Maya ແມ່ນໂຮງຮຽນກະສິກຳລະດັບສອງພາສາທີ່ຕັ້ງຢູ່ບ້ານ Maya (ເມືອງ ແທກເທິດ, ຮ່າໂນ້ຍ). Maya - ບ້ານຂອງການສຶກສາໄວໜຸ່ມ
ມາຍັງໂຮງຮຽນ Maya, ພວກຂ້າພະເຈົ້າຮູ້ສຶກປະທັບໃຈ ທີ່ໄດ້ສຳຜັດໂຮງຮຽນຢູ່ປ່າ ກາງພູເຂົາ.ໂຮງຮຽນມີເນື້ອທີ່ກວ່າ 10ເຮັກຕາ, ບັນດາຫ້ອງຮຽນມຸງດ້ວຍ ໃບໄມ້. ດ້ວຍຄວາມ ເຊື່ອທີ່ວ່າເດັກນ້ອຍທຸກຄົນມີຄວາມມັກຂອງຕົນເອງແລະກິດຈະກໍາການສຶກສາເພື່ອໃຫ້ເດັກທຸກຄົນມີໂອກາດທີ່ຈະພັດທະນາຕົນເອງທີ່ດີເໝາະສົມແລະ ເປັນຮຸ່ນທ່ີດີທ່ີສຸດ. ຫຼັກສູດການ ສິດສອນຂອງ Maya ແມ່ນຂ້ອນຂ້າງປະທັບໃຈນອກເໜືອ ຈາກວິຊາທີ່ກະຊວງສຶກສາແລະ ບຳລຸງສ້າງກໍານົດ, ຍັງມີວິຊາຕ່າງໆເຊັ່ນ: ດາລາສາດ, ພຶກສາສາດ ແລະ ແນວທາງ ປະຕິບັດການດໍາລົງຊີວິດຂັ້ນສູງ.
Maya ແມ່ນໂຮງຮຽນກະສິກຳລະດັບສອງພາສາທີ່ຕັ້ງຢູ່ບ້ານ Maya (ເມືອງ ແທກເທິດ, ຮ່າໂນ້ຍ). ພາບ: ເອກະສານ
ນັກຮຽນ Maya ສະແດງຄວາມຍິນດີກັບຄູອາຈານໃນວັນຄູ ຫວຽດນາມ (ວັນທີ 20 ພະຈິກ). ພາບ: ເອກະສານ
ຊົ່ວໂມງຂອງການຝຶກອົບຮົມທັກສະການຢູ່ລອດພາຍນອກດ້ວຍການຊີ້ນໍາຂອງຄູສອນ. ພາບ: ຫວຽດເກື່ອງ/VNP
ແຂ່ງຂັນກິລາ ຢູ່ກາງແຈ້ງ ເນື່ອງໃນວັນຄູ ຫວຽດນາມ. ພາບ: ເອກະສານ
ແຕ່ລະຊຸດຮຽນ, ນັກສຶກສາ Maya ມີການຕັ້ງແຄ້ມໃນມື້ໜຶ່ງ ຢູ່ໃນປ່າ ຫຼື ໜອງນຳ້ ຫຼື ສາຍນ້ຳ. ນັກສຶກສາເດີນຂະບວນ, ຕັ້ງຄ້າຍ ແລະ ນໍາໃຊ້ຄວາມຮູ້ທີ່ໄດ້ຮຽນຮູ້ ສໍາລັບມື້ຂອງ
ກິດຈະກໍາ ແລະ ມ່ວນຊື່ນຕາມສາຍນ້ໍາ. ພາບ: ເອກະສານ
ນອກຈາກຫ້ອງຮຽນທີ່ກົມກຽວ ກັບທໍາມະຊາດແລ້ວ, ໂຮງຮຽນ Maya ຍັງມີລະບົບໂຮງງານ ພາກປະຕິບັດຕົວຈິງທີ່ຫຼາກຫຼາຍຮູບ ແບບເຊັ່ນ: ໂຮງຊ່າງໄມ້ ແລະ ຫັນເປັນອັດຕະໂນມັດ, ໂຮງຫັດຖະກຳ, ໂຮງຜະລິດພືດ ແລະ ນິຄົມກະເສດ, ໂຮງສິລະປະ, ໂຮງເຮັດເຂົ້າໜົມ ແລະ ອື່ນໆ ເປັນຕົວແທນຂອງຂະແໜງການ: ອຸດສາຫະກໍາ, ຫັດຖະກໍາ, ກະສິກໍາແລະການຄ້າ-ການບໍລິການ.
Maya ສ້າງໂອກາດໃຫ້ນັກຮຽນ “ເລືອກຢ່າງເສລີ” ທີ່ຕົນເອງມັກ ແລະ ພ້ອມກັນນັ້ນ ກໍ່ໃຫ້ເຂົາເຈົ້າ ມີໂອກາດໄດ້ສຳຜັດກັບ ຊີວິດດ້ານສັງຄົມ ແລະ ເສດຖະກິດຢ່າງເລິກເຊິ່ງ, ກໍ່ຄືສັງເກດ ເຫັນບັນດາຜົນກະທົບຈາກ ການດໍາລົງຊີວິດຂອງມະນຸດ ຕໍ່ລະບົບນິເວດ.
ໝູ່ບ້ານແຫ່ງນີ້ ທັງເປັນໂຮງຮຽນ, ທັງເປັນຫຼັງເຮືອນທຳມະຊາດທີ່ຮັບໃຊ້ການຮໍ່າຮຽນຂອງນັກຮຽນ, ຊອກຮູ້, ຄົ້ນຄວ້າ, ຜະລິດ ແລະ ເຄື່ອນໄຫວຂອງນັກຮຽນ - ສະພາບແວດລ້ອມແຫ່ງການສຶກສາທີ່ກົມກຽວ ແລະ ສ້າງແຮງບັນດານໃຈໃຫ້ແກ່ການພັດທະນາຂອງເດັກນ້ອຍ.
ທັດສະນະສຶກສາ 1 ມື້ກັບໂຮງຮຽນ Maya
ໃຊ້ເວລາ 40 ນາທີ ຈາກໃຈກາງນະຄອນຫຼວງຮ່າໂນ້ຍ ໄປໂຮງຮຽນ, ນັກຮຽນ Maya ໄດ້ໃຊ້ເວລາ 8 ຊົ່ວໂມງຕໍ່ມື້ ໃນບັນຍາກາດທີ່ເປັນລະບຽບ ແລະ ສະຫງົບສຸກທ່າມກາງທຳມະຊາດສີຂຽວ.
ທ່ານນາງ ຫງວຽນເລຈາງ (ຜູ້ຮັບຜິດຊອບພະແນກຊັ້ນປະຖົມ) ໃຫ້ຮູ້ວ່າ: “ດ້ວຍພື້ນທ່ີ ທີ່ບໍ່ມີຊ່ອງຫວ່າງ ແລະ ໄດ້ຮຽນທ່າມ ກາງທຳມະຊາດ, ນັກຮຽນລ້ວນແຕ່ມີຄວາມສຸກໃນທຸກໆຊົ່ວໂມງຮຽນຂອງຕົນ. ເຂົາເຈົ້າໄດ້ສະແດງທັດສະນະຂອງຕົວເອງ ດ້ວຍຄວາມບໍລິສຸດ ແລະ ໄດ້ຮັບຄວາມເຄົາລົບ”.ທ່ານນາງຈາງຮູ້ສຶກພໍໃຈກັບສະພາບແວດລ້ອມແຫ່ງການສິດສອນຢູ່ທີ່ນີ້ເພາະລູກທັງສອງຂອງເພິ່ນຮຽນເກັ່ງ ແລະ ມີຄວາມເປັນເອກະລາດໃນການເຄື່ອນໄຫວດຳລົງຊີວິດທີ່ໂຮງຮຽນແຫ່ງນີ້.
ນັກຮຽນ Maya ເຂົ້າຮ່ວມຫ້ອງຮຽນທາງວິຊາການໃນຕອນເຊົ້າ. ໃນຕອນບ່າຍ, ເຂົາເຈົ້າຈະລົງມືປະຕິບັດຕົວຈິງຫຼືເຂົ້າຮ່ວມ ການເຄື່ອນໄຫວຫຼິ້ນກິລາ-ກິດຈະກໍາການຢູ່ລອດ ແລະ ສະໂມສອນ ສິລະປະຢູ່ໂຮງຮຽນ.
ນອກເໜືອໄປຈາກລະບົບການປະຕິບັດຕົວຈິງກັບຄູສອນທີ່ເປັນຜູ້ຊ່ຽວຊານດ້ານວິຊາຊີບແລະຄູສອນຊ່ວຍແລ້ວ, Maya ຍັງຈັດບັນດາສະໂມສອນສິລະປະເຊັ່ນ: keyboard, ລະຄອນລຳ, ສະໂມສອນອ່ານໜັງສື ຫຼື ຫ້ອງຂ່າວຂະໜາດນ້ອຍສຳລັບນັກຂ່າວໜຸ່ມ.
ຄູສອນໃຫ້ນັກຮຽນເຮັດເຄັກ. ພາບ: ຫວຽດເກື່ອງ/VNP
ການເຄື່ອນໄຫວໃນໂຮງຫັດຖະກຳດ້ວຍໂຄງການຖັກແສ່ວດ້ວຍແຫຼ່ງວັດຖຸດິບຜະລິດຄືນໃໝ່. ພາບ: ຫວຽດເກື່ອງ/VNP
ຊົ່ວໂມງຮຽນວິຊາເຄມີ ຂອງ ມັດທະຍົມຕອນຕົ້ນ. ພາບ: ເອກະສານ
ນັກສຶກສາກຸ່ມໜຶ່ງເຮັດບົດຝຶກຫັດກ່ຽວກັບ ໂຄງການສ້າງຫຸ່ນ ຍົນໃນໂຮງຊ່າງໄມ້ ແລະ ຫັນເປັນອັດຕະໂນມັດ. ພາບ: ຫວຽດເກື່ອງ/VNP
ສະໂມສອນດົນຕີໃນ Maya ແມ່ນຂ້ອນຂ້າງອຸດົມສົມບູນ. ພາບ: ເອກະສານ
ຊົ່ວໂມງຝຶກຊ້ອມ ໃນໂຮງວິຈິດສິນ. ພາບ: ຫວຽດເກື່ອງ/VNP
ໂຮງຮຽນ Maya ແມ່ນສະຖານທີ່ທີ່ນັກຮຽນຝຶກຫັດ ແລະ ຮຽນຮູ້ທັກສະເຮືອນຄົວ. ພາບ: ຫວຽດເກື່ອງ/VNP
ນອກຈາກປະເພດກິລາເຊັ່ນ: ບານເຕະ, ບານບ້ວງ, ມວຍແລະ ລອຍນ້ໍາ, ນັກຮຽນMayaຈະໄດ້ເຂົ້າຮ່ວມໃນໂຄງການຝຶກ ອົບຮົມທັກສະການຢູ່ລອດແບບບັງຄັບ. ໃນລາຍການລວມມີບົດຮຽນກ່ຽວກັບການລອຍນ້ຳ ແລະ ການຢູ່ລອດໃນທຳມະຊາດ ດ້ວຍຫົວຂໍ້ຄື: ການເຄື່ອນຍ້າຍ, ອາຫານ, ນ້ຳດື່ມ, ທີ່ພັກອາໄສ.
ພວກຂ້າພະເຈົ້າໄດ້ແບ່ງປັນປະສົບການກັບນັກຮຽນໃນຫ້ອງຮຽນຫຼາຍຫ້ອງ. ຢູ່ໂຮງຊ່າງໄມ້ ແລະ ຫັນເປັນອັດຕະໂນມັດ, ໃນເວລາຮຽນສ້າງຫຸ່ນຍົນ, ນັກຮຽນໄດ້ຮັບການຊີ້ນຳຈາກອາຈານ ໂດ້ຕຽນ ເພື່ອປັບປຸງເຕັກນິກ, ຊ່ວຍໃຫ້ຫຸ່ນຍົນດຳເນີນງານຢ່າງຄ່ອງແຄ້ວກວ່າ. ນັກຮຽນແຕ່ລະກຸ່ມໄດ້ເຮັດວຽກຢ່າງກະຕືລືລົ້ນ ແລະສົນທະນາກ່ຽວກັບທາງເລືອກສຳລັບຫຸ່ນຍົນຈາກວັດສະດຸ ຣີໄຊເຄິນ.
ຖັດຈາກນັ້ນແມ່ນໂຮງຫັດຖະກໍາກັບໂຄງການຕັດຫຍິບ-ປັກແສ່ວ ແລະ ໂຄງການແຕ້ມຮູບໃສ່ຜ້າຂອງນັກຮຽນ. ບັນດາ ນັກຮຽນພວມປຶກສາຫາລືກັບນາງ ດັ້ງທິຈາງ - ເຈົ້າຂອງໂຮງງານ ເພື່ອປັບ ຜະລິດຕະພັນຕົວຢ່າງ ແມ່ນກະຕ່າຊັກຜ້າໜ່ວຍໜຶ່ງ, ກະກຽມໃຫ້ແກ່ການຜະລິດຂະໜາດໃຫຍ່.
ໂຮງເຮັດເຂົ້າໜົມຍັງຄຶກຄັກດ້ວຍສຽງນັກຮຽນໂອ້ລົມກັນ, ປະ ສົມແປ້ງ, ຈືນ ແລະ ມີຄວາມສຸກກັບຜົນສຳເລັດໃນການເຮັດ ເຂົ້າໜົມຂອງຕົນເອງ. ເຂົ້າໜົມ crepes ທີ່ມີກິ່ນຫອມຂອງເນີຍ ອອກສີເຫຼືອງເຫັນແລ້ວໜ້າສົນໃຈຫຼາຍ.
ຕະຫຼອດເວລາຂອງຕອນບ່າຍຢູ່ໝູ່ບ້ານ Maya, ບັນດາສຽງດັງອອກມາຈາກໂຮງງານຜະລິດ, ສຽງ ກີຕາ, ຮ້ອງເພງ, ຊ້ອມໂອເປຣາ, ບາດຕີນຂອງການເຕັ້ນຈ່າ-ຈ່າ-ຈ່າ, ສຽງຮ້ອງທີ່ມີພະລັງຂອງສະໂມສອນມວຍ ແລະ ອື່ນໆ. ຢູ່ທີ່ນີ້ເຮັດໃຫ້ພວກຂ້າພະເຈົ້າແປກໃຈ ເພາະຄວາມຮູ້ສຶກທີ່ແປກປະຫຼາດ ແລະ ໜ້າສົນໃຈທີ່ສຸດ.
ບົດ: ບິກເວິນ - ພາບ: ຫວຽດເກື່ອງ - ແປໂດຍ: ຢືຟຽນ