ວັນທີ 21 ມັງກອນ, ກອງປະຊຸມທາງອອນລາຍ ລັດຖະມົນຕີ ດີຈີຕອນອາຊຽນຄັ້ງທີ 1 ໄດ້ດຳເນີນພາຍໃຕ້ການເປັນປະທານຂອງທ່ານ Saifuddin Abdullah ລັດຖະມົນຕີກະຊວງຖະແຫຼງຂ່າວ ແລະ ມັນຕີມີເດຍ ມາເລເຊຍ.
ທ່ານ Saifuddin Abdullah ລັດຖະມົນຕີກະຊວງຖະແຫຼງຂ່າວ ແລະ ມັນຕີມີເດຍ ມາເລເຊຍ
(ພາບ: TTXVN)
ໃນບົດກ່າວໄຂກອງປະຊຸມ, ທ່ານ Saifuddin ຢັ້ງຢືນວ່າ ອາຊຽນຍັງມີຫຼາຍວຽກຕ້ອງເຮັດໃນວິວັດການກາຍເປັນກຸ່ມເສດຖະກິດດີຈີຕອນ ແກ້ງແຍ້ງ ແລະ ເຊື່ອມໂຍງ, ພິເສດແມ່ນໃນສະພາບການໂລກລະບາດໂຄວິດ - 19 ແຜ່ລະບາດຄືໃນປັດຈຸບັນ. ທ່ານກໍ່ຊີ້ແຈ້ງວ່າ
ມາເລເຊຍຢັ້ງຢືນຄຳໝັ້ນສັນຍາໃນການປະຕິບັດຂໍ້ລິເລີ່ມໃນຂອບເຂດຄຸ້ມຄອງຖານຂໍ້ມູນດີຈີຕອນຂອງອາຊຽນ; ໃຫ້ຄຳໝັ້ນສັນຍາຊຸກຍູ້ລາຍການອອກໃບຢັ້ງຢືນຄວາມໝັ້ນຄົງທາງອິນເຕີແນັດ ໃຫ້ບັນດາປະເທດສະມາຊິກອາຊຽນ ເພື່ອແນໃສ່ສ້າງແຫຼ່ງຊັບພະຍາກອນມະນຸດຕໍ່ກັບຄວາມໝັ້ນຄົງທາງອິນເຕີແນັດໃຫ້ແກ່ໂລກ.
ດ້ວຍຫົວຂໍ້ “ອາຊຽນ: ປະຊາຄົມເຊື່ອມຕໍ່ດີຈີຕອນ”, ເປົ້າໝາຍຂອງກອງປະຊຸມແມ່ນເພື່ອແນໃສ່ເພີ່ມທະວີການຮ່ວມມືລະຫວ່າງບັນດາປະເທດອາຊຽນ ມຸ່ງໄປເຖິງລະບົບຊີວະພາບດີຈີຕອນ ຄືແມ່ນເສົາຄ້ຳໃນແຜນການພັດທະນາເສດຖະກິດພາຍຫຼັງ ໂຄວິດ - 19.
(ແຫຼ່ງຄັດຈາກ VOV)