(ພາບປະກອບ: AFP/TTXVN)

ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 20 ພະຈິກ (ຕາມເວລາ UTC), ທົ່ວໂລກມີຜູ້ຕິດເຊື້ອໂຄວິດ-19 ແມ່ນ 57,20 ລ້ານຄົນ, ໃນນັ້ນມີຜູ້ເສຍຊີວິດກວ່າ 1,36 ລ້ານຄົນ. ຈຳນວນປະເທດ ແລະ ເຂດແຄ້ວນໃນໂລກເກີດໂລກລະບາດໂຄວິດ-19 ໄດ້ເພີ່ມຂຶ້ນເປັນ 218, ພາຍຫຼັງທີ່ປະເທດ Samoa ແຈ້ງວ່າ, ກວດພົບກໍລະນີຕິດເຊື້ອໄວຣັດ SARS-CoV-2 ທຳອິດ.

ໃນຮອບເວລາ 24 ຊົ່ວໂມງຜ່ານມາ, ອາເມລິກາ ຍັງແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດຈາກ ໂລກລະບາດໂຄວິດ - 19 ດ້ວຍຈຳນວນຜູ້ຕິດເຊື້ອໃໝ່ແມ່ນ 180.205 ຄົນ ແລະ ມີຜູ້ເສຍຊີວິດ 1.967 ຄົນ, ອັນໄດ້ຍົກຈຳນວນຜູ້ຕິດເຊື້ອພະຍາດໂຄວິດ- 19 ຢູ່ປະເທດນີ້ຂຶ້ນເປັນ 12,05 ລ້ານຄົນ ແລະ ມີຜູ້ເສຍຊີວິດກວ່າ 258.000 ຄົນ. ຢືນອັນດັບທີ 2 ໃນໂລກແມ່ນອິນເດຍ, ຖັດຈາກນັ້ນແມ່ນບຣາຊິນ, ຝລັ່ງ.