ກອງປະຊຸມວົງແຄບລັດຖະມົນຕີກະຊວງປ້ອງກັນປະເທດບັນດາປະເທດ ອາຊຽນ (ADMM) ໄດ້ໄຂຂຶ້ນໃນວັນທີ 18 ກຸມພາຢູ່ຮ່າໂນ້ຍ. ນີ້ແມ່ນເຫດການເປີດສາກໃຫ້ແກ່ບັນດາການເຄື່ອນໄຫວ, ກອງປະຊຸມປ້ອງກັນປະເທດ - ການທະຫານ ອາຊຽນ ຂັ້ນລັດຖະມົນຕີ ໂດຍກະຊວງປ້ອງກັນປະເທດ ຫວຽດນາມ ເປັນເຈົ້າພາບ ຈັດຂຶ້ນໃນປີເປັນປະທານ ອາຊຽນ 2020 ຂອງຫວຽດນາມ.
ທ່ານຖະມົນຕີກະຊວງປ້ອງກັນປະເທດຫວຽດນາມ ໂງຊວັນລິກ ຮັບຕໍາແໜ່ງເປັນປະທານ ກອງປະຊຸມ ADMM ແລະ ADMM+
ທ່ານພົນຕີ ເລຮຸຍວິ້ງ ຮອງຫົວໜ້າເສນາທິການໃຫຍ່ ກອງທັບປະຊາຊົນຫວຽດນາມ ເນ້ັນໜັກວ່າ:
“ກອງປະຊຸມ ADMM ວົງແຄບ ຄັ້ງນີ້ ມີທີ່ຕັ້ງ, ບົດບາດສໍາຄັນພິເສດ. ກອງປະຊຸມນີ້ ແມ່ນເວທີ ເພື່ອໃຫ້ລັດຖະມົນຕີກະຊວງປ້ອງກັນປະເທດບັນດາປະເທດ ອາຊຽນ ດໍາເນີນການປຶກສາຫາລືກ່ຽວກັບບັນດາເນື້ອໃນຮ່ວມມືດ້ານປ້ອງກັນຊາດ ໃນປີ 2020, ກໍານົດທິດການຮ່ວມມືໃນປີ 2020 ແລະ ຊຸມປີຕໍ່ໄປ. ພ້ອມກັນນັ້ນ, ກອງປະຊຸມດັ່ງກ່າວ ກໍແມ່ນໂອກາດເພື່ອໃຫ້ຫວຽດນາມຢັ້ງຢືນບົດບາດເປັນປະທານໃນການບໍລິຫານ, ປະສານງານໃນການຮ່ວມມືດ້ານປ້ອງກັນຊາດ ລະຫວ່າງບັນດາ ປະເທດ ອາຊຽນ. ກອງປະຊຸມຄັ້ງນີ້ ກໍແມ່ນໂອກາດເພື່ອໃຫ້ຫວຽດນາມໂຄສະນາພາບພົດ, ທີ່ຕັ້ງບົດບາດຂອງປະເທດຊາດ, ຂອງກອງທັບປະຊາຊົນຫວຽດນາມ ມາເຖິງພາກພື້ນ ແລະ ສາກົນ”.
ກອງປະຊຸມ ADMM ວົງແຄບ 2020 ຈະຈັດກອງປະຊຸມເປັນທາງການໃນວັນທີ 19 ກຸມພາ, ເຊິ່ງລວມມີວາລະປະຊຸມຄົບຄະນະ ແລະ ການພົບປະບໍ່ເປັນທາງການລະຫວ່າງ ລັດຖະມົນຕີກະຊວງປ້ອງກັນປະເທດ ບັນດາປະເທດ ອາຊຽນ ກັບ ອົດສະຕາລີ.
(ແຫຼ່ງຄັດຈາກ VOV)