ໜັງສືພິມໃຫຍ່ຫຼາຍສະບັບຂອງກຳປູເຈຍ ໃນນັ້ນມີໜັງສືພິມ Phnom Penh Post, Khmer Times, Thmey Thmey ໄດ້ລົງພິມບັນດາບົດຂຽນກ່ຽວກັບການຢ້ຽມຢາມທາງລັດຖະກິດຢູ່ກຳປູເຈຍ ຂອງທ່ານເລຂາທິການໃຫຍ່, ປະທານປະເທດແຫ່ງ ສສ.ຫວຽດນາມ ຫງວຽນຟຸຈ້ອງ ໃນລະຫວ່າງວັນທີ 25 – 26 ກຸມພາ.
![](https://imagevietnam.vnanet.vn/Upload/2019/2/27/27022019092341412baochicampuchiaduatindamnetchuyenthamcuatbtctnnguyenphutrong_gbbf.jpg)
ທ່ານເລຂາທິການໃຫຍ່, ປະທານປະເທດແຫ່ງ ສສ.ຫວຽດນາມ ຫງວຽນຟຸຈ້ອງ
(ພາບປະກອບ)
ໜັງສືພິມ Phnom Penh Post ໄດ້ຄັດຄຳເວົ້າຂອງໂຄສົກລັດຖະບານກຳປູເຈຍ Phay Siphan ທີ່ໃຫ້ຂໍ້ສັງເກດວ່າ, ການຢ້ຽມຢາມທາງລັດຖະກິດດັ່ງກ່າວຈະນຳມາເຊິ່ງຜົນປະໂຫຍດໃຫ້ແກ່ການຮ່ວມມືລະຫວ່າງຫວຽດນາມ - ກຳປູເຈຍ, ພິເສດແມ່ນການຮັກສາສະຖຽນລະພາບຢູ່ເຂດຊາຍແດນລະຫວ່າງ 2 ປະເທດ ດ້ວຍເລື່ອງປະຕິບັດການຂີດຂັ້ນປັກຫຼັກໝາຍຊາຍແດນທາງບົກໂດຍໄວ. ຕາມທ່ານແລ້ວ, ນີ້ແມ່ນຜົນງານທີ່ມີຄວາມໝາຍລະຫວ່າງ 2 ປະເທດ.
ສ່ວນໜັງສືພິມ Khmer Times ກໍ່ໄດ້ເນັ້ນໜັກເຖິງການຢ້ຽມຢາມກຳປູເຈຍ ເມື່ອເດືອນ ກໍລະກົດ 2017 ຂອງທ່ານເລຂາທິການໃຫຍ່, ປະທານປະເທດ ຫງວຽນຟຸຈ້ອງ ເມື່ອໂດຍທ່ານພ້ອມກັບທ່ານນາຍົກລັດຖະມົນຕີ Hun Sen ໄດ້ເປັນສັກຂີພິຍານພິທີລົງນາມໃນເອກະສານສຳຄັນ 5 ສະບັບ ເພື່ອແນໃສ່ເພີ່ມທະວີການພົວພັນ 2 ຝ່າຍໃນຫຼາຍຂົງເຂດ.
(ແຫຼ່ງຄັດຈາກ VOV)