ຕອນຄ່ຳວັນທີ 18 ມິຖຸນາຢູ່ຫາດຊາຍທະເລ ອານບາງ, ຕາແສງ ເກີມອານ, ນະຄອນ ໂຮ້ຍອານ ແຂວງ ກວາງນາມ ຂອງ ຫວຽດນາມ ໄດ້ໄຂ Festival ທະເລປີ 2022 ດ້ວຍຫົວຂໍ້ ໂຮ້ຍອານ - ຍາມລະດູຮ້ອນ ແລະ ປຸກລະດົມໂຄງການ ໂຮ້ຍອານ - ການທ່ອງທ່ຽວສີຂຽວ.
ໂຮ້ຍອານ - ຍາມຸລະດູຮ້ອນແມ່ນການເຄື່ອນໄຫວເປັນເອກະລັກທີ່ສຸດໃນໂຄງການປີທ່ອງທ່ຽວແຫ່ງຊາດ - ກວາງນາມປີ 2022
ໂຮ້ຍອານ - ຍາມຸລະດູຮ້ອນແມ່ນໜຶ່ງໃນບັນດາຫົວຂໍ້ທີ່ເປັນເອກະລັກທີ່ສຸດໃນໂຄງການປີທ່ອງທ່ຽວແຫ່ງຊາດ - ກວາງນາມປີ 2022 ດ້ວຍການເຄື່ອນໄຫວ ແລະ ເຫດການໂດດເດັ່ນ, ຈັບອົກຈັບໃຈຫຼາຍຢ່າງ, ເປີດສາກໃຫ້ແກ່ລະດູທ່ອງທ່ຽວທະເລ ນັ້ນແມ່ນ ງານລາຕີ ແລະ ອາຫານທະເລ.
ໃນພິທີໄຂ, ນະຄອນ ໂຮ້ຍອານ ໄດ້ປຸກລະດົມປະຊາຊົນ ແລະ ແຂກທ່ອງທ່ຽວ ພ້ອມກັນຕອບສະໜອງສານການທ່ອງທ່ຽວສີຂຽວໃນທົ່ວບໍລິເວນ ໃຫ້ຖືກຕາມຫົວຂໍ້ຂອງປີທ່ອງທ່ຽວແຫ່ງຊາດ “ກວາງນາມ - ສະຖານທີ່ທ່ອງທ່ຽວສີຂຽວ” ເພື່ອພ້ອມກັນມຸ່ງໄປເຖິງການເຄື່ອນໄຫວທີ່ເປັນມິດກັບສິ່ງແວດລ້ອມທຳມະຊາດ, ປົກປັກຮັກສາສິ່ງແວດລ້ອມ ແລະ ພັດທະນາການທ່ອງທ່ຽວແບບຍືນຍົງ.