ວັນທີ 27 ທັນວາ ຢູ່ຮ່າໂນ້ຍ, ສູນກາງຄະນະຊາວໜຸ່ມຄອມມູນິດ ໂຮ່ຈີມິນ ໄດ້ໄຂວັນບຸນຊາວໜຸ່ມຫວຽດນາມ - ອາຊຽນ 2020 ຂຶ້ນ.
ພິທີໄຂວັນບຸນຊາວໜຸ່ມຫວຽດນາມ - ອາຊຽນ ປີ 2020
ວັນບຸນແມ່ນການເຄື່ອນໄຫວສະຫຼຸບ ຕີລາຄາບັນດາເນື້ອໃນຮ່ວມມືອາຊຽນ ທີ່ໄດ້ຜັນຂະຫຍາຍໃນປີ, ພ້ອມທັງແມ່ນໂອກາດ ເພື່ອໃຫ້ຊາວໜຸ່ມນັກສຶກສາ ອາຊຽນ ພ້ອມກັນຮ່ວມມ່ວນຊື່ນ ກັບຜົນສຳເລັດລວມຂອງ ຫວຽດນາມ ໃນປີດຳລົງຕຳແໜ່ງເປັນປະທານ ອາຊຽນ 2020. ວັນບຸນມີບັນດາການເຄື່ອນໄຫວທີ່ອຸດົມສົມບູນຄື ການປະດັບປະດາຄ້າຍ 10 ແຫ່ງ ທີ່ເປັນຮູບຈຳລອງບັນດາຮູບພາບຂອງ 10 ປະເທດອາຊຽນຕາມຫົວຂໍ້ “ອາຊຽນ ສະໜິດຕິດພັນ ແລະ ເປັນເຈົ້າການມັບມື”.
ບັນດາການລະຫຼິ້ນພື້ນເມືອງ ຂອງບັນດາປະເທດ ອາຊຽນ, ກອງປະຊຸມຖະແຫຼງຂ່າວ ຫົວເລື່ອງ ກ່ຽວກັບບັນດາໝາກຜົນຕົ້ນຕໍ ເຊິ່ງບັນລຸໄດ້ໃນປີ ຫວຽດນາມ ດຳລົງຕຳແໜ່ງເປັນປະທານ ອາຊຽນ, ຄ່ຳຄືນງານລາຕີຊາວໜຸ່ມ ຫວຽດນາມ - ອາຊຽນ “ດວງຕາເວັນອາຊຽນ”... ເຫດການຈະແມ່ນການປະກອບສ່ວນຍົກສູງລະດັບຄວາມຮັບຮູ້ຂອງຊາວໜຸ່ມ ຫວຽດນາມ ກ່ຽວກັບ ອາຊຽນ, ກ່ຽວກັບບັນດາໝາກຜົນທີ່ສະຄັນ ທີ່ ຫວຽດນາມ ບັນລຸໄດ້ໃນປີເປັນປະທານ ອາຊຽນ 2020, ສະແດງຄຳໝັ້ນສັນຍາຂອງ ຫວຽດນາມ ໃນການປະຕິບັດແຜນການເຄື່ອນໄຫວຊາວໜຸ່ມ ອາຊຽນ ໄລຍະ 2020 – 2026, ຢັ້ງຢືນການເຂົ້າຮ່ວມຢ່າງຕັ້ງໜ້າ ແລະ ມີຄວາມຮັບຜິດຊອບຂອງ ຫວຽດນາມ ໃນການຮ່ວມມື ອາຊຽນ.
(ແຫຼ່ງຄັດຈາກ VOV)