ບັນດາຊ່າງໄຟຟ້າ ຂອງ ສະຫະບໍລິສັດ ໄຟຟ້າ ພາກໃຕ້ (EVNSPC) ປຽບເໝືອນ “ໂຕເຜິ້ງສີສົ້ມ”, ເຮັດວຽກທັງເວັນ ທັງ ຄືນ ເພື່ອການພັດທະນາເສດຖະກິດ-ສັງຄົມ ຂອງ 21 ແຂວງ, ນະຄອນ ຢູ່ພາກໃຕ້, ນັບແຕ່ແຂວງ ນິງຖ້ວນ ເຖິງນະຄອນ ກ່າເມົາ.
ແສງແດດທ່ີຮ້ອນອົບເອົ້າຢູ່ ເຂດພາກກາງຕອນໃຕ້ ຫຼື ລະດູນໍ້າ ແກ່ງ ຢູ່ ເຂດທົ່ງພຽງແມ່ນຳ້ຂອງ ໄດ້ເຮັດໃຫ້ຊ່າງໄຟຟ້າຂອງ EVNSPC ປະສົບຄວາມຫຍຸ້ງຍາກ, ລຳບາກຍິ່ງຂຶ້ນໃນ ການ ເຮັດວຽກ. ເຂົາເຈົ້າຕ້ອງ “ແຂ່ງຝົນ ຕາກແດດ, ຜ່ານພາຍຸ ລົມ ແຮງ”, ເຮັດວຽກ ໃນສະພາບອາກາດທີ່ຂ້ຽວຂາດ ເພື່ອ ຮັບປະ ກັນໃຫ້ກະແສ ໄຟຟ້າ ໄດ້ເຄື່ອນໄຫວຢ່າງຕໍ່ເນື່ອງ, ນຳມາ ແສງ ສະຫວ່າງໃຫ້ແກ່ ປະຊາຊົນ.
ມີຄົນ ກ່າວວ່າ ຊ່າງໄຟຟ້າ ຂອງ ຂະແໜງໄຟຟ້າ EVNSPC ເປັນຜູ້ “ສ້າງຄວາມເຊື່ອໝັ້ນ” ມາໃຫ້ແກ່ປະຊາຊົນ ໃນທ່ົວປະ ເທດ, ແຕ່ນະຄອນ ເຖິງເຂດຫ່າງໄກສອກຫຼີກ, ໝູ່ເກາະ ທະເລ. ເພື່ອວຽກງານລວມ ຂອງ ຂະແໜງໄຟຟ້າ, ບໍ່ວ່າ ເປັນຕອນກາງ ເວັນ ຫຼື ກາງຄືນ, ບັນດາຊ່າງໄຟຟ້າຂອງ EVNSPC ຍາມໃດກໍ່ ຢູ່ໃນສະພາບ ກຽມພ້ອມ ປະຕິບັດວຽກງານ ເພື່ອສຳເລັດທຸກ ໜ້າທີ່ ທີ່ຂັ້ນເທິງ ໄດ້ມອບໝາຍໃຫ້.