22/08/2017 10:05 GMT+7 Email Print Like 0

SOM3-APEC 2017: ໄຂກອງປະຊຸມຄັ້ງທີ 2 ກຸ່ມປະຕິບັດງານສາທາລະນະສຸດ APEC

      ຕອນເຊົ້າວັນທີ 21 ສິງຫາ, ຢູ່ນະຄອນ ໂຮ່ຈີມິນ ໄດ້ໄຂກອງປະຊຸມຄັ້ງທີ 2 ຂອງກຸ່ມປະຕິບັດງານສາທາລະນະສຸກ APEC (HWG 2), ໃນຂອບເຂດໂຄງການກອງປະຊຸມ ບັນດາເຈົ້າໜ້າທີ່ອາວຸໂສຄັ້ງທີ 3A (SOM 3) ແລະ ບັນດາກອງປະຊຸມທີ່ກ່ຽວຂ້ອງ.

ຜູ້ແທນກ່າວຄ້ຳເຫັນທີ່ກອງປະຊຸມ
      ໃນວັນທີ 21 -22 ສິງຫາ, ບັນດາເຈົ້າໜ້າທີ່ APEC ແລະ ບັນດາຜູ້ແທນເຂົ້າຮ່ວມ HWG 2 ຈະກວດກາຄືນວິວັດທະນາການປະຕິບັດ “ເພື່ອອາຊີ - ປາຊີຟິກ ເຂັ້ມແຂງ ຮອດປີ 2020”, ທີ່ໄດ້ຮັບການຮັບຮອງເອົາໃນປີ 2015; ພ້ອມທັງສ້າງ ແລະ ຮັບຮອງເອົາຊຸດດັດຊະນີການຕີລາຄາການປະຕິບັດວິວັດທະນາການ “ເພື່ອອາຊີ - ປາຊີຟິກ ເຂັ້ມແຂງ ຮອດປີ 2020”.
        ບັນດາຜູ້ແທນກໍ່ໄດ້ປຶກສາຫາລືເພື່ອເປັນເອກະພາບໃນການສ້າງຮ່າງຖະແຫຼງການຮ່ວມ APEC ກ່ຽວກັບສາທາລະນະສຸກ ເພື່ອຍື່ນສະເໜີຕໍ່ກອງປະຊຸມຂັ້ນສູງທີ 7 ກ່ຽວກັບເສດຖະກິດ ແລະ ສາທາລະນະສຸກ… ທ່ານນາງ ເຈີ່ນທິຢ້າງເຮືອງ, ຫົວໜ້າກົມຮ່ວມມືສາກົນ, ກະຊວງສາທາລະນະສຸກ ໃຫ້ຮູ້ວ່າ:
        ບັນດາເນື້ອໃນປຶກສາຫາລື ໄດ້ສຸມໃສ່ໃນການນຳໃຊ້ບັນດາແຫຼ່ງກຳລັງຢ່າງມີປະສິດທິຜົນທີ່ສະຫງວນໃຫ້ຂະແໜງສາທາລະນະສຸກ, ພິເສດ, ແມ່ນສຸມໃສ່ເບິ່ງແຍງດູແລສຸຂະພາບຂັ້ນຕົ້ນໂດຍອີງໃສ່ປະຊາຄົມ, ເພື່ອຮັບມືກັບສະພາບການພະຍາດເກີດຂຶ້ນໃໝ່. ຕົວຢ່າງຄື ສະພາບການພະຍາດບໍ່ຕິດແປດເພີ່ມຂຶ້ນ, ອັດຕາພົນລະເມືອງມີອາຍຸສູງເພີ່ມຂຶ້ນຢູ່ບັນດາພື້ນຖານເສດຖະກິດ APEC”
 (ແຫຼ່ງຄັດຈາກ VOV)