ຈຸດພິເສດ ຂອງ ງານວາງສະແດງ “ໄວໜຸ່ມທີ່ຝາກໄວ້” ບໍ່ພຽງ ແຕ່ ຢູ່ໃນຄຸນຄ່າທາງປະຫວັດສາດ ຂອງ ເອກະສານເທົ່ານັ້ນ, ຫາກຍັງຢູ່ທີ່ຄວາມສາມາດ ໃນການປຸກອາລົມຈິດ ຈາກບັນດາ ລາຍລະອຽດທໍາມະດາ ຂອງ ຊີວິດປະຈຳວັນ. ຕົວໜັງສືແຖວ ໜຶ່ງ ໃນປຶ້ມບັນທຶກ, ຮູບເຄິ່ງຄີງ ທີ່ເກົ່າຕາມ ການເວລາ, ຈົດ ໝາຍກ້ານໜຶ່ງ ທີ່ຝາກເຖິງຍາດພີ່ນ້ອງ ຫຼື ເອກະສານ ສ່ວນຕົວ ລ້ວນແຕ່ສາມາດເລົ່າຄືນ ເລື່ອງລາວ ກ່ຽວກັບຄົນຮຸ່ນ ໜຶ່ງ ທີ່ ໄດ້ເລືອກເອົາການອຸທິດໄວໜຸ່ມ ຂອງ ຕົນໃຫ້ແກ່ປະເທດຊາດ.  

ບັນດາຂໍ້ມູນເອກະສານ ທີ່ນໍາມາແນະນຳໃນງານວາງສະແດງ ໄດ້ຊ່ວຍໃຫ້ຜູ້ຊົມ ຈິນຕະນາການ ຢ່າງຈະແຈ້ງກວ່າ ກ່ຽວກັບ ຊີ ວິດການເປັນຢູ່, ແນວຄິດຈິດໃຈ ແລະ ຄວາມຮູ້ສຶກຂອງຜູ້ຄົນ ໃນເງື່ອນໄຂພິເສດ. ນັ້ນບໍ່ພຽງແຕ່ເປັນເລື່ອງລາວ ກ່ຽວກັບສົງ ຄາມເທົ່ານັ້ນ, ຫາກຍັງເປັນເລື່ອງລາວ ກ່ຽວກັບຄວາມຮັກບ້ານ ເກີດເມືອງນອນ, ຄວາມຮັບຜິດຊອບ ຕໍ່ປະເທດຊາດ ແລະ ຄວາມມຸ່ງຫວັງ ທີ່ໄດ້ປະກອບສ່ວນ ເພື່ອວັນແຫ່ງສັນຕິພາບ. ຢູ່ ເບື້ອງຫຼັງ ບັນດາເອກະສານ ທີ່ເບິ່ງຄືວ່າ ທໍາມະດາ ແມ່ນເດືອນ ປີ ທີ່ຫ່າງໄກຈາກເຮືອນ, ການພັດພາກ ແລະ ຄວາມເສຍສະ ຫຼະ ຢ່າງງຽບໆ.

 

ສຳລັບຄົນຮຸ່ນໜຸ່ມ ໃນປັດຈຸບັນ, ບັນດາຫຼັກຖານປະຫວັດສາດ ທີ່ໄດ້ແນະນຳໃນງານວາງສະແດງ ແມ່ນວິທີການເຂົ້າເຖິງ ຢ່າງ ໃກ້ຊິດ ເພື່ອເຂົ້າໃຈ ກ່ຽວກັບອະດີດ ຍິ່ງຂຶ້ນ. ແທນທີ່ຈະຮັບຮູ້ປະຫວັດສາດ ຜ່ານປຶ້ມຕຳລາເທົ່ານັ້ນ, ຜູ້ຊົມສາມາດສຳຜັດໄດ້ ໂດຍກົງ ເຖິງຮ່ອງຮອຍ ຂອງ ການເວລາ ຜ່ານແຕ່ລະໜ້າເອກະສານ, ແຕ່ລະວັດຖຸພັນ ທີ່ໄດ້ຮັບການຮັກສາໄວ້. ນັ້ນກໍ່ແມ່ນຄຸນຄ່າທ່ີສໍາຄັນ ຂອງ ວຽກງານສຳເນົາເອກະສານ - ບໍ່ພຽງແຕ່ ປົກປັກຮັກສາ ເອກະສານເທົ່ານັ້ນ, ແຕ່ຍັງນຳເອົາບັນດາເລື່ອງລາວ ປະຫວັດສາດ ເຂົ້າໃກ້ກັບຊຸມຊົນ ຍິ່ງຂຶ້ນອີກດ້ວຍ.

ທຸງ ແນວໂຮມປົດປ່ອຍຊາດ ພາກໃຕ້ ຫວຽດນາມ ໄດ້ຮັບການ ແຂວນ ຢ່າງສົມກຽດ ຢູ່ພື້ນທີ່ວາງສະແດງ. ພາບ: ກົງດາດ/VNP

 

 

ໃນສະພາບທີ່ທົ່ວປະເທດ ພວມຜັນຂະຫຍາຍ “ບັ້ນຮົບ 500 ວັນຄືນ ເພີ່ມທະວີການຊອກຫາ, ເຕົ້າໂຮມ ແລະ ກຳນົດຕົວຕົນ ຂອງອັດຖິ ນັກຮົບທີ່ເສຍສະຫຼະຊີວິດເພື່ອຊາດ”, ການເສີມຂະ ຫຍາຍຄຸນຄ່າ ຂອງບັນດາແຫຼ່ງຂໍ້ມູນປະຫວັດສາດ ຍິ່ງມີຄວາມ ໝາຍຢ່າງແທ້ຈິງ. ບັນດາສຳເນົາເອກະສານ, ຂໍ້ມູນ, ຮູບພາບ ທີ່ໄດ້ເກັບຮັກສາ ແລະ ແນະນຳຢ່າງກວ້າງຂວາງ ໄດ້ປະກອບ ສ່ວນ ກ່ຽວກັບຜູ້ທີ່ໄດ້ອຸທິດ, ເສຍສະຫຼະ ເພື່ອເອກະລາດ, ຄວາມເປັນເອກະພາບ ຂອງ ປະເທດຊາດ; ພ້ອມດຽວກັນນັ້ນ ກໍ່ແຜ່ກະຈາຍນ້ຳ ໃຈຮູ້ບຸນຄຸນ, ຄວາມຮັບຜິດຊອບ ຂອງຄົນຮຸ່ນ ປັດຈຸບັນ ໃນເສັ້ນທາງການ ຊອກຫາ, ກຳນົດຕົວຕົນ ແລະ ນຳ ເອົາບັນດານັກຮົບທີ່ ໄດ້ເສຍສະຫຼະຊີວິດ ເພື່ອຊາດ ກັບຄືນສູ່ ຄອບຄົວ, ບ້ານເກີດເມືອງນອນ.

ຄຳສັ່ງສອນ ຂອງ ປະທານ ໂຮ່ຈີມິນ: “ການເບິ່ງແຍງດູແລ ທະ ຫານເສຍອົງຄະ, ຄອບຄົວນັກຮົບ ທ່ີເສຍສະຫຼະຊີວິດເພື່ອຊາດ ແລະ ຜູ້ທີ່ມີຄຸນງາມຄວາມດີ ຕໍ່ປະເທດຊາດ ແມ່ນພັນທະ ຂອງ ປະຊາຊົນ...” ໄດ້ຖືກຈັດວາງຢ່າງສົມກຽດ ຢູ່ພື້ນທີ່ວາງສະແດງ. ພາບ: ກົງດາດ/VNP

ມວນຊົນເຂົ້າຊົມ ພື້ນທີ່ວາງສະແດງ “ໄວໜຸ່ມທີ່ຝາກໄວ້”. ພາບ: ກົງດາດ/VNP

“ໄວໜຸ່ມທີ່ຝາກໄວ້” ບໍ່ພຽງແຕ່ແມ່ນງານວາງສະແດງ ກ່ຽວກັບ ອະດີດເທົ່ານັ້ນ, ແຕ່ຍັງແມ່ນເສັ້ນທາງການເຊື່ອມໂຍງຄວາມ ຊົງຈຳ. ແຕ່ລະເອກະສານ ທີ່ໄດ້ແນະນຳ, ແຕ່ລະເລື່ອງລາວ ທີ່ ໄດ້ເລົ່າຄືນ ແມ່ນຂົວຕໍ່ ລະຫວ່າງ ເດືອນປີສົງຄາມ ກັບ ຊີວິດ ປະຈຳວັນໃນປັດຈຸບັນ. ຜ່ານນັ້ນ, ບັນດາຄຸນຄ່າ ຂອງຍຸກສະ ໄໝ ທີ່ພິລະອາດຫານ ໄດ້ສືບຕໍ່ຮັບການປົກປັກຮັກສາ, ແຜ່ກະ ຈາຍ ແລະ ກາຍເປັນກຳລັງຜັກດັນ ໃຫ້ກັບຄົນຮຸ່ນໃນປັດຈຸບັນ ທະນຸຖະໜອມສັນຕິພາບ, ເອກະລາດ ແລະ ຄວາມເສຍສະຫຼະ ຂອງ ບັນພະບຸລຸດຂອງເຂົາເຈົ້າ ຍິ່ງຂຶ້ນ.

ບົດ ແລະ ພາບ: ກົງດາດ/VNP