20/05/2016 00:01 GMT+7 Email Print Like 0

SNV ພັດທະນາຕົວແບບ ບີໂອແກັດ ຢູ່ ຫວຽດນາມ

ອົງການພັດທະນາໂຮນລັງ (SNV) ໄດ້ຜັນຂະຫຍາຍໂຄງການອາຍແກັດຊີວະພາບ (ບີໂອແກັດ) ໃຫ້ແກ່ຂະແໜງການລ້ຽງສັດ ຫວຽດນາມ ໄລຍະແຕ່ປີ 2003-2015 ແລະໄດ້ຖືກ ນຳໃຊ້ຢ່າງມີ ຜົນສໍາເລັດຢູ່ 59 ແຂວງ, ນະຄອນໃນທົ່ວປະເທດ, ປະກອບ ສ່ວນເຮັດໃຫ້ສະພາບແວດລ້ອມຂອງຂະແໜງການລ້ຽງສັດມີຄວາມສະອາດປອດໄສ, ທັງຊ່ວຍໃຫ້ແກ່ຊາວກະສິກອນຫຼຸດຜ່ອນຄ່າໃຊ້ຈ່າຍຕ່າງໆ ໃນການຜະລິດອີກດ້ວຍ.
ພວກຂ້າພະເຈົ້າ​ໄປຍັງບ້ານ ຢວຽນອືງ, ຕາແສງ ລາມດ່ຽນ, ເມືອງ ເຈືອງໝີ໋, ຮ່າໂນ້ຍ ພໍດີ​ເໝາະ​ເຈາະກັບເວລາທິມນາຍ ຊ່າງກໍ່ສ້າງຂອງອ້າຍ ໂຮ່ວັນຫານ ກຳລັງຈະ​ເສັດ​ສິ້ນກິດຈະການກໍ່ສ້າງ ອາຍ​ແກັດຊີວະພາບໃຫ້ແກ່ຄອບຄົວເອື້ອຍ ຫງວຽນທິເສົາ. ນີ້ແມ່ນກິດຈະການທີ 1020 ທີ່ອ້າຍ ຫານດໍາ​ເນີນການກໍ່ສ້າງຢູ່ໃນ ທ້ອງຖິ່ນ. ​ໃນ​ຖານະ​ເປັນ​ຜູ້​ໜຶ່ງ​ທີ່​ຕິດ​ພັນ​ກັບ​ໂຄງການ​ກໍ່ສ້າງ​ອາຍ​ແກັດ​ຊີວະ​ພາບ​ມາ​ແຕ່​ປີ 2006, ອ້າຍ ຫານ ໃຫ້ຮູ້ວ່າ ອາຍ​ແກັດຊີວະພາບ ປະກອບສ່ວນເຮັດໃຫ້ສິ່ງແວດລ້ອມມີ​ຄວາມສະອາດ, ສະໜອງ​ເຊື້ອເພີງ ແລະ ຝຸ່ນຊີວະ​ພາບຮັບໃຊ້ໃຫ້ແກ່ການປູກຝັງ.
 
ເຈືອງໝີ໋ ເປັນເມືອງໜຶ່ງທີ່ນຳໃຊ້ ບີໂອແກັດ ຢ່າງຮອບດ້ານເຂົ້າໃນບັນດາຕົວແບບລ້ຽງສັດໃນຄອບຄົວ. ປະຊາຊົນມີຈິດ​ສໍານຶກກ່ຽວກັບການນຳໃຊ້ ບີໂອແກັດ ແລະ ໄດ້ຮັບການຝຶກອົບຮົມ ເຕັກນິກຈາກໂຄງການອາຍຊີວະພາບສໍາລັບຂະແໜງການລ້ຽງສັດ ຫວຽດນາມ ໂດຍກົມລ້ຽງສັດ ແລະ ອົງການພັດທະນາໂຮນລັງ ຮ່ວມກັນ​ໃຫ້ການ​ສະໜັບສະໜູນ. 

ບັນດາ​ນັກ​ຊ່ຽວຊານ​ຂອງ​ອົງການ SNV ກຳລັງ​ແນະນຳ​ກ່ຽວ​ກັບ
​ກຳມະ​ວິທີ​ການ​ນຳ​ໃຊ້​ອາຍຊີວະ​ພາບ ບີ​ໂອ​ແກັດ ​ໃຫ້​​ແກ່​ບັນດາ​ຄອບຄົວ​ລ້ຽງສັດ
.



ທ່ານນາງ Dagmar Zwebe, ຜູ້ອຳນວຍການ​ພະ​ລັກ​ງານ​ຂອງ SNV ​ໃຫ້​ຮູ້​ວ່າ:
“​
ແຜນງານ​ອາຍ​ຊີວະ​ພາບ​ແມ່ນ​ໂຄງການ​ໄດ້​ລົງທະບຽນ​ຕາມ​ມາດ​ຕະຖານ​ທອງຄຳ​ແບບ​ສະໝັກ​ໃຈ,
ຊ່ວຍ​ຍົກສູງ​ລະດັບ​ຊີວິດ​ການ​ເປັນ​ຢູ່ ​ແລະ ​ເຕັກ​ໂນ​ໂລ​ຊີ​ທີ່​ມີ​ລັກສະນະຍືນ​ຍົງ​”.



ວິທີ​ການ​ກໍ່ສ້າງ​ຂຸມ ບີ​ໂອ​ແກັດ ຕາມ​ການ​ແນະນຳ​ຂອງ​ອົງການ SNV.


ທິມຊ່າງ​ກໍ່ສ້າງ​ຂຸມ ບີ​ໂອ​ແກັດ ​ໂດຍ​ອ້າຍ ​ໂຮ່ວັນ​ຫານ ​ເປັນ​ຫົວໜ​້າ
​​ເຄີ​ຍກໍ່ສ້າງ​ມາ​ແລ້ວ
1020 ຂຸມ​ໃຫ້​ແກ່​ພໍ່​ແມ່​ປະຊາຊົນ​ເມືອງ ​ເຈືອງ​ໝີ໋. 



ນຳ​ໃຊ້ ບີ​ໂອ​ແກັດ ​ໃນ​ການ​ແຕ່ງກິນ​ຊ່ວຍ​ໃຫ້​ຊາວ​ກະສິກອນປະຢັດພະລັງງານ.


ພະນັກງານ​ຂອງໂຄງການ​ອາຍ​ຊີວະ​ພາບກຳລັງ​ແນະນຳ​ໃຫ້​ຊາວ​ກະສິກອນ​ທີ່​ນະຄອນ ວິ​ງ, ​ເຫ​ງ້ອານ.ພາບ​ເອກະສານ


ພະນັກງານ​ຂອງໂຄງການ​ອາຍ​ຊີວະ​ພາບກຳລັງ​ແນະນຳ​ໃຫ້​ຊາວ​ກະສິກອນ​ທີ່​ນະຄອນ ວິ​ງ, ​ເຫ​ງ້ອານ.​ ພາບ: ​ເອກະສານ


ບັນ​ດາ​ເອກະສານ, ວິ​ດີ​ໂອ ກ່ຽວ​ກັບ​ໂຄງການ​ກໍ່ສ້າງ​ອາຍ​ຊີວະ​ພາບ ບີ​ໂອ​ແກັດ
​ໄດ້​ມອບ​ໃຫ້​ຊາວ​ກະສິກອນ​ຢ່າງ​ຄົບ​ຖ້ວນ
. ພາບ: ​ເອກະສານ



ອົງການ SNV ຕັດ​ແຖບ​ຜ້າ​ສະຫຼອງ​ຜົນ​ສຳ​ເລັດການ​ກໍ່ສ້າງ
ກິດ​ຈະ​ກຳ​ອາ​ຍຊີວະ​ພາບ​ແຫ່ງ​ທີ 100.000 ຢູ່ ຫວຽດນາມ. ພາບ: ​ເອກະສານ

ໂຄງການອາຍຊີວະພາບ ດ້ວຍການຊ່ວຍເຫຼືອຂອງລັດຖະບານໂຮນລັງ ໂດຍ SNV ຜັນຂະຫຍາຍປະຕິບັດແຕ່ປີ 2003ເຖິງປີ 2015 ​ໄດ້​ມີ​ຜົນສຳເລັດ ຢູ່ 58 ແຂວງ, ນະຄອນຂອງຫວຽດນາມ. ມາເຖິງປະຈຸບັນນີ້, SNV ​ໄດ້​ໃຫ້ການ​ສະໜັບສະໜູນກໍ່ສ້າງ​ 145.000 ກິດ​ຈະ​ການ​ອາຍ​ຊີວະ​ພາບ, ນຳ​ຜົນ​ປະ​ໂຫຍ​ດມາ​ໃຫ້​ແກ່​ປະ​ຊາ​ຊົນ 725.000 ຄົນ, ກໍ່ສ້າງ​ນັກ​ເຕັກນິກ​ວິຊາ​ການຂັ້ນ​ແຂວງ ​ແລະ ​ເມືອງ​ໄດ້ 1.064 ຄົນ,​ ຊ່າງ​ກໍ່ສ້າງ​ອາຍ​ແກັດ​ຊີວະ​ພາບ​ໄດ້ 1.668 ຄົນ, ຈັດ​ຕັ້ງ​ສຳ​ມະ​ນາ​, ໂຄສະນາ​ເຜີຍ​ແຜ່ ​ແລະ ຝຶກ​ອົບ​​ຮົມ​ໃຫ້​ແກ່​ຜູ້ນຳ​ໃຊ້ ອາຍ​ແກັດຊີວະ​ພາບ​ຢູ່ຫວຽດນາມ​ໄດ້ຫຼາຍ​ໝື່ນ​ເທື່ອ ຄົນ.
 
ທ່ານດຣ. ​ໂຕງ​ຊວນ​ຈິງ, ຮອງ​ຫົວໜ້​້າກົມ​ລ້ຽງສັດ ຂຶ້ນ​ກັບ​ກະຊວງກະ​ສິກຳ ​ແລະ ພັດທະນາ​ຊົນນະບົດ, ທັງ​ເປັນ​ຜູ້ອຳ​ນວຍ​ການ​ຂອງ ໂຄງການ ​ໄດ້​ຢືນຢັນ​ວ່າ: “​ໂຄງການ​ຈະ​ສືບ​ຕໍ່​ປະກອບສ່ວນ​ເຂົ້າໃນ​ການ​ພັດທະນາ​ຂອງ​ຂະ​ແໜງ​ການ​ອາຍ​​ແກັດຊີວະ​ພາບ ຫວຽດນາມ ​ໃຫ້​ໝັ້ນຄົງ​ກວ່າ​ເກົ່າ, ຮັກສາ​ຜົນ​ປະ​ໂຫຍ​ດຕ່າງໆ ຂອງ​ບັນດາ​ຄອບຄົວ​ລ້ຽງສັດ​ທີ່​ນຳ​ໃຊ້​ກິດ​ຈະການ​ອາຍ​ຊີວະ​ພາບ ແລະ ປັບປຸງ​ສະພາບ​ແວດ​ລ້ອມຢູ່​ເຂດ​ຊົນນະບົດ​ໃຫ້​ດີ​ຂຶ້ນ”.
 
ໂຄງການ​ຂອງ SNV ​​ໄດ້ຊ່ວຍ​ເຫຼື​ອຫວຽດນາມ ຢ່າງ​ຕັ້ງໜ້າ​ ໃນ​ຂະ​ບວນການ​ລົບ​ລ້າງ​ຄວາມອຶດຫິວ, ຫລຸດຜ່ອນ​ຄວາມທຸກ​ຍາກ ​ແລະ​ຕ້ານ​ສະພາບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ. ປີ 2010, ​ໂຄງການ​ໄດ້​ຮັບ​ລາງວັນ ພະລັງງານ​ທີ່​ໝັ້ນຄົງ Ashden ຢູ່ນະຄອນ ລອນ​ດອນ ​ສໍາລັບ​ຄວາມ​ມານະພະຍາຍາມ​​ເຜີຍ​​ແຜ່ນ​ຳ​ໃຊ້​ເຕັກ​ໂນ​ໂລ​ຊີ​ອາຍ​ແກັດ​ຊີ​ວະພາບ​ ດ້ວຍ​ເປົ້າ​ໝາຍ​ຍົກ​ສູງ​ຄຸນນະພາ​ບຊີ​ວິດ​ການ​ເປັນ​ຢູ່​ໃຫ້​ແກ່​ຊາວ​ກະສິກອນ ຫວຽດນາມ. ປີ 2012, ອີກ​ຄັ້ງ​ໜຶ່ງ, ​ໂຄງການດັ່ງກ່າວ​ໄດ້​ຮັບ​ລາງວັນ “​ເພື່ອ​ມະນຸດ” ຂອງ​ເວທີ​ປາ​ໄສພະລັງງານ​ໂລກ​ປີ 2012 ຢູ່​ນະຄອນ ດຸ​ໄບ, ​ອະນຸລາ​ຊະ​ອານາ​ຈັກອາຣັບ​ເອກະ​ພາບ. 


 

ທ່ານ Steven Von Eije, ທີ່​ປຶ​ກສາ​ດ້ານພະລັງງານ​ໃໝ່ຂອງ​ອົງການ​ພັດ​ທະນາ ​ໂຮ​ນລັງ (SNV)




“ດ້ວຍການ​ຕິດ​ຕັ້ງ​ກິດ​ຈະ​ການ​ອາຍ​ຊີວະ​ພາບ​ໜຶ່ງ, ຄອບຄົວຕ່າງໆຈະ​ຫຼຸດຜ່ອນ​ອາຍ​ເສຍ CO2 ໄດ້ 5 ​ໂຕນ​ຕໍ່​ປີ ​ແລະ ສາມາດຫຼຸ​ດຜ່ອນ​ຄ່າ​ໃຊ້​ຈ່າຍ​​ພະລັງງານ​ເຖິງ​ 120 USD ຕໍ່​ປີ”.

 

 


 
ບົດ: ບິກເວີນ - ພາບ: ເຈີ່ນແທງຢາງ ແລະ ເອກະສານ

ບັນດາບົດທີ່ຖືກນຳສະເໜີ