ຂ່າວສານ

ໄຂ​ງານບຸນ​ມະ​ໂຫລານມິດ​ຕະ​ພາບ ປະ​ຊາ​ຊົນ ຫວຽດ​ນາມ ລາວ ຄັ້ງ​ທີ V

ຕອນເຊົ້າ ວັນທີ 28 ກັນຍາ, ຢູ່ນະຄອນດົງຮ່າ, ແຂວງກ໋ວາງຈິງ, ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ສະມາຄົມມິດຕະພາບ ຫວຽດນາມ - ລາວ ແລະ ແຂວງກ໋ວາງຈິ ໄດ້ສົມທົບກັນສະມາຄົມມິດຕະພາບ ລາວ - ຫວຽດນາມ ຈັດຕັ້ງພິທີໄຂງານບຸນມະໂຫລານມິດຕະພາບ ປະຊາຊົນ ຫວຽດນາມ - ລາວຄັ້ງທີ V.
  ງານບຸນມະໂຫລານມິດຕະພາບ ປະຊາຊົນ ຫວຽດນາມ ລາວ ຄັ້ງທີ V (ພາບ: TTXVN)  

ກ່າວຄຳເຫັນທີ່ພິທີ, ທ່ານຮອງປະທານຜູ້ປະຈຳການສະພາແຫ່ງຊາດ ເຈິ່ນແທັງເໝີນ, ປະທານກຸ່ມສະມາຊິກ ສະພາແຫ່ງຊາດ ຫວຽດນາມ - ລາວ ສະແດງຄວາມຫວັງວ່າ ໃນໄລຍະຈະມາເຖິງ, ບັນດາອົງການມິດຕະພາບ ປະຊາຊົນສອງປະເທດຈະສືບຕໍ່ຍູ້ແຮງບັນດາການເຄື່ອນໄຫວແທດຈິງ ເພື່ອແນໃສ່ເພີ່ມທະວີຄວາມເຂົ້າໃຈກ່ຽວກັບປະຫວັດສາດອົງອາດກ້າຫານ ຂອງການພົວພັນ ຫວຽດນາມ ແລະ ລາວ ໃນໝູ່ປະຊາຊົນທຸກຊັ້ນຄົນຂອງສອງປະເທດໃຫ້ເລິກເຊິ່ງກ່ວາອີກ, ພິເສດແມ່ນລຸ້ນໜຸ່ມ, ແລະ ພ້ອມກັນຮ່ວມມືປົກປັກຮັກສາ, ເພີ່ມພູນຄູນສ້າງ ແລະ ພັດທະນາການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ໃຫ້ນັບມື້ນັບເຂົ້າສູ່ລວງເລິກ, ມີປະສິດທິຜົນ.

ໂດຍຕາງໜ້າຄະນະຜູ້ແທນປະຊາຊົນລາວ, ທ່ານລັດຖະມົນຕີກະຊວງເຕັກໂນໂລຢີ ແລະ ສື່ສານ ລາວ, ປະທານສະມາຄົມມິດຕະພາບ ລາວ ຫວຽດນາມ ບໍວຽງຄຳ ວົງດາລາ ໄດ້ຫວນຄືນໄລຍະປະຫວັດສາດແຫ່ງການສ້າງຕັ້ງ ແລະ ຂະຫຍາຍຕົວຂອງສະມາຄົມມິດຕະພາບ ລາວ - ຫວຽດນາມ, ທ່ານກໍ່ຢັ້ງຢືນວ່າ ສະມາຄົມຈະມານະພະຍາຍາມເຮັດຈົນສຸດຄວາມສາມາດຂອງຕົນ ພ້ອມກັບພັກ,  ລັດ ແລະ ປະຊາຊົນຫວຽດນາມ ຮັກສາ ແລະ ເສີມຂະຫຍາຍການພົວພັນທີ່ຫາຍາກໃນໂລກ ແມ່ນຊັບສິນອັນລ້ຳຄ່າຂອງປະຊາຊົນສອງປະເທດ ແລະ ສືບທອດໃຫ້ແກ່ຄົນລຸ້ນຕໍ່ໆໄປ.


top