ວັນທີ 14 ກັນຍາ, ກຸ່ມບໍລິສັດ Flamingo ແລະ ບໍລິສັດຫຸ້ນສ່ວນຮ່າໂນ້ຍ Redtours ໄດ້ສົມທົບກັບພະແນກວັດທະນະທໍາ, ກິລາ ແລະ ທ່ອງທ່ຽວແທັງຮວ໊າ ໄດ້ຈັດຕັ້ງພິທີໄຂງານຕະຫຼາດນັດການທ່ອງທ່ຽວສາກົນ ແທັງຮວ໊າ 2019.
ພິທີໄຂງານຕະຫຼາດນັດການທ່ອງທ່ຽວສາກົນ ແທັງຮວ໊າ 2019 (ພາບ: baodansinh.vn)
ເຂົ້າຮ່ວມພິທີມີຜູ້ຕາງໜ້າບັນດາອົງການການທູດ, ສົ່ງເສີມການທ່ອງທ່ຽວຂອງບັນດາປະເທດ ແລະ ເຂດແຄ້ວນ ທີ່ມາຈາກ ສິງກະໂປ, ໄທ, ສ.ເກົາຫຼີ, ມາເລເຊຍ, ຍີ່ປຸ່ນ, ຕວັກກີ, ໄຕ້ຫວັນ (ຈີນ); ຜູ້ຕາງໜ້າກົມໃຫຍ່ທ່ອງທ່ຽວຫວຽດນາມ, ສະຫະສະມາຄົມທ່ອງທ່ຽວຫວຽດນາມ, ບັນດາພະແນກວັດທະນະທໍາ, ກິລາ ແລະ ທ່ອງທ່ຽວມາຈາກແຂວງຕ່າງໆຂອງຫວຽດນາມ; ຜູ້ຕາງໜ້າບັນດາບໍລິສັດການບິນ ແລະ ວິສາຫະກິດທ່ອງທ່ຽວທັງພາຍໃນແຂວງ ແລະ ຕ່າງແຂວງເຂົ້າຮ່ວມເປັນຈໍານວນຫຼວງຫຼາຍ.
ມາເຂົ້າຮ່ວມງານຕະຫຼາດນັດສາກົນແທັງຮວ໊າ 2019, ແຂກທ່ອງທ່ຽວໄດ້ສໍາຜັດກັບທ່າອ່ຽງ ແລະ ຜະລິດຕະພັນທ່ອງທ່ຽວໃໝ່ຫຼາຍຢ່າງ. ຢູ່ນອກຂອບເຂດຂອງງານຕະຫຼາດນັດທີ່ດໍາເນີນໃນລະຫວ່າງວັນທີ 13 – 15 ກັນຍາ ແລ້ວ, ຍັງມີການເຄື່ອນໄຫວຫຼາຍຢ່າງຖືກຈັດຂຶ້ນຄືການສະແດງສິລະປະອາຫານການກິນ, ການສະແດງສິລະປະພື້ນເມືອງທີ່ເປັນມູນເຊື້ອ, ວາງສະແດງບັນດາຜະລິດຕະພັນຂອງໝູ່ບ້ານຫັດຖະກໍາທີ່ເປັນມູນເຊື້ອ, ການແລກປ່ຽນ ລະຫວ່າງບັນດາຫົວໜ່ວຍທີ່ເຄື່ອນໄຫວໃນຂົງເຂດທ່ອງທ່ຽວພາຍໃນປະເທດ ແລະ ສາກົນ.
(ແຫຼ່ງຄັດຈາກ VOV)