ໂລກລະບາດໂຄວິດ-19 ໄດ້ເຮັດໃຫ້ຫຼາຍຄົນຕົກເຂົ້າສູ່ສະພາບບໍ່ມີວຽກເຮັດງານທຳ ແລະ ບໍ່ມີລາຍຮັບ
ຊາວອົບພະຍົບ, ຜູ້ລີ້ໄພແມ່ນຜູ້ຖືກຜົນສະທ້ອນຢ່າງໜັກໜ່ວງທີ່ສຸດ
(ພາບ: AFP/TTXVN)
ບໍ່ພຽງແຕ່ເຮັດໃຫ້ປະຊາຊົນນັບລ້ານຄົນເສຍຊີວິດເທົ່ານັ້ນ, ໂລກລະບາດໂຄວິດ-19 ໄດ້ກໍ່ຄວາມເສຍຫາຍຢ່າງຮ້າຍແຮງເຖິງເສດຖະກິດ-ສັງຄົມ, ໃນນັ້ນມີແມ່ຍິງ ແລະ ຊາວອົບພະຍົບແມ່ນຜູ້ຖືກຜົນສະທ້ອນຢ່າງໜັກໜ່ວງທີ່ສຸດ. ບົດລາຍງານຂອງສະພາກາແດງ ແລະ ກາຊີກວົງເດືອນແດງສາກົນ (IFRC) ປະກາດໃນວັນທີ 22 ພະຈິກ, ເນັ້ນໜັກເຖິງວິກິດການໂຄວິດ-19 ໄດ້ກໍ່ຜົນກະທົບສຳລັບກຸ່ມຄົນຖືກຄວາມສ່ຽງສູງ. ຕາມນັ້ນແລ້ວ, ໂລກລະບາດໂຄວິດ-19 ໄດ້ເຮັດໃຫ້ຫຼາຍຄົນຕົກເຂົ້າສູ່ສະພາບບໍ່ມີວຽກເຮັດງານທຳ ແລະ ບໍ່ມີລາຍຮັບ…
ຕາມບົດລາຍງານຂອງ IFRC, ໃນທົ່ວໂລກ, ແມ່ຍິງແມ່ນເປົ້າໝາຍຖືກຜົນສະທ້ອນຢ່າງໜັກໜ່ວງທີ່ສຸດຈາກໂລກລະບາດໂຄວິດ-19. ບັນດາຊາວອົບພະຍົບ, ຜູ້ລີ້ໄພ ແລະ ຜູ້ຕ້ອງຍົກຍ້າຍທີ່ຢູ່ພາຍໃນປະເທດກໍ່ແມ່ນກຸ່ມຖືກຄວາມສ່ຽງສູງທີ່ສຸດໃນສະພາບໂລກລະບາດໂຄວິດ-19.
ໃນເຫດການທີ່ກ່ຽວຂ້ອງ. ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 23 ພະຈິກ (ຕາມເວລາ UTC), ທົ່ວໂລກມີຜູ້ຕິດເຊື້ອໂຄວິດເກືອບ 258,35 ລ້ານຄົນ, ໃນນັ້ນມີຜູ້ເສຍຊີວິດ 5,17 ລ້ານຄົນ. ອາເມລິກາ ແມ່ນປະເທດມີຜູ້ຕິດເຊື້ອລາຍໃໝ່ຫຼາຍທີ່ສຸດໃນໂລກແມ່ນເກືອບ 64.000 ຄົນ, ໃນຂະນະນັ້ນ, ລັດເຊຍ ແມ່ນປະເທດມີຈຳນວນຜູ້ເສຍຊີວິດຫຼາຍທີ່ສຸດແມ່ນ 1.214 ຄົນ.
(ແຫຼ່ງຄັດຈາກ VOV)