ໃນຕອນເຊົ້າ, ສະພາແຫ່ງຊາດໄດ້ລົງຄະແນນສຽງຮັບຮອງເອົາກົດໝາຍວ່າດ້ວຍຍຸຕິທຳ ສຳລັບຜູ້ທີ່ຍັງບໍ່ເຖິງກະສຽນອາຍຸ; ມະຕິວ່າດ້ວຍການສ້າງນະຄອນ ເຫວ້ ຂຶ້ນກັບສູນກາງ; ມະຕິວ່າດ້ວຍການຈັດຕັ້ງອຳນາດການປົກຄອງຕົວເມືອງຢູ່ນະຄອນ ຫາຍຟ່ອງ ແລະ ປຶກສາຫາລືຢູ່ຫໍປະຊຸມກ່ຽວກັບຮ່າງກົດໝາຍວ່າດ້ວຍອຸດສາຫະກຳເຕັກໂນໂລຢີດີຈີຕອນ.
ຮອດຕອນບ່າຍ, ສະພາແຫ່ງຊາດໄດ້ລົງຄະແນນສຽງຮັບຮອງເອົາມະຕິວ່າດ້ວຍການທົດລອງປະຕິບັດໂຄງການເຮືອນຢູ່ການຄ້າ ຮັບຮອງເອົາຂໍ້ຕົກລົງກ່ຽວກັບການຮັບສິດນຳໃຊ້ທິ່ດິນ ຫຼື ພວມມີສິດນຳໃຊ້ທີ່ດິນ; ກົດໝາຍວ່າດ້ວຍຂໍ້ມູນ; ກົດໝາຍວ່າດ້ວຍພະລັງງານໄຟຟ້າ (ສະບັບປັບປຸງ); ມະຕິວ່າດ້ວຍແຜນນະໂຍບາຍລົງທຶນໂຄງການທາງລົດໄຟຄວາມໄວສູງ ເໜືອ - ໃຕ້… ທ່ານປະທານສະພາແຫ່ງຊາດ ເຈິ່ນແທງເໝິນ ໄດ້ກ່າວອັດກອງປະຊຸມ ພາຍຫຼັງສະພາແຫ່ງຊາດປະຕິບັດສຳເລັດທຸກເນື້ອໃນຂອງວາລະກອງປະຊຸມສະໄໝສາມັນເທື່ອທີ 8. ພິທີອັດກອງປະຊຸມໄດ້ຮັບການຖ່າຍທອດສົດຜ່ານທາງໂທລະພາບ ແລະ ວິທະຍຸກະຈາຍສຽງ.
