຂັ້ມແຂງດ້ວຍຕົນເອງ, ສ້າງພື້ນຖານຢ່າງໝັ້ນແກ່ນ ໃຫ້ແກ່ຜົນສຳເລັດຂອງ ອາຊຽນ, ເພີ່ມທະວີຄວາມມານະພະຍາຍາມ ຟື້ນຟູແບບຍືນຍົງຫຼັງພະຍາດໂຄວິດ - 19, ພັດທະນາເສດຖະກິດ - ສັງຄົມຢ່າງກົມກຽວ ແລະ ເຮັດໃຫ້ການພົວພັນມິດຕະພາບ ລະຫວ່າງບັນດາປະເທດ ອາຊຽນ ແລະ ຄູ່ຮ່ວມມືເລິກເຊິ່ງກວ່າອີກ. ໂດຍຕາງໜ້າ ອາຊຽນ, ສົມເດັດພະລາຊາທິບໍດີ Hassanal Bolkiah ຂອງ ບຣູໄນ (ປະເທດດຳລົງຕຳແໜ່ງປະທານໝູນວຽນອາຊຽນປີ 2021) ແລະ ທ່ານປະທານາທິບໍດີ ອິນໂດເນເຊຍ Joko Widodo (ປະເທດດຳລົງຕຳແໜ່ງປະທານໝູນວຽນອາຊຽນປີ 2023) ໄດ້ສະແດງຄວາມເຊື່ອໝັ້ນວ່າ ພາຍໃຕ້ການບໍລິຫານຂອງ ກຳປູເຈຍ ໃນຖານະເປັນປະທານອາຊຽນ 2022, ບັນດາກອງປະຊຸມຂັ້ນສູງ ອາຊຽນ ຈະບັນລຸໝາກຜົນຢ່າງແທດຈິງ. ການນຳສອງທ່ານຢັ້ງຢືນຈະສະໜັບສະໜູນ ກຳປູເຈຍ, ຮັບປະກັນຜົນສຳເລັດຂອງບັນດາກອງປະຊຸມເວົ້າສະເພາະ ແລະ ຂອງປີປະທານອາຊຽນ ເວົ້າລວມ, ສ້າງປະຖົມປັດໄຈ ແລະ ກຳລັງໜູນ ໃຫ້ແກ່ການຮ່ວມມືຂອງ ອາຊຽນ ໃນຊຸມປີຈະມາເຖິງ ບົນຈິດໃຈ “ວິໄສທັດດຽວ, ສີສັນດຽວ, ປະຊາຄົມດຽວ”.

(ແຫຼ່ງຄັດຈາກ VOV)

ພິທີໄຫວ້ອາໄລທ່ານເລຂາທິການໃຫຍ່ ຫງວຽນຝູ໋ຈ້ອງ ຖືກຈັດຂຶ້ນຢ່າງສົມກຽດ

ພິທີໄຫວ້ອາໄລທ່ານເລຂາທິການໃຫຍ່ ຫງວຽນຝູ໋ຈ້ອງ ຖືກຈັດຂຶ້ນຢ່າງສົມກຽດ

ຕອນເຊົ້າວັນທີ 25 ກໍລະກົດ 2024, ທີ່ຫໍຊາປະນະກິດສົບແຫ່ງຊາດ (ເລກທີ 5 ຖະໜົນ ເຈິ່ນແທ໋ງຕົງ, ຮ່າໂນ້ຍ), ໃນເວລາດຽວກັນຢູ່ ຫໍປະຊຸມ ທົງເຍິດ, ນະຄອນ ໂຮ່ຈີມິນ ແລະ ຢູ່ບ້ານເກີດ ທີ່ຕາແສງ ດົງໂຮ້ຍ, ເມືອງ ດົງແອັງ, ນະຄອນ ຮ່າໂນ້ຍ, ຄະນະບໍລິຫານງານ ສູນກາງພັກກອມມູນິດ ຫວຽດນາມ, ສະພາແຫ່ງຊາດ, ສຳນັກງານປະທານປະເທດ, ລັດຖະບານ ແລະ ຄະນະກຳມະການ ສູນກາງແນວໂຮມປະເທດຊາດ ຫວຽດນາມ ໄດ້ຈັດຕັ້ງພິທີໄຫວ້ອາໄລທ່ານ ຫງວຽນຝູ໋ຈ້ອງ, ເລຂາທິການໃຫຍ່ ຄະນະບໍລິຫານງານ ສູນກາງພັກກອມມູນິດ ຫວຽດນາມ ຕາມພິທີ ລະດັບຊາດຢ່າງສົມກຽດ.

Top